वडाळा येथील शिवसृष्टी गृहनिर्माण संस्थेतील
रहिवाशांच्या समस्यांबाबत म्हाडाने तातडीने कार्यवाही करावी
- गृहनिर्माण राज्यमंत्री पंकज भोयर
मुंबई, दि. 15 : वडाळा येथील शिवसृष्टी गृहनिर्माण संस्थेच्या गंभीर समस्यांबाबत म्हाडाने तातडीने कार्यवाही करावी तसेच येथील गुन्हेगारी प्रवृत्तीवर कारवाईसाठी पोलिस विभागास कळविण्यात यावे, अशा सूचना गृहनिर्माण राज्यमंत्री पंकज भोयर यांनी दिल्या.
शिवसृष्टी गृहनिर्माण संस्थेच्या प्रश्नाबाबत मंत्रालयात बैठक झाली त्यावेळी राज्यमंत्री भोयर बोलत होते.
या गृहनिर्माण संस्थेला लागून असलेल्या झोपडपट्टी वासियांना जाण्यासाठी असलेल्या पर्यायी मार्गाचा विचार करावा असे सांगून राज्यमंत्री श्री. भोयर म्हणाले की, या ठिकाणी पर्यायी मार्ग तयार करून संस्थेस पक्के कंपाऊंड बांधणे, गेट बसवणे या कामाविषयी कार्यवाही करावी.
यावेळी शिवसृष्टी गृहनिर्माण संस्थेच्या रहिवाशांनी उपस्थित केलेल्या समस्या राज्यमंत्री श्री. भोयर यांनी जाणून घेतल्या.
No comments:
Post a Comment