बेलाच्या फायदे

 बेलाच्या फळाचे फायदे:-

       आयुर्वेदात उन्हाळ्यात बेलाच्या फळाचे सेवन शरीरासाठी लाभदायक असते. बेलाच्या फळाच्या फायद्याविषयी क्वचितच लोकांना माहित असेल. काही लोकांना बेल केवळ महादेवाला अर्पित करण्यासाठी वापरले जाते एवढेच माहित आहे. त्यामुळे याच्या फळाचा फायदा खूप कमी लोकांना माहित आहे. परंतु बेलाचे फळ औषधी म्हणून वापरले जाते.

या गुणांची भरपूर असते बेलाचे फळ- :-

          बेलाच्या फळामधी 100 ग्रॅम रसाळ भागात 61.5 टक्के आर्द्रता, चरबी 3 टक्के, प्रोटीन 1.8 टक्के, फायबर 2.9 टक्के, कार्बोहायड्रेट 31.8 टक्के, कॅल्शिअम 85 मिलीग्रॅम, फॉस्फोरस 50 मिलीग्रॅम, आयर्न 2.6 मिलीग्रॅम, व्हिटॅमिन सी 2 मिलीग्रॅम, शिवाय बेलामध्ये 137 कॅलरी उर्जी आणि काही प्रमाणात व्हिटॅमिन बीसुध्दा आढळते.

मधूमेहासाठी फायदेशीर :-

        बेलामध्ये लेक्साटीव्हचा स्तर अधिक असतो. ते शरीरामध्ये रक्ताची पातळी नियंत्रित करण्याचे काम करते. शरीरात इन्सुलिन बनवण्यासाठी बेल सर्वाधिक मदत करते. यामुळे मधूमेहाला आराम मिळतो.

पोटाच्या आजारांवर रामबाण आहे बेल :-

     पोटाच्या समस्यांसाठी बेलाचे फळ रामबाण आहे. बेलाचे शरबत प्यायल्यास बद्धकोष्ठता मूळापासून नष्ट होते.

डिहाड्रेशनपासून मिळते सुटका :-

      डिहाड्रेशन झाल्यास बेलाचे ताजे पाने वाटून मेंदीसारखे पायाच्या तळव्यावर लावावे, शिवाय माथ्यावर, छातीवरसुध्दा मालिश करावी. मिश्री टाकून बेलाच्या फळाचे शरबत प्यायल्यास त्वरित आराम मिळतो.

रक्ताची कमतरता करा दूर :-

      दररोज बेलाच्या फळाचे शरबत प्यायल्यास हिमोग्लोबिनची समस्या दूर होते. 

श्वासोच्छवासाच्या आजारापासून सुटका :-

     आयुर्वेदामध्ये बेलाच्या फळातून निघणा-या तेलाने अस्थमा आणि श्वासाच्या आजारावर आराम मिळतो. 

हृदयासाठी फायदेशीर :-

    बेलाच्या रसाला तुपात मिसळून दररोज प्यावे. याच्या सेवनाने हृदयासंबंधित आजार दूर होण्यास मदत होते.

संसर्गापासून ठेवते दूर :-

 बेलामध्ये अनेक अँटीमायक्रोबिअल गुण आहेत. जे शरीराला संसर्गापासून वाचवते.  

अल्सरसाठी फायदेशीर :-

    बेलामध्ये फेनोलिक तत्वासोबतच अँटीऑक्सीडेंट असते. त्यामुळे बेलाचे शरबत गॅस्ट्रिक अल्सर दूर करण्यास मदत होते. एवढेच नव्हे, याच्या सेवनाने अॅसिडीटी संतुलित राहण्यास मदत होते. 

ऊन लागल्यास :-

      विदर्भातील पारा ४८ पार जातो. दरवर्षीचा हा अनुभव असल्याने अनेकांना ऊन लागते. हा त्रास सुरू झाल्यास बेलाच्या ताज्या पानांना कुटून मेहंदीप्रमाणे तळपायावर लावावे. त्याशिवाय डोके, हात, छातीवरही याची मा‌लिश करावी. मिश्री टाकून बेलाचा शरबत प्यायल्यास तत्काळ आराम मिळतो. 

डायरियापासून बचाव :-

       उन्हाळ्याच्या दिवसात डायरिया ही समस्या आता अधिकांश लोकांमध्ये दिसून येते. अलीकडे या रुग्णांचे प्रमाण विदर्भात वाढीस लागले आहेत. या परिस्थितीत उलट्या, हगवण, मळमळ वाटू लागते. बेलाच्या पाण्यात साखर मिसळून प्यायल्यास याचे लाभ दिसून येतात. हे केल्यास आतून आरोग्यवर्धक अनुभव मिळतो. 

गर्भवती महिलांसाठी :-

     गर्भवती महिलांना उलट्यांचा त्रास सर्वसामान्य मानला जातो. या त्रासापोटी अनेकदा जेवण बंद केले जाते. त्याचा परिणाम बाळावर होऊन पुढच्या त्रास वाढतो. डॉक्टरही गोळ्या देत असतात. पण, या समस्येवर बेल सर्वोत्तम उपाय आहे. बेलाचा गर कुटून तांदळाच्या पाण्यासोबत त्याचा लगदा तयार करावा. नंतर त्याची छाननी करून प्यावे.  

रक्ताची कमतरता दूर :-

     बदलत्या जीवनशैलीत अनेकांना रक्ताच्या कमरतेचे लक्षण दिसून येतात. वाळलेल्या बेलाच्या गराचा पावडर तयार करून गरम दुधात मिश्रीसोबत रोज एक चम्मच घेतल्यास शरीरात नवीन रक्त तयार होण्यास सुरुवात होते. आपणास आरोग्यदायी अनुभव यायला लागतो.