आधारकार्ड धारकांसाठी “डॉक्युमेंट अपडेट” नवीन फिचर विकसित

 आधारकार्ड धारकांसाठी “डॉक्युमेंट अपडेट” नवीन फिचर विकसित नागरिकांनी आधारकार्ड अद्ययावत करुन घ्यावे

अलिबाग:- सन 2015 पासून देशामध्ये युनिक आयडेंटिफिकेशन अथॉरिटी ऑफ इंडिया यांच्यामार्फत देशातील नागरिकांना आधारकार्ड देण्यात येते. बायोमेट्रिक प्रमाणिकरणासह रहिवाशाची ओळख पटविण्यासाठी आधारकार्ड हा ओळखीचा सर्वात व्यापकपणे स्वीकारला जाणारा पुरावा आहे. नागरिकांकडून अनेक शासकीय सेवांचा लाभ घेण्यासाठी आता आधारकार्डचा वापर केला जात आहे. यापुढे शासकीय/इतर सेवांचा लाभ घेण्यासाठी नागरिकांनी आपले आधारकार्ड अद्ययावत करुन घेणे आवश्यक आहे.

       ज्या नागरिकांना आधारकार्ड मिळाले आहे,परंतु 10 वर्षांमध्ये एकदाही अद्ययावत केले नाही, अशा आधारकार्ड धारकांना 'डॉक्युमेंट अपडेट' हे नवीन फिचर विकसित करण्यात आले आहे. अशा नागरिकांनी ओळखीचा पुरावा (POI) आणि रहिवासी पुरावा (POA) कागदपत्रे अद्ययावत करून त्यांचा आधार अद्ययावत करणे आवश्यक आहे. ज्या नागरिकांना 'डॉक्युमेंट अपडेट' करण्याचे आहे त्यांनी myAadhaar (ऑनलाईन) पोर्टलद्वारे किंवा कोणत्याही आधार नोंदणी केंद्राला भेट देऊन आपले आधारकार्ड अद्ययावत करुन घ्यावे, असे आवाहन असे उपजिल्हाधिकारी (सामान्य प्रशासन) श्री.सर्जेराव म्हस्के-पाटील यांनी केले आहे.