समृद्धी महामार्गाचा विस्तार; मालवाहू रेल्वे कॉरिडॉरचे नियोजन
हिंदूहृदयसम्राट बाळासाहेब ठाकरे महाराष्ट्र समृद्धी महामार्गाचा विस्तार चंद्रपूर, गडचिरोली, भंडारा आणि गोंदिया जिल्ह्यांपर्यंत करण्यात येणार आहे. गडचिरोलीला जोडणाऱ्या मार्गासाठी भूसंपादन पूर्ण झाले असून निविदाही काढण्यात आल्या आहेत. येत्या दोन ते तीन महिन्यांत प्रत्यक्ष कामाला सुरुवात होईल, असे मुख्यमंत्र्यांनी सांगितले.
तसेच जेएनपीटी आणि वाढवण बंदरापासून नाशिक, जालना, वर्धामार्गे गडचिरोलीपर्यंत समर्पित मालवाहू रेल्वे कॉरिडॉर उभारण्याचा मानस त्यांनी व्यक्त केला. यामुळे गडचिरोलीतील पोलाद थेट आंतरराष्ट्रीय बंदरांपर्यंत पोहोचविणे शक्य होईल.
विदर्भातील दुष्काळी भागांसाठी वैनगंगा-पैनगंगा नदीजोड प्रकल्पाचे नियोजन करण्यात आले असून, सुमारे ५५० किलोमीटरच्या या प्रकल्पाद्वारे १०० टीएमसी पाणी विविध भागांत पोहोचविण्याचा मानस असल्याचे त्यांनी सांगितले.
No comments:
Post a Comment