जय महाराष्ट्र’ ‘दिलखुलास’मध्ये शालेय शिक्षण व क्रीडा विभागाचे
प्रधान सचिव रणजितसिंह देओल यांची विशेष मुलाखत
मुंबई, दि. 24 : माहिती व जनसंपर्क महासंचालनालय निर्मित ‘जय महाराष्ट्र’ आणि ‘दिलखुलास’ कार्यक्रमात क्रीडा विभागाचे प्रधान सचिव रणजितसिंह देओल यांची विशेष मुलाखत प्रसारित होणार आहे. महाराष्ट्रातील क्रीडा क्षेत्राचा विकास, खेळाडूंना उपलब्ध करून देण्यात येणाऱ्या सुविधा आणि शासनामार्फत राबविण्यात येणाऱ्या विविध योजनांची माहिती या मुलाखतीतून देओल यांनी दिली आहे.
‘जय महाराष्ट्र’ कार्यक्रमात ही मुलाखत मंगळवार, 29 सप्टेंबर 2026 रोजी रात्री 8 वाजता दूरदर्शनच्या सह्याद्री वाहिनीवर प्रसारित होणार आहे. तसेच महासंचालनालयाच्या अधिकृत समाजमाध्यमांवरही ही मुलाखत उपलब्ध होणार आहे. याचबरोबर ‘दिलखुलास’ कार्यक्रमात मंगळवार 29 सप्टेंबर, बुधवार 30 सप्टेंबर तसेच गुरूवार 1 ऑक्टोबर 2026 रोजी सकाळी 7.25 ते 7.40 या वेळेत आकाशवाणीच्या सर्व केंद्रांवर आणि ‘News On AIR’ ॲपवर ही मुलाखत प्रसारित होणार आहे. या विशेष मुलाखतीचे निवेदन पूनम चांदोरकर यांनी केले आहे.
अधिकृत समाजमाध्यमे :
X (Twitter) : https://twitter.com/MahaDGIPR
Facebook : https://www.facebook.com/
YouTube : https://www.youtube.com/
ग्रामीण व शहरी भागातील गुणवंत खेळाडूंचा शोध, अत्याधुनिक प्रशिक्षण सुविधा, महिला व दिव्यांग खेळाडूंसाठीच्या योजना, तसेच ऑलिम्पिक आणि पॅरालिम्पिक स्पर्धांसाठीची तयारी याबाबत त्यांनी माहिती दिली आहे. ‘मिशन लक्ष्यवेध’, जिल्हा क्रीडा संकुले, क्रीडा प्रशिक्षण केंद्रे आणि खेळाडूंना शासन सेवेत उपलब्ध असलेले आरक्षण यासारख्या महत्त्वाच्या उपक्रमांची माहिती या मुलाखतीतून देण्यात आली आहे. तसेच महाराष्ट्रातील क्रीडा क्षेत्राची वाटचाल, खेळाडूंसाठी शासनाच्या विविध योजना, ग्रामीण आणि शहरी भागातील गुणवंत खेळाडूंना मिळणाऱ्या संधी, महिला व दिव्यांग खेळाडूंसाठीच्या सुविधा, तसेच भविष्यातील ऑलिम्पिक आणि पॅरालिम्पिकच्या तयारीबाबत ‘जय महाराष्ट्र’ आणि ‘दिलखुलास’ कार्यक्रमातून प्रधान सचिव देओल यांनी सविस्तर माहिती दिली आहे.
०००
जयश्री कोल्हे/स.सं.
No comments:
Post a Comment