श्री ठाणे जैन महासंघाच्या रथयात्रेलामुख्यमंत्री एकनाथ शिंदे यांनी दाखवला झेंडा
मुख्यमंत्र्यांनी दिल्या जैन बांधवांना महावीर जयंतीच्या शुभेच्छा.
ठाणे, दि. 4 (जिमाका) :- महावीर जयंतीनिमित्त आज ठाण्यातील श्री ठाणा जैन महासंघाने आयोजित केलेल्या रथयात्रेला मुख्यमंत्री एकनाथ शिंदे यांनी झेंडा दाखवून यात्रेचा शुभारंभ केला. यावेळी त्यांनी जैन बांधवांशी संवाद साधला.
मुख्यमंत्री श्री. शिंदे यांनी, “भगवान महावीरांचे विचार आचरणात आणून मार्गक्रमण करणारा जैन समाज शांतताप्रिय समाज आहे. या समाजाने क्षमाशील वृत्ती जोपासून मानवजातीच्या कल्याणासाठी कार्यरत राहण्याला प्राधान्य दिले आहे. आज भगवान महावीरांच्या जयंतीदिनी त्यांचे हेच विचार आपण सर्वांना प्रेरणादायी ठरावेत”, अशा शब्दांत शुभेच्छा दिल्या.
यावेळी आमदार प्रताप सरनाईक, आमदार संजय केळकर, आमदार निरंजन डावखरे, संदीप लेले आणि श्री ठाणा जैन महासंघाचे पदाधिकारी उपस्थित होते.
0000
No comments:
Post a Comment