Sunday, 28 July 2024

ऐतिहासिक सरस्वती पूजनासाठी विद्यार्थी आणि पालकांनी केली अलोट अशी गर्दी

 ऐतिहासिक सरस्वती पूजनासाठी विद्यार्थी आणि पालकांनी केली अलोट अशी गर्दी


बन्सीलाल नगर येथे आयोजित सरस्वती पूजन व विद्या आरंभ सोहळा करिता संभाजीनगर आणि जालना जिल्ह्यातील जवळपास 25000 विद्यार्थ्यांनी ह्या पवित्र सोहळ्यात आपला सहभाग नोंदविला होता यासाठी आदरणिय गुरुपुत्र व युवा संत नितीनभाऊ मोरे यांचे मोलाचे मार्गदर्शन मिळाले त्यांनी त्यांच्या हितगुजतून सरस्वती पूजन व बालसंस्कार याचे महत्त्व समजाऊन सांगितले तसेच पालकांनी पंचमीला विद्यार्थ्यांच्या जिभेवर दर्भाच्या काडीने मधाने हा सरस्वतीचा बिज मंत्र लिहला तर ते विदयार्थी अभ्यासात अतिशय कुशाग्र होतात व त्यांची वाणी ही शुद्ध होते असे सांगितले या कार्यक्रमासाठी 250 सेवेकर्यांनी आपली सेवा विविध समितीतून केली सर्वासाठी महाप्रसादाचा व्यवस्था करण्यात आली होती या विशेष पूजनासाठी त्रांबकेश्र्वर येथील स्वामी समर्थ गुरुकुल पिठातून श्री दिपक मुळे शास्त्री व त्यांची टीम आली होती त्यांनी अतिशय सोप्या पद्धतीने सर्व पूजन सर्वांकडून करून घेतले कार्यक्रमाला मंत्री श्री अतुल सवे महापौर नंदकुमार घोडेले लायन्स क्लबचे अध्यक्ष राजू बागडे व मराठवाडा विभाग प्रमुख विलासराव देशमुख व फूड अँड ड्रग चे कमिश्नर श्री पाटील साहेब त्यांची उपस्थिती होती.



विद्यार्थी जीवनात शिक्षणास संस्काराची जोड हवी: गुरूपुत्र आदरणीय श्री नितिन भाऊ
छत्रपती संभाजीनगर येथे ऐतिहासिक सामूहिक सरस्वती पूजन सोहळा व विद्यारंभ उत्साहात संपन्न
दिंडोरीप्रणित अखिल भारतीय श्री स्वामी समर्थ सेवा मार्गाचे प्रमुख परमपूज्य गुरुमाऊली अण्णासाहेब मोरे यांच्या आशीर्वादाने व गुरुपुत्र आदरणीय श्री नितीन भाऊ मोरे यांच्या प्रमुख उपस्थितीमध्ये दिनांक 28.07.2024 रोजी संभाजीनगर येथे सरस्वती माता सामूहिक पूजन व विद्यारंभ सोहळा उत्साहात संपन्न झाला.
या कार्यक्रमासाठी गुरुपुत्र आदरणीय श्री नितीन भाऊ यांचे प्रमुख उपस्थिती होती. या सामूहिक सरस्वती पूजन सोहळ्यात संभाजीनगर व जालना या दोन जिल्ह्यांतील हजारो पालक व पाल्य सहभागी झाले होते. वेद विज्ञान विभागाच्या वतीने उभारण्यात आलेल्या सरस्वती मातेचे सर्वांनी भक्तीभावाने पूजन केले.
गुरूपुत्र आदरणीय श्री नितीन भाऊ यांनी सोहळ्यास उपस्थित सर्व सेवेकरी पालकांना व पाल्यांना प्रबोधनात्मक मार्गदर्शन करताना "विद्यार्थी जीवनात शिक्षण व संस्कार हे दोन्ही महत्वाचे आहेत" असे नमूद केले.
या सोहळ्यासाठी संभाजीनगर व जालना जिल्ह्यातील अनेक शाळा, पालक-पाल्य युवक-युवती व सेवेकरी परिवाराची मोठ्या प्रमाणात उपस्थिती होती.

No comments:

Post a Comment

Featured post

Lakshvedhi