कोणालातरी गहन प्रश्न पडलाय धपाटे आणि थालीपीठ यात बेसिक काय फरक आहे?,

 कोणालातरी गहन प्रश्न पडलाय 

धपाटे आणि थालीपीठ यात बेसिक काय फरक आहे?

कोणी जाणकार सांगू शकतील का?

आमचे ( जाणकाराचे😉)उत्तर:

धपाटे पोटाबरोबरच पाठीतपण घालतात. थालीपीठं मात्र फक्त पोटातच घालतात.हा अत्यंत बेसिक फरक आहे.😉

आणखी फरक असा आहे की 'तुला थालीपीठ देऊ का?असं विचारल्यावर कोणतीही व्यक्ती आनंदाने होsssssss चालेल असं बेधडकपणे म्हणते परंतु,

तुला धपाटे देऊ का?

हा प्रश्न समोरच्या व्यक्तीला जरा विचारातच पाडतो. हो म्हणू की नाही असा 'to be or not to be इतका गहन पेच पडतो.

सास-यांना किंवा सासूला तुम्हाला धपाटे देऊ का?

असं विचारणं (बहुतेक कुठल्याही😉) सुनेसाठी कठीण काम असू शकतं व ऐकणा-यांना ते एकदम scandalous वाटू शकतं. 

तेच थालीपीठ हवं का? हे कसं एकदम सपक, प्रेमळ, आदरयुक्त वाटतं.

आता हेच पहा, सासूबाई माॅर्निंग वाॅकला गेल्यावर मैत्रीणीशी संवाद करताहेत' अगं आज जरा तब्येत नरमगरम वाटतेय. 

येववतंच नव्हतं. चालायलाच होत नव्हतं. काल सुनेने ह्यांना तीन धपाटे दिले, मला दोन. तेव्हा पासूनच तब्येत बिघडलीय. 

म्हातारपणी हे असलं काही सहन होत नाही हे कळत नाही या सुनांना'.

काय चित्र उभं राहतं डोळ्या समोर? तासाभरात, काकू सोसायटीत पोचायच्या आधी, काकूंची सून सासूसास-यांना धोपटते ही बातमी सोसायटीभर व्हायरल होऊन अख्खी सोसायटी आपापल्या ग्यालरीत, काकूंचं कीवभरल्या नजरेने स्वागत करायला उभी रहाते.

हाच तो बेसिक फरक हो.

आमची धपाटे /थालीपीठ संघटना

😄😄😄

Fwd