राज्य-विशिष्ट कायद्यांचा आढावा हा राष्ट्रीय महिला आयोगाच्या महत्त्वाच्या कार्याचा भाग
राष्ट्रीय महिला आयोगाच्या प्रमुख कार्यांपैकी कायद्यांचा आढावा घेणे हे महत्त्वाचे कार्य आहे. यावर्षी आयोगाने ‘ पोश ऍक्ट’चा आढावा घेताना देशाच्या विविध भागांत सल्लामसलती आयोजित करून तज्ज्ञांची मते जाणून घेतली. त्याच धर्तीवर देशातील विविध राज्यांमधील महिलांशी संबंधित राज्य-विशिष्ट कायद्यांचा आढावा घेण्याची प्रक्रिया सुरू करण्यात आली आहे, असे विजया रहाटकर यांनी सांगितले.
कायद्यांमध्ये काही पोकळी आहे का, कायदेशीर पळवाटा आहेत का, अंमलबजावणीमध्ये कोणत्या अडचणी येतात आणि विविध शासकीय यंत्रणांमध्ये आवश्यक समन्वय आहे का, याचा सखोल विचार या सल्लामसलतीतून होणे अपेक्षित असल्याचे त्यांनी सांगितले.
या सल्लामसलतीतून प्राप्त होणाऱ्या शिफारशींचे दस्तऐवजीकरण करून त्या महाराष्ट्र शासन तसेच केंद्र शासनाकडे सादर करण्यात येतील. या शिफारशींचा उपयोग नवीन कायदे तयार करणे, विद्यमान कायद्यांमध्ये सुधारणा करणे, मार्गदर्शक सूचना व धोरणे तयार करण्यासाठी होऊ शकतो, असेही त्यांनी स्पष्ट केले.
No comments:
Post a Comment