बेल्जियमच्या उद्योगांना महाराष्ट्रात गुंतवणूक करण्याचे आवाहन · मुंबई-अँटवर्प आर्थिक भागीदारी विकसित करण्याचा प्रस्ताव

 भारत-युरोपियन युनियन मुक्त व्यापार कराराच्या यशात महाराष्ट्र प्रमुख भागीदार ठरणार

– मुख्यमंत्री देवेंद्र फडणवीस

 

भारत-बेल्जियम भागीदारीमुळे जागतिक व्यापाराला नवी दिशा मिळणार असल्याचे बेल्जियमचे

प्रधानमंत्री बार्ट डी वेव्हर यांचे प्रतिपादन

 

·         बेल्जियमच्या उद्योगांना महाराष्ट्रात गुंतवणूक करण्याचे आवाहन

·         मुंबई-अँटवर्प आर्थिक भागीदारी विकसित करण्याचा प्रस्ताव

 

मुंबई, दि. ४ : भारत-युरोपियन युनियन मुक्त व्यापार करार हा केवळ शुल्क, नियम आणि बाजारपेठेतील प्रवेशापुरता मर्यादित नसून विश्वासावर आधारित व्यापक भागीदारीचा करार आहे. या कराराच्या माध्यमातून निर्माण होणाऱ्या संधींचे आर्थिक परिणामांमध्ये रूपांतर करण्यासाठी महाराष्ट्र सज्ज असून, भारत-युरोपियन युनियन आर्थिक भागीदारीच्या यशात महाराष्ट्र प्रमुख भागीदार ठरेल, असा विश्वास मुख्यमंत्री देवेंद्र फडणवीस यांनी व्यक्त केला. महाराष्ट्र आणि बेल्जियम यांच्यातील आर्थिक भागीदारी अधिक व्यापक करण्यासाठी ‘मुंबई-अँटवर्प’ आर्थिक भागीदारी विकसित करण्याची संकल्पनाही मुख्यमंत्री देवेंद्र फडणवीस यांनी यावेळी मांडली.