विद्यापीठ परिसरात सावित्रीबाई फुले यांचा कांस्य पुतळा देण्याची घोषणा करत, या पुतळ्यामुळे

  अन्न, नागरी पुरवठा व ग्राहक संरक्षण मंत्री छगन भुजबळ यांनी विद्यापीठ परिसरात सावित्रीबाई फुले यांचा कांस्य पुतळा देण्याची घोषणा करत, या पुतळ्यामुळे विद्यार्थिनींना सावित्रीबाईंच्या क्रांतिकारी कार्याची प्रेरणा मिळेल, असा विश्वास व्यक्त केला. स्त्रीशिक्षण आणि सामाजिक न्यायासाठी सावित्रीबाई फुले व महात्मा जोतिराव फुले यांच्या योगदानाची विस्तृत माहिती मंत्री भुजबळ यांनी उपस्थितांना दिली. पुरस्कार म्हणजे थांबायचा टप्पा नसून अधिक जोमाने काम करण्याची प्रेरणा आहे, असा संदेश देत त्यांनी महिलांच्या शिक्षणाचे देशाच्या प्रगतीतील महत्त्व अधोरेखित केले.यावेळी पुरस्कारार्थींना मान्यवरांच्या हस्ते सन्मानचिन्ह, प्रशस्तिपत्र तसेच रोख पारितोषिक प्रदान करून सत्कार करण्यात आला. २०२३–२४ या वर्षासाठी छत्रपती संभाजीनगर विभागातून संगिता संजय बाविस्कर (छत्रपती संभाजीनगर), नाशिक विभागातून निवेदिता सुनील ताठे (जळगाव), पुणे विभागातून सौ. संगिता किरण राणे (कोल्हापूर), नागपूर विभागातून नंदा अशोक कोल्हाटकर (नागपूर), अमरावती विभागातून निलिमा वसंतराव काळे (यवतमाळ) आणि कोकण विभागातून जयश्री परशुराम पाटील (नवी मुंबई) यांना ज्ञानज्योती सावित्रीबाई फुले पुरस्कार प्रदान करण्यात आला. त्याचप्रमाणे सन २०२४–२५ या वर्षासाठी छत्रपती संभाजीनगर विभागातून सुनिता माणिकराव मुळे (हिंगोली), नाशिक विभागातून बेबीताई अशोक गायकवाड (अहिल्यानगर), पुणे विभागातून अनुराधा दीपक भोसले (कोल्हापूर), नागपूर विभागातून डॉ. किरण राधेश्याम मेश्राम (नागपूर) आणि कोकण विभागातून डॉ. अॅड. मिता संजय गंगावणे (नवी मुंबई) यांना गौरविण्यात आले