Monday, 16 November 2026

गडचिरोली होणार देशाची ‘स्टील सिटी’

 गडचिरोली होणार देशाची ‘स्टील सिटी’

मुख्यमंत्री म्हणाले की, पुढील पाच ते दहा वर्षांत गडचिरोली देशाची ‘स्टील सिटी’ आणि पर्यावरणपूरक पोलाद उत्पादनाचे ‘ग्रीन स्टील हब’ म्हणून विकसित होईल. जिल्ह्यातील खनिज संपत्तीचे मूल्यवर्धन जिल्ह्यातच झाले पाहिजे. केवळ कच्चा माल बाहेर पाठविण्याऐवजी येथेच उद्योग उभारून स्थानिक आदिवासी युवकांना रोजगार उपलब्ध करून देण्याचे शासनाचे धोरण आहे.

 

आगामी औद्योगिक प्रकल्पांतून एक लाख स्थानिक युवकांना रोजगार देण्याचे उद्दिष्ट असून सध्या येथील उद्योगांमध्ये ७५ ते ८० टक्के रोजगार स्थानिकांना मिळत असल्याचे त्यांनी सांगितले. पुढील तीन ते चार वर्षांत चीनपेक्षाही कमी खर्चात पोलाद उत्पादन करण्याचे उद्दिष्ट आहे. यासाठी शाश्वत खाणकाम आणि पर्यावरणपूरक तंत्रज्ञानाचा वापर केला जाईल.

 

स्थानिक युवकांच्या कौशल्य विकासासाठी गोंडवाना विद्यापीठ आणि ऑस्ट्रेलियातील कर्टिन विद्यापीठ यांच्यात करार करण्यात आला असून, जिल्ह्यातील ५० गरीब व आदिवासी विद्यार्थी ऑस्ट्रेलियात खाणकाम क्षेत्रातील प्रशिक्षण घेत असल्याची माहिती त्यांनी दिली.

No comments:

Post a Comment

Featured post

Lakshvedhi