*हृदयपरीवर्तनी महाशिवरात्रीची*

 🚩⚜🚩🔆🕉🔆🚩⚜🚩

      🌻 *li.आनंदी°पहाट.il* 🌻

            ⚜️⚜️⚜️⚜️⚜️

    *हृदयपरीवर्तनी महाशिवरात्रीची* 

            ⚜️⚜️⚜️⚜️⚜️

🚩🔱🚩🔆🙏🔆🚩🔱🚩  

  

        *ॐ त्र्यम्बकं यजामहे*

        *सुगन्धिं पुष्टिवर्धनम् ।*

        *उर्वारुकमिव*

        *बन्धनान्मृत्योर्मुक्षीय*

        *मामृतात् ॥*

        *आज महाशिवरात्र. महाराष्ट्रात तर महाशिवरात्रीचा उत्साह आगळा. इथे गावॊगाव शिवमंदिर आहेत.. यात्रा भरल्यात. इथे त्र्यंबकेश्वर, घृष्णेश्वर, भीमाशंकर, औंढा नागनाथ, परळी वैजनाथ अशी पाच ज्योतिर्लिंग आहेत. छत्रपती शिवरायांनी शिवाचे आशीर्वाद घेत हिंदवी स्वराज्याची प्रतिज्ञा केली होती जी पूर्ण केली.*

        *शिवोहम.. म्हणजे मीच सतचित आनंद.. प्रकाश स्वरुप 'शिव' आहे. तोच कृपाभाव, त्यागीवृत्ती, परमोच्च ज्ञान मला आहे. 'मी' आणि 'तो' एकच आहे. सृष्टीतील आदि शिवाप्रमाणेच मी पण समोरच्यामध्ये स्वतःला बघतो. तीच ज्योत माझ्यात आहे. तोच पवित्र 'शिव' भाव.. प्रेमभाव, समर्पणवृत्ती माझ्यात आहे.*    

        *आज हाच शिवभाव प्राप्त करण्यासाठी भक्त शिवाला शरण जाणार. ब्रह्मा.. विष्णू आणि महेश या जगाच्या त्रिमुर्तीपैकी सृष्टीचक्र सुरु ठेवण्यासाठी शिवाची ओळख संहारक देवता म्हणून आहे. सृष्टीसाठी ते आवश्यक..सत्य आहे. म्हणूनही शिव सत्य आहेत. त्यांच्या जवळ देव-दानव फरकच नाही. जो भक्ती करेल त्या भक्ताला मागेल तो वर देणारे.*

        *मनुष्याप्रमाणे प्राण्यांना जगायला स्वत:साठी अन्न पिकवता येत नाही. 'जीवो जीवस्य जीवनम्' हा सृष्टीनियम झाला. पण प्रत्येकाला कुटुंब प्रेम.. समाज.. देश प्रेम आहेच. अगदी प्राण्यामध्येही कुटुंब प्रेम आहेच. एकदा एका उपाशी पारध्याच्या हाती हरिणी सावज आले. मला एकदा कर्तव्यपालनासाठी घरी जावू द्या अशी हरिणीने विनंती करून परत येण्याचे वचन पारध्यास दिले.*

        *या पारध्याने त्या हरिणीवर बाण चालवला नाही. तिच्या पिल्लांना भेटण्यासाठी.. स्वतः उपाशी राहून हरिणीला जावू दिले. रात्रभर तो पारधी हरिणीची वाट बघत झाडावर बसला. रात्रभर त्या झाडाची पाने खाली फेकत होता. पहाटे ती हरणीच काय तर तिचे सारे कुटुंब दिलेल्या शब्दाप्रमाणे मरण स्वीकारायला समोर उभे राहिले.*

        *हरिणीच्या कुटुंबातील सारेच सदस्य "'तू मला मार या हरिणीचा जीव वाचवणे हे आमचे कर्तव्य आहे" असे म्हणू लागले. या कुटुंबाचे हे एकमेकांवरचे प्रेम.. त्यागवृत्ती बघून तो पारधी थक्क झाला. त्यांचे हृदयपरिवर्तन झाले. त्याने सर्वानाच जीवदान दिले. नकळत होणारी सत्कर्म.. पूजाही जीवनात उपयोगी पडतात. पारधी ज्या झाडाची पाने फेकत होता ते झाड होते बेलाचे. पाने खाली पडत होती ती शिवलिंगावर.*

        *हरिणी.. तिचे कुटुंबिय, पारधी या प्रत्येकाचा समर्पण भाव बघून तिथे शंकर।प्रकटले. त्यांनी मायाळू पारधी आणि सावज हरिणी या दोघांवरही कृपा करुन त्यांना 'मृग' व 'व्याघ्र' अशी दोन नक्षत्रे म्हणून नभोमंडळी विराजमान केले. पारध्याच्या हृदय परिवर्तनाची ही किमया घडली महाशिवरात्रीला.*

        *शिव म्हणजे कल्याण करणारे. सर्वांचे कल्याण व्हावे, शिवोहम व्हावे यासाठी आजचे व्रत. आजच्याच दिवशी शिवपार्वती विवाह झाला होता.*

        *निळकंठ.. भोळ्या शंकराचे एक नाव. जगात सदैव चांगले.. वाईट.. सत्प्रवृत्ती.. दुष्प्रवृत्ती. तसेच विष.. अमृत हे दोन्ही राहणारच. पण अमृत पिऊन अमर होण्याची प्रत्येकाची धडपड असते. पण विष मात्र कुणालाच नको असते. पण हे विष सुद्धा कुणाला तरी घ्यावेच लागेल. पण घेणार कोण ? मग अमृत मंथनातील हे विष घेतले ते भोळ्या शंकरांनी. त्या जहाल विषाने त्यांचा कंठ निळा झाला. दाह तर एवढा झाला की त्या दाहाच्या थयथयाटाने तांडव नृत्य घडले.*

        *जीवनातील विष अर्थातच भक्ताच्या मनातील काम.. क्रोध.. लोभ.. मोह.. मद.. मत्सर हे सारे षड्रिपू भाव. हे विष गळ्यातच ठेवा. पोटातही नको अन् मुखातून उच्चारही नको. अन्यथा युद्ध अटळच. हा संदेश देणारे हे भोलेनाथ. सर्वसत्ताधीश असूनही.. संहाराची शक्ती असूनही, कुठलाही सत्ता, संपत्ती, ऐषाराम याचा मोह त्यांना नाही. साधे जीवन जगण्याचा संदेश देणारे हे देवांचेही देव महादेव.*

        *"शिवो भूत्वा शिवं यजेत" अर्थात शिव भाव ठेवत आज शिवाचे पूजन होणार. विष कंठात धारण केल्याने शिवाच्या शरीरात दाह निर्माण झाला. त्यामुळे शिव रात्रभर जागे होते. त्यांच्या सोबत सारेच देवदेवताही जागे राहून त्यांची स्तुती करत होते. यामुळे भक्तही आज रात्रभर भक्तीजागरण करणार. आज जे त्याने दिले तेच जल.. दुध.. बेल पाने अंशरुपात त्याला वाहायचे. उपवास आणि संकीर्तनाने रात्र जागवायची.*

        *हे ज्ञान गंगा धारण.. ज्ञान वाटणारे भोलेनाथ म्हणजे भोळ्या.. सरळ लोकांचे नाथ अर्थात रक्षणकर्ते, म्हणून जे अन्यायी.. दुराचारीं आहेत त्यांच्यावर शिवाचे त्रिशूळ चालते.*

        *आज देशभर शिवलीलामृत.. काशीखंड आदिंचे वाचन होत.. 'ॐ नमः शिवाय' चा जप होतो. आज देशविदेशी शिवभक्तीचा हा आनंदोत्सव साजरा होणार.*

           *!! ॐ नमः शिवाय !!*

🔱🍁☘🍁🔱🍁☘🍁🔱

  1️⃣

  *सर्वात्मका सर्वेश्वरा*

  *गंगाधरा शिवसुंदरा*

  *जे जे जगी जगते तया*

  *माझे म्हणा करुणाकरा*

  *आदित्य या तिमिरात व्हा*

  *ऋग्वेद या हृदयात व्हा*

  *सुजनत्व द्या, द्या आर्यता*

  *अनुदारिता दुरिता हरा*

  *गीत : कुसुमाग्रज*  ✍️

  *संगीत : पं. जितेंद्र अभिषेकी*

  *स्वर : पं. जितेंद्र अभिषेकी*  

  *नाटक : ययाति आणि देवयानी*

🔱☘🌼🌸🙏🌸🌼☘🔱

  2️⃣

  *शिव तांडव स्तोत्र :*

  *जटाटवीगलज्जल*

  *प्रवाहपावितस्थले..*

  *रचना : लंकाधिपती रावण*  ✍️

  *स्वर : शंकर महादेवन*  

  🎼🎶🎼🎶🎼    🎧

        🚩  *ॐ नमः शिवाय* 🚩

    *🌹🙏सुमंगल प्रभात🙏🌹*

                *१५.०२.२०२६*

🌻🌸🔱☘🌼☘🔱🌸🌻