नागपूर महानगर प्रदेश हद्दीतील वाहतूक व्यवस्थापन करणे, सार्वजनिक व खासगी

 

आज झालेल्या बैठकीत नागपूर महानगर प्रदेश हद्दीतील वाहतूक व्यवस्थापन करणे, सार्वजनिक व खासगी वाहतुकीत सुसूत्रता आणणे, वाहतुकीच्या नवीन व फिडर मार्गाची निर्मिती करणे यासाठी स्वतंत्र नागपूर महानगर परिवहन उपक्रम कंपनीची स्थापन करण्यास मान्यता देण्यात आली. तसेच यावेळी नागपूर महानगर प्राधिकरणाच्या क्षेत्रामध्ये इंडस्ट्रीयल कॉरिडॉर विकसित करण्यासाठी प्रकल्प व्यवस्थापन सल्लागार नेमणे, नागपूर जेलसाठी जागा हस्तांतरित करणे, प्राधिकरणात सामाजिक उत्तरदायित्व निधीसाठी स्वतंत्र लेखाशिर्ष उघडणे, दीक्षाभूमीचे उर्वरित काम पूर्ण करणे, प्राधिकरणाचा 156 पदांचा सुधारित आकृतीबंध,  नागपूर महापालिका क्षेत्रातील प्राधिकरणातर्फे सुरू असलेल्या विविध प्रकल्पांसाठी नागपूर सुधार प्रन्यासला कार्यान्वयिन यंत्रणा म्हणून नियुक्ती करणे यासह एकूण 21 विषयांना मान्यता देण्यात आली.

 

नवीन नागपूरमधील संपर्क रस्त्यांची जोडणी चांगली व्हावी, यासाठी तेथील रस्ते मोठे असावेत, त्याप्रमाणे त्याची आखणी करावी, असे निर्देशही मुख्यमंत्री फडणवीस यांनी यावेळी दिले.

 

नागपूर ग्रामीण भागातील प्रधानमंत्री आवास योजनेचा लाभ मिळावा, असे महसूल मंत्री चंद्रशेखर बावनकुळे यांनी सांगितले. प्राधिकरणाचे महानगर आयुक्त संजय मीना यांनी सादरीकरणाद्वारे माहिती दिली.