शासकीय जनआरोग्य योजनांतून कोणालाही उपचार नाकारू नयेत

 शासकीय जनआरोग्य योजनांतून कोणालाही उपचार नाकारू नयेत

–     सार्वजनिक आरोग्यमंत्री प्रकाश आबिटकर

 

मुंबई, दि. 2 : राज्यातील प्रत्येक गरजू रुग्णाला शासकीय आरोग्य योजनांतून विनासायास, मोफत आणि प्रभावी उपचार मिळालेच पाहिजेत. प्रधानमंत्री जनआरोग्य योजना आणि महात्मा ज्योतिराव फुले जनआरोग्य योजनेअंतर्गत अंगीकृत असलेल्या कोणत्याही खासगी अथवा शासकीय रुग्णालयाने कोणत्याही कारणास्तव रुग्णाला उपचार नाकारू नयेत, असे निर्देश सार्वजनिक आरोग्य व कुटुंब कल्याण मंत्री प्रकाश आबिटकर यांनी दिले.

प्रधानमंत्री जनआरोग्य योजना व महात्मा ज्योतिराव फुले जनआरोग्य योजनेंतर्गत अंगीकृत असलेल्या खासगी व शासकीय रुग्णालयांचे प्रतिनिधी आणि कर्मचाऱ्यांची आढावा बैठक मंत्रालयात झाली. त्यावेळी आरोग्यमंत्री आबिटकर बोलत होते. बैठकीस महात्मा ज्योतिराव फुले जनआरोग्य योजनेचे मुख्य कार्यकारी अधिकारी डॉ. अण्णासाहेब चव्हाण, ठाणे जिल्हा परिमंडळाचे उपसंचालक डॉ. अशोक नांदापूरकर यांच्यासह विविध खाजगी व शासकीय रुग्णालयांचे प्रतिनिधी तसेच दोन्ही जनआरोग्य योजनांचे कर्मचारी उपस्थित होते.

सार्वजनिक आरोग्यमंत्री प्रकाश आबिटकर म्हणाले की, सर्वसामान्य आणि गरजू नागरिकांना दर्जेदार वैद्यकीय उपचार मोफत मिळावेत, या उद्देशाने शासन जनआरोग्य योजना प्रभावीपणे राबवत आहे. या योजना शासनाच्या नियमानुसारच राबविल्या गेल्या पाहिजेत. मात्र रेशनकार्डाची मूळ प्रत उपलब्ध नसणे किंवा इतर किरकोळ कारणांमुळे रुग्णांना उपचारांपासून वंचित ठेवले जाऊ नये. अशावेळी डिजिटल रेशनकार्ड व्हेरिफिकेशनचा वापर करून रुग्णांना तातडीने उपचार देण्यास प्राधान्य देण्यात यावे.

रुग्णांना कागदपत्रे, मंजुरी प्रक्रिया किंवा तांत्रिक अडथळ्यांमुळे त्रास होऊ नये, यासाठी रुग्णालयांतील समन्वयकांची भूमिका अत्यंत महत्त्वाची असल्याचे त्यांनी स्पष्ट केले. समन्वयकांनी रुग्ण आणि त्यांच्या नातेवाइकांना आवश्यक मार्गदर्शन करून उपचार प्रक्रिया सुलभ करावी, असे निर्देशही आरोग्य मंत्री आबिटकर यांनी दिले. 

गरीब आणि गरजू माणसाला मदत करायची आहे, या भावनेने जनआरोग्य योजना अधिक लोकाभिमुख कराव्यात, असे सांगून आरोग्य मंत्री आबिटकर म्हणाले की, तज्ज्ञ समितीच्या नियमित बैठका घ्याव्यात, महात्मा ज्योतिराव फुले जनआरोग्य योजना आणि प्रधानमंत्री जनआरोग्य योजनेची राज्यभर मोठ्या प्रमाणावर जनजागृती करावी, या योजनांची माहिती अधिकाधिक लोकांपर्यंत पोहोचल्यास पात्र लाभार्थ्यांना वेळेत उपचार मिळण्यास मदत होईल, असेही आरोग्य मंत्री आबिटकर यांनी सांगितले.

बैठकीत शासकीय जनआरोग्य योजनांची अंमलबजावणी अधिक प्रभावी, पारदर्शक आणि रुग्णकेंद्रित करण्यावर भर देण्यात आला.

०००००

सातारा येथील वृंदावन पोलीस टाऊनशिप आणि शाहूपुरी

 सातारा येथील वृंदावन पोलीस टाऊनशिप आणि शाहूपुरी पोलीस ठाणे या नवीन इमारतीचे उद्घाटन मुख्यमंत्री देवेंद्र फडणवीस यांच्या हस्ते झाले. यावेळी पर्यटनमंत्री व पालकमंत्री शंभूराज देसाई, सार्वजनिक बांधकाम मंत्री  श्री. छ. शिवेंद्रसिंहराजे भोसले, ग्रामविकास मंत्री जयकुमार गोरे, आमदार शशिकांत शिंदे, महेश शिंदे, अतुल भोसले, मनोज घोरपडे, पोलीस महासंचालक तथा महाराष्ट्र राज्य पोलीस गृहनिर्माण व कल्याण महामंडळाच्या व्यवस्थापकीय संचालक अर्चना त्यागी, विभागीय आयुक्त डॉ. चंद्रकांत पुलकुंडवार, कोल्हापूर परिक्षेत्राचे विशेष पोलीस महानिरीक्षक सुनील फुलारी, जिल्हाधिकारी संतोष पाटील, पोलीस अधीक्षक तुषार दोशी, मुख्य कार्यकारी अधिकारी याशनी नागराजन, अतिरिक्त पोलीस अधीक्षक वैशाली कडूकर, पोलीस उपाधिक्षक अतुल सबनीस यांच्यासह वरिष्ठ पोलीस अधिकारी उपस्थित होते.

सातारा येथे पोलीस अधिकारी व अंमलदार यांच्यासाठी उभारण्यात आलेल्या वृंदावन पोलीस टाऊनशीपमध्ये ६९८ सदनिका असून यामध्ये निवासस्थाने, व्यायामशाळा, वाचनालय, बहुउद्देशिय सभागृह, पॉवर हाऊस अशा अनेक सुविधा आहेत. या प्रक्रल्पाचे अतिशय सुंदर काम केल्याबद्दल पोलीस हाऊसिंग कार्पोरेशनला शुभेच्छा देऊन मुख्यमंत्री देवेंद्र फडणवीस म्हणाले, २०१४ ला मुख्यमंत्री आणि गृहमंत्री म्हणून कार्यभार स्वीकारल्यानंतर पोलिसांना उत्तम घरे मिळाली पाहिजेत हा संकल्प केला होता. यासाठी पोलीस हाऊसिंग कार्पोरेशनला प्राधिकृत केले. त्यांना निधी उपलब्ध करून दिला आणि मोठ्या प्रमाणात संपूर्ण महाराष्ट्रामध्ये प्रत्येक जिल्ह्यामध्ये घरांची निर्मिती सुरू केली. जुन्या पोलीस लाईनमध्ये राहणाऱ्या पोलिसांना व त्यांच्या कुटुंबीयांना अत्यंत वाईट परिस्थितीमध्ये रहावे लागत होते. पोलीस कुटुंबीयांच्या जीवनात आनंद निर्माण करुन त्यांना राहण्यायोग्य घरे निर्माण व्हावीत यासाठी आपण ही जबाबदारी पोलीस गृह निर्माण आणि कल्याण महामंडळाला दिली.  पोलिसांच्या मुलांना व त्यांच्या कुटुंबाला आनंदी वातावरण मिळावे आणि अनेकवेळा तासंतास सेवा बजावणाऱ्या पोलीस बांधवांना घरी गेल्यानंतर सुखाने जगता यावे, यादृष्टीने या सदनिकांचे नियोजन करण्यात आले आहे. त्यातून अशाच प्रकारे पोलिसांना उत्तम घर आम्ही देत राहू असा संकल्प त्यांनी यावेळी व्यक्त केला.

या प्रकल्पाचे उत्तम प्रकारे काम केल्याबद्दल मुख्यमंत्री फडणवीस यांनी मुख्य अभियंता राजाराम पुरीगोसावी, विलास बिरारी यांचे अभिनंदन केले.  यावेळी मुख्यमंत्री फडणवीस यांनी गृह प्रकल्पाची पाहणी करुन प्रातिनिधीक स्वरुपात पोलीस कर्मचाऱ्यांना सदनिकांच्या चाव्यांचे वितरण केले. यावेळी पोलीस कर्मचारी व त्यांचे कुटुंबीय उपस्थित होते.

गृहनिर्माण प्रकल्पांमुळे पोलिसांच्या जीवनात सकारात्मक बदल

 गृहनिर्माण प्रकल्पांमुळे पोलिसांच्या जीवनात सकारात्मक बदल

- मुख्यमंत्री देवेंद्र फडणवीस

 

सातारा, दि. २ : राज्यभरात प्रत्येक जिल्ह्यात पोलिसांच्या कुटुंबीयांसाठी अत्यंत सुंदर व दर्जेदार गृहनिर्माण प्रकल्प उभे राहत आहेत. त्यामध्ये विविध सोयीसुविधा उपलब्ध करुन देण्यात येत आहेत. यापुढेही पोलीसांसाठी अशाच दर्जेदार सदनिका निर्मितींचे काम अखंडपणे सुरु राहील. या दर्जेदार सदनिकांमुळे पोलीस व त्यांच्या कुटुंबीयांच्या जीवनात सकारात्मक बदल घडून येईल, असा विश्वास मुख्यमंत्री देवेंद्र फडणवीस यांनी व्यक्त केला.

Chief Minister’s Secretariat (Public Relations Wing)

 Chief Minister’s Secretariat (Public Relations Wing)

“The New Year will usher in a new era of prosperity

and development for Maharashtra”

-Chief Minister Devendra Fadnavis

Chief Minister extends New Year greetings on the eve of the New Year

Mumbai, Dec. 31: Expressing confidence that the New Year will mark the beginning of a new chapter of prosperity and development for Maharashtra, Chief Minister Devendra Fadnavis has extended New Year greetings to the people of the state.

In his message on the eve of the New Year, while bidding farewell to the outgoing year, Chief Minister Fadnavis said, “Let us forget the bitter moments of the past year and move forward, drawing inspiration from cherished memories. Maharashtra is a leading state across all sectors and continues to provide leadership to the nation. Let us unite to ensure that the flag of Maharashtra’s progress continues to fly high.”

He further stated that the soil of Maharashtra has the strength to accept challenges and called upon citizens to resolve collectively to overcome any challenges that may arise. Expressing hope that the New Year will bring renewed energy and strengthen hopes and aspirations, the Chief Minister wished that the New Year would be healthy for all and bring growth and prosperity across every sector.

Chief Minister’s Secretariat (Public Relations Cell)

 Chief Minister’s Secretariat (Public Relations Cell)

Cabinet Decision (Total – 1)

(Revenue Department)

Three Acres of MTDC Land at Chikhaldara to Amravati’s Ambadevi Sansthan

Mumbai: The State Cabinet, at its meeting chaired by Chief Minister Devendra Fadnavis, has approved the allotment of 3 acres and 8 R of land belonging to the Maharashtra Tourism Development Corporation (MTDC) at Mouje Chikhaldara in Amravati district to the Shri Ambadevi Sansthan, Amravati.

The land in question is part of approximately 7.5 acres that was allotted to MTDC in 1975 for developing basic facilities for tourists at Chikhaldara. However, the land had remained unused.

Shri Ambadevi Sansthan, Amravati—which is responsible for the management of Devi Point and the Virat Devi Temple at Chikhaldara—had requested land from the government for the development of these religious sites. Accordingly, the government has decided to resume about 3 acres and 8 R of land from MTDC and allot it free of cost to Shri Ambadevi Sansthan.

The land will be allotted to the temple trust as Occupant Class–II, and it shall be used exclusively for religious purposes.

अमरावतीच्या अंबादेवी संस्थानास चिखलदरा येथील महाराष्ट्र पर्यटन विकास महामंडळाची तीन एकर जमीन

 (महसूल विभाग)

अमरावतीच्या अंबादेवी संस्थानास चिखलदरा येथील महाराष्ट्र पर्यटन विकास महामंडळाची तीन एकर जमीन

 

अमरावती जिल्ह्यातील मौजे चिखलदरा येथील श्री अंबादेवी संस्थान, अमरावती यांना महाराष्ट्र पर्यटन विकास महामंडळाची ३ एकर ८ आर जमीन देण्यास आज झालेल्या मंत्रिमंडळ बैठकीत मान्यता देण्यात आली. बैठकीच्या अध्यक्षस्थानी मुख्यमंत्री देवेंद्र फडणवीस होते.

चिखलदरा येथील सुमारे साडे सात एकर जमीन १९७५ मध्ये महाराष्ट्र पर्यटन विकास महामंडळाला पर्यटकांसाठी मुलभूत सुविधा उपलब्ध करून देण्यासाठी देण्यात आली होती. पण ही जमीन वापराविना पडून होती. दरम्यान,  चिखलदरा येथील देवी पॉईंट आणि विराट देवी देवस्थान यांच्या व्यवस्थापनाची जबाबदारी असलेल्या अमरावतीच्या श्री अंबादेवी संस्थानाने या दोन्ही देवस्थानच्या विकासासाठी शासनाकडे जमिनीची मागणी केली होती. त्यानुसार पर्यटन विकास महामंडळाकडील सुमारे तीन एकर ८ आर जमीन शासन जमा करून घेऊन, ती श्री अंबादेवी संस्थानास विनामूल्य उपलब्ध करून देण्यात येणार आहे. ही जमीन मंदिर संस्थानाला भोगवटादार वर्ग – २ म्हणून मिळणार असून, जमीन केवळ धार्मिक प्रयोजनासाठी वापरता येणार आहे. 

यांच्या दूरदृष्टीमुळे आणि त्यांनी प्रशासनाकडे केलेल्या सातत्यपूर्ण पाठपुराव्यामुळे बीड शहराच्या वैभवात

 राजकारणात केवळ आश्वासने दिली जातात, पण ती पूर्ण करण्यासाठी जिद्द लागते, हे बीडमधील प्रभाग क्रमांक १३ चे माजी नगरसेवक भीमराव वाघचौरे यांनी सिद्ध करून दाखवले आहे. वाघचौरे यांच्या दूरदृष्टीमुळे आणि त्यांनी प्रशासनाकडे केलेल्या सातत्यपूर्ण पाठपुराव्यामुळे बीड शहराच्या वैभवात

भर घालणारे दोन मोठे प्रकल्प मार्गी लागले आहेत. उपमुख्यमंत्री अजित पवार यांनी वाघचौरे यांच्या मागणीची दखल घेत शहरात भव्य सायन्स पार्क (Science Park) उभारण्यासाठी २८ कोटी आणि स्व. यशवंतराव चव्हाण नाट्यगृहाच्या दुरुस्तीसाठी ८ कोटी १९ लाख रुपयांचा निधी मंजूर केला आहे.

भीमराव वाघचौरे: वचननाम्यातील शब्दाला जागले

यंदाची नगर परिषद निवडणूक लढवताना भीमराव वाघचौरे यांनी आपल्या 'वचननाम्या'मध्ये बीडकरांना एक महत्त्वाचे आश्वासन दिले होते. बीडमधील विद्यार्थी आणि नागरिकांसाठी आधुनिक सायन्स पार्क आणि तारांगण उभारण्याचे स्वप्न त्यांनी पाहिले होते. निवडणूक झाल्यानंतरही ते शांत बसले नाहीत. या दोन्ही महत्त्वाकांक्षी प्रकल्पांसाठी त्यांनी उपमुख्यमंत्री अजित पवार आणि स्थानिक प्रशासनाकडे सातत्याने तगादा लावला होता.

वाघचौरे यांच्या या प्रयत्नांची आणि तळमळीची दखल घेत, खुद्द उपमुख्यमंत्री अजित पवार यांनी या प्रकल्पांना हिरवा कंदील दाखवला आहे. "माझे स्वप्न साकार झाल्याचे समाधान आहे," अशा भावना व्यक्त करत वाघचौरे यांनी उपमुख्यमंत्री अजित पवार आणि आमदार विजयसिंह पंडित यांचे आभार मानले आहेत.

दादांनी विमानतळावरून फिरवली सूत्रे

एकीकडे भीमराव वाघचौरे यांचा पाठपुरावा सुरू असतानाच, दुसरीकडे अजित पवार यांनी आपल्या कामाची 'बुलेट ट्रेन' स्टाईल पुन्हा एकदा दाखवून दिली. गुरुवारी (ता. १) बीड दौऱ्यावर येण्यासाठी विमानतळावर असतानाच अजित पवार यांनी संबंधित अधिकाऱ्यांना फोन लावला. "मी बीडला पोहोचेपर्यंत निधी मंजुरीचा आदेश निघाला पाहिजे," अशी तडकाफडकी सूचना त्यांनी दिली. आणि झालेही तसेच, दादांचा ताफा बीडमध्ये येईपर्यंत व्हॉट्सॲपवर ८ कोटी १९ लाख रुपयांच्या मंजुरीचा शासन निर्णय (GR) धडकला होता. काम करायचे तर असे करावे, असे म्हणत अजित पवारांनी अधिकाऱ्यांची आणि स्थानिक नेतृत्वाची पाठ थोपटली.

धानोरा रोडवर होणार विज्ञानाची किमया

भीमराव वाघचौरे यांच्या प्रयत्नातून मंजूर झालेले हे सायन्स पार्क धानोरा रस्त्यावरील पंढरी येथे साकारण्यात येणार आहे. जिल्हा नियोजन समितीतून यासाठी २८ कोटी रुपयांची तरतूद करण्यात आली आहे. कसे असेल हे सायन्स पार्क?

मध्यभागी तारांगण व विज्ञान उद्यान: अंतराळातील रहस्ये उलगडणारे अद्ययावत तंत्रज्ञान.
माहिती केंद्रे: एआय (AI) आणि आभासी तंत्रज्ञानावर (Virtual Reality) आधारित चार विशेष माहिती केंद्रे.
विविध दालने: मानवी इतिहास, निसर्ग शास्त्र आणि पर्यावरण या विषयांवर आधारित स्वतंत्र विभाग.
तारांगण: ग्रह, तारे, उल्का, धूमकेतू, आकाशगंगा आणि नेब्युला यांची माहिती आता मायबोली मराठीतून मिळणार आहे.
नाट्यगृहाचा 'वनवास' संपला

गेल्या अनेक वर्षांपासून बीडच्या यशवंतराव चव्हाण नाट्यगृहाची अवस्था अत्यंत दयनीय झाली होती. तुटलेल्या खुर्च्या आणि असुविधांमुळे कलाकारांची मोठी कुचंबणा होत होती. मात्र, भीमराव वाघचौरे यांनी हा मुद्दा लावून धरला आणि अजित पवारांनी त्याला तत्काळ प्रतिसाद दिला. आता ८ कोटींच्या निधीतून नाट्यगृहाचे संपूर्ण रूप पालटणार असून, वातानुकूलित यंत्रणेसह अत्याधुनिक सोयीसुविधा उपलब्ध होणार आहेत.

भीमराव वाघचौरे यांच्या या यशस्वी पाठपुराव्यामुळे बीडमधील रसिक, विद्यार्थी आणि ज्येष्ठ नागरिकांमध्ये आनंदाचे वातावरण आहे.