अहवालामध्ये खरेदी विक्री संस्था चामोर्शी यांची भूमिका संशयास्पद आहे असे आढळले

 मंत्री छगन भुजबळ म्हणाले की, चामोर्शी तालुक्यात भूमीहीन व अल्पभूधारक शेतकऱ्यांच्या नावे ५ एकर जमीन दाखवून सरसकट बोनस देण्यात आल्याच्या अनुषंगाने प्राप्त तक्रारींबाबत जिल्हाधिकारी, गडचिरोली यांनी उपविभागीय अधिकारी, चामोर्शी यांच्या अध्यक्षतेखाली चौकशी समिती नेमली होती. या समितीच्या अहवालामध्ये खरेदी विक्री संस्था चामोर्शी यांची भूमिका संशयास्पद आहे असे आढळले आहे. या अनुषंगाने दिनांक ३० एप्रिल २०२५ रोजी संबंधित संस्थेवर गुन्हा नोंद करण्यासाठी जिल्हाधिकारी कार्यालयाकडून जिल्हा पणन अधिकारी यांना कळविण्यात आले. तसेच, या प्रकरणी जिल्हा पणन अधिकारी यांच्याकडून देखील जिल्हाधिकारी कार्यालयाकडून खुलासा मागविण्यात आला आहे. हे प्रकरण न्यायप्रविष्ट आहे.