मुंबईमुंबई ः भारतीय मानक ब्युरो (ब्युरो ऑफ इंडियन स्टँडर्स) भारत सरकारच्या ग्राहक संरक्षण मंत्रालयाच्या अंतर्गत कार्यरत भारतीय उत्पादनांचा दर्जा निश्‍चित करणार्‍या भारतीय मानक ब्युरो च्या महाराष्ट्र राज्य समितिवर व्यापार, उद्योग विभागाचे प्रतिनिधि म्हणुन ‘महाराष्ट्र चेंबर ऑफ कॉमर्स, इंडस्ट्री अ‍ॅण्ड अ‍ॅग्रीकल्चर’ चे अध्यक्ष ललित गांधी यांची निवड झाली आहे.

राज्याचे मुख्य सचिव या समितिचे अध्यक्ष असुन गृह विभागाचे अतिरीक्त मुख्य सचिव, उद्योग विभागाचे प्रधान सचिव, विधि व न्याय विभागाचे प्रधान सचिव, उद्योग संचालनायाचे विकास आयुक्त, तंत्र शिक्षण विभागाचे संचालक, वैधमापन शास्त्र विभाग नियंत्रण, विद्युत मंडळाचे अध्यक्ष हे समितीचे सदस्य असुन अन्न व नागरी पुरवठा विभागचे सचिव समितीचे सदस्य सचिव म्हणुन काम पाहणार आहेत.
भारत सरकारने नव्याने बंधनकारक केलेल्या सुवर्ण आभुषणांचे हॉलमार्क संबंधी पुर्ण राज्यात सक्षम यंत्रणा उभारणे यासंबंधी सर्व संबंधित घटकांत जागृती निर्माण करणे या प्रमुख उद्देशांसह या समितिच्या कार्यकक्षेत नवीन भारतीय मानक तयार करण्यासाठी क्षेत्रे निश्‍चित करणे, भारतीय मानकांचे अनुपालन करण्यासाठी उत्पादने, प्रक्रीया आणि प्रणाली निश्‍चित करणे, भारत सरकारने जारी केलेल्या गुणवत्ता नियंत्रण आदेशाची प्रभावी अंमलबजावणी करण्यासाठी उपाययोजना सुचविणे, मानकांबाबत ग्राहकांमध्ये जागरूकता निर्माण करण्याचे उपाय सुचविणे, राज्यात एक दर्जेदार इको सिस्टिम तयार करण्यासाठी आवश्यक उपाययोजना करणे, या शिवाय भारतीय मानक ब्युरो मानकांबाबत अन्य सुचना सुचविणे या विषयांचा समावेश आहे.
सुवर्ण आभुषणांच्या हॉलमार्क सक्तीनंतर नळाद्वारे केला जाणार्‍या पिण्याच्या पाणी पुरवठ्यासंबंधी मानके निश्‍चित करण्याची प्रक्रीया सुरू असुन याविषयी समिती कार्य करणार आहे.
ललित गांधी या निवडीविषयी बोलताना म्हणाले की, आत्मनिर्भर भारत, मेक इन इंडिया या संकल्पनांच्या अंमलबजावणी नंतर आंतरराष्ट्रीय व्यापारात वृध्दि झाली असुन भारतीय उत्पादने गुणवत्तेच्या बाबतीत स्पर्धेत टिकतील. यासाठी विशेष लक्ष देणार असल्याचे सांगुन ललित गांधी पुढे म्हणाले की सुवर्ण आभुषणांच्या हॉलमार्क संबंधी येणार्‍या अडचणींबाबत प्राधान्याने लक्ष देणार असुन याबाबत योग्य तोडगा काढण्याचा प्रयत्न करनार