गडचिरोली जिल्ह्यातील नैसर्गिक पर्यटनस्थळांना भेट देणाऱ्या पर्यटकांसाठी हे मत्स्यालय नवीन आकर्षण ठरणार आहे. त्यामुळे स्थानिक तसेच जिल्ह्यातील पर्यटनविकासाला चालना मिळण्यास मदत होणार आहे. मत्स्यालयाचे बाह्य व अंतर्गत स्वरूप, माशांच्या टाक्यांची मांडणी आणि पर्यटकांसाठीच्या सुविधा आकर्षक व आधुनिक असाव्यात, याबाबत मंत्री राणे यांनी संबंधित अधिकाऱ्यांना सूचना दिल्या.
या प्रकल्पाच्या अंमलबजावणीसाठी संबंधित विभागांनी आवश्यक समन्वय साधून पुढील कार्यवाही जलदगतीने करावी. वन विभागाशी संबंधित बाबींवर वनमंत्री गणेश नाईक यांच्याशी चर्चा करून आवश्यक कार्यवाही करावी, असे निर्देशही मंत्री राणे यांनी दिले.
No comments:
Post a Comment