बुलढाणा विधानसभा मतदारसंघातील विविध प्रकल्पांच्या कामांचा
मृद व जलसंधारण मंत्री संजय राठोड यांच्याकडून आढावा
मुंबई दि.१७ : बुलढाणा जिल्ह्यातील मृद व जलसंधारण अंतर्गत नवीन प्रकल्प मापदंडात बसविण्यासाठी प्रयत्न करण्यात येतील. नवीन प्रकल्पांचे प्रस्ताव लवकरात लवकर सादर करावेत, असे निर्देश मृद व जलसंधारण मंत्री संजय राठोड यांनी दिले.
मंत्रालयात बुलढाणा विधानसभा मतदारसंघातील मृद व जलसंधारण विभागाच्या विविध कामांचा आढावा घेण्यात आला.
यावेळी आमदार संजय गायकवाड, मृद व जलसंधारण विभागाचे सचिव गणेश पाटील तसेच विभागाचे संबंधित अधिकारी उपस्थित होते.
यावेळी हरमोड सिंचन तलावाची उंची वाढवून मोहेगाव नदीवर बांध टाकून पावसाचे पाणी लिफ्ट करून तलावात साठवण्याचा प्रस्ताव मांडण्यात आला. तसेच, गिरडा (ता. बुलढाणा) येथे साठवण क्षमतेसह नवीन स्टोरेज डॅम, नळगंगा धरण (ता. मोताळा) शेजारील किन्होळा शिवारातील १८५ हेक्टर ई-क्लास जमिनीवर नवीन स्टोरेज डॅम आणि उबाळखेड (ता. मोताळा) येथील मव्हाडी शिवारात नवीन धरणाच्या निर्मितीबाबतही सविस्तर चर्चा करण्यात आली. यावेळी संबंधित विभागांना लवकरात लवकर सविस्तर प्रकल्प अहवाल तयार करण्याचे आदेश यावेळी मंत्री श्री.राठोड यांनी दिले.
No comments:
Post a Comment