घारोड हे अतिदुर्गम डोंगराळ भागातील गाव असून, दुष्काळाचा मोठा फटका येथील शेतकऱ्यांना बसला आहे. अशा परिस्थितीत केंद्रीय राज्यमंत्र्यांनी थेट शेतकऱ्यांच्या घरी जाऊन दिवाळी साजरी केल्याने ग्रामस्थांमध्ये समाधानाचे वातावरण होते. ग्रामीण भागातील शेतकऱ्यांच्या समस्या प्रत्यक्ष जाणून घेऊन त्या केंद्र व राज्य शासनाच्या स्तरावर मांडण्यासाठी अशा संवादात्मक कार्यक्रमांचे आयोजन करण्यात येत असल्याचे यावेळी सांगण्यात आले.
दरम्यान, घारोड गावातील पाणीपुरवठा योजनेच्या अपूर्ण कामासंदर्भातही महत्त्वपूर्ण निर्णयाची माहिती देण्यात आली. जलजीवन मिशनअंतर्गत अपूर्ण असलेल्या पाणीपुरवठा योजनेस राज्य शासनाच्या पाणीपुरवठा विभागाने सुधारित प्रशासकीय मान्यता प्रदान केली आहे. या मंजुरीचे पत्र केंद्रीय राज्यमंत्री प्रतापराव जाधव यांनी ग्रामपंचायतीचे सरपंच वैभव ठाकरे यांच्याकडे सुपूर्द केले.
No comments:
Post a Comment