खारदेव नगर येथील मुंबई महानगरपालिका कर्मचाऱ्यांच्या बैठ्या पत्रा चाळ वसाहतीचा झोपडपट्टी पुनर्वसन प्राधिकरणाच्या माध्यमातून पुनर्विकास करण्यासह अन्य प्रलंबित प्रश्नांवर बैठकीत चर्चा करण्यात आली. चेंबूर विधानसभा मतदारसंघातील मुंबई महानगरपालिका कर्मचाऱ्यांच्या निवासी सहकारी गृहनिर्माण संस्थांच्या पुनर्विकासाचा विषय बैठकीत मांडण्यात आला. कर्मचाऱ्यांच्या गृहनिर्माण संस्थांच्या पुनर्विकासासाठी आकारण्यात येणाऱ्या प्रीमियमबाबत नवे धोरण लागू करण्यासाठी सकारात्मक विचार केला जाईल, असे त्यांनी स्पष्ट केले.
यावेळी महानगरपालिकेची निवासस्थाने निवृत्तीनंतरही खाली न केल्यामुळे अनेक निवृत्त महापालिका कर्मचाऱ्यांचे आर्थिक लाभ आणि पेन्शन थांबविण्यात आल्याचा मुद्दाही उपस्थित करण्यात आला. यावर उपमुख्यमंत्री म्हणाले, निवृत्त कर्मचाऱ्यांची संपूर्ण रक्कम थांबविणे योग्य नाही. काही निवृत्त कर्मचाऱ्यांची मुले अनुकंपा तत्वावर महानगरपालिकेत नोकरीला लागल्यामुळे त्यांना तातडीने घरे खाली करणे शक्य होत नाही. त्यामुळे या प्रकरणाचा सहानुभूतीपूर्वक विचार करून प्राधान्याने प्रस्ताव सादर करण्याचे निर्देश त्यांनी दिले.
No comments:
Post a Comment