नवोन्मेषाच्या बळावर एक ट्रिलियन डॉलर अर्थव्यवस्थेचे उद्दिष्ट साध्य करणार
- मुख्यमंत्री देवेंद्र फडणवीस
· टेक इन एशिया कॉन्फरन्स २०२६ सिंगापूरमध्ये जागतिक व्यासपीठावर महाराष्ट्राच्या स्टार्टअप व इनोव्हेशन व्हिजनचे सादरीकरण
मुंबई, दि. १६ : नवोन्मेष करूया, इनक्युबेशनला चालना देऊया आणि एकत्रितपणे व्यापक परिणाम साधूया, अशा शब्दांत मुख्यमंत्री देवेंद्र फडणवीस यांच्या संदेशातून महाराष्ट्राच्या नवोन्मेषाधारित विकासाचा संकल्प सिंगापूर येथे आयोजित ‘टेक इन एशिया कॉन्फरन्स २०२६’मध्ये जागतिक समुदायासमोर मांडण्यात आला. एक ट्रिलियन डॉलर अर्थव्यवस्था उभारण्याच्या महाराष्ट्राच्या संकल्पाचा निर्धार त्यांनी या परिषदेद्वारे जागतिक व्यासपीठावर मांडला.
आशियातील दोन हजारांहून अधिक मुख्य कार्यकारी अधिकारी, जागतिक नेते, संशोधक, शिक्षणतज्ज्ञ, तंत्रज्ञानतज्ज्ञ आणि उद्योग क्षेत्रातील मान्यवर या परिषदेला उपस्थित होते.
No comments:
Post a Comment