शिवछत्रपती राज्य क्रीडा पुरस्कारांसाठी १५ नोव्हेंबरपर्यंत अर्ज करण्याचे आवाहन

 शिवछत्रपती राज्य क्रीडा पुरस्कारांसाठी १५ नोव्हेंबरपर्यंत अर्ज करण्याचे आवाहन

 

            मुंबई, दि. १५ : सन २०२४-२५ व सन २०२५-२६ या वर्षांसाठीच्या शिवछत्रपती राज्य क्रीडा पुरस्कारांसाठी पात्र खेळाडू, क्रीडा मार्गदर्शक, दिव्यांग खेळाडू तसेच साहसी उपक्रमांत सहभागी झालेल्या खेळाडू व व्यक्तींनी १५ नोव्हेंबर २०२६ पर्यंत ऑनलाइन अर्ज सादर करावेत, असे आवाहन मुंबई उपनगरच्या जिल्हा क्रीडा अधिकारी, सायली जाधव यांनी केले.

 

            क्रीडा विभागामार्फत राज्यातील उत्कृष्ट क्रीडापटू तसेच क्रीडा क्षेत्रात उल्लेखनीय कार्य करणाऱ्या व्यक्तींना प्रतिष्ठेचा शिवछत्रपती राज्य क्रीडा पुरस्कार प्रदान करण्यात येतो. यामध्ये क्रीडा क्षेत्रातील ज्येष्ठ व्यक्तींसाठी जीवन गौरव पुरस्कार, उत्कृष्ट क्रीडा मार्गदर्शक पुरस्कार, महिला क्रीडा मार्गदर्शकांसाठी जिजामाता राज्य क्रीडा पुरस्कार, खेळाडू, दिव्यांग खेळाडू तसेच साहसी उपक्रमांत उल्लेखनीय कामगिरी करणाऱ्यांसाठीच्या पुरस्कारांचा समावेश आहे.

 

            सन २०२४-२५ व सन २०२५-२६ या वर्षांच्या पुरस्कारांसाठी १२ ऑक्टोबर २०२६ पासून ऑनलाइन अर्ज स्वीकारण्यात येत आहेत. इच्छुक व पात्र अर्जदारांनी क्रीडा विभागाच्या "https://sports.maharashtra.gov.in" (https://sports.maharashtra.gov.in) या अधिकृत संकेतस्थळावर १५ नोव्हेंबर २०२६ रोजी रात्री ११.५९.५९ वाजेपर्यंत केवळ ऑनलाइन पद्धतीने अर्ज सादर करावेत.  तसेच विहित मुदतीत अर्ज सादर करण्याचे आवाहन करण्यात आले आहे.