बालकांच्या आरोग्यासाठी मजुरांची फरफट थांबविणार
उसतोड मजूर अनेक दिवस कुटुंबासह घरापासून दूर राहतात. अशा परिस्थितीत मुलांच्या आजारपणात उपचारांसाठी आरोग्य केंद्रापर्यंत जाणे, नियमित तपासणी करणे आणि लसीकरण करून घेणे मजुरांना शक्य होत नाही. कामाच्या व्यापामुळे बालकांच्या आरोग्याकडेही दुर्लक्ष होण्याची शक्यता असते. त्यामुळे आरोग्य यंत्रणेने थेट मजुरांच्या पालांपर्यंत पोहोचून सेवा देणे आवश्यक आहे. बालकांच्या आजारपणात पालकांची होणारी धावपळ आणि फरफट थांबविणे, तसेच स्थलांतरित बालकांना दर्जेदार आरोग्य सुविधा उपलब्ध करून देऊन त्यांचे आरोग्य सुदृढ ठेवणे, हा ‘बालसंजीवनी’ अभियानाचा मुख्य उद्देश असल्याचे राज्यमंत्री मेघना साकोरे-बोर्डीकर यांनी स्पष्ट केले.
०००
No comments:
Post a Comment