Maharashtra Lok Bhavan pays tributes to Sant Santaji Jagnade Maharaj on his Jayanti
Maharashtra Lok Bhavan offered tributes to Sant Santaji Jagnade Maharaj on the occasion of his birth anniversary at Lok Bhavan, Mumbai on Monday (8th Dec).
Officers and staff of Lok Bhavan offered floral tributes to the portrait of Sant Santaji Jagnade Maharaj on the occasion.
महाराष्ट्र लोक भवन येथे संत संताजी जगनाडे महाराज यांना अभिवादन
मुंबई, दि. 08: संत संताजी जगनाडे महाराज यांच्या जयंती निमित्त महाराष्ट्र लोकभवन येथे संताजी जगनाडे महाराज यांच्या प्रतिमेला पुष्पांजली वाहून अभिवादन करण्यात आले.
यावेळी राजभवनातील अधिकारी व कर्मचाऱ्यांनी संत संताजी जगनाडे महाराजांच्या प्रतिमेला पुष्पांजली वाहून अभिवादन केले.
वंदे मातरम व राज्यगीताने हिवाळी अधिवेशनातील
विधानसभेच्या कामकाजाची सुरुवात
नागपूर, दि. ८ : विधीमंडळाच्या हिवाळी अधिवेशनाच्या विधानसभेच्या कामकाजास वंदे मातरम या राष्ट्रगीताने व जय जय महाराष्ट्र माझा या राज्यगीताने सुरूवात झाली.
यावेळी विधानसभा अध्यक्ष ॲड. राहुल नार्वेकर, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, मंत्रीगण यांच्यासह सभागृहाचे सदस्य उपस्थित होते.
यावेळी बंकिमचंद्र चटर्जी यांनी लिहिलेल्या 'वंदे मातरम' या गीतास १५० वर्षे पूर्ण झाल्यानिमित्त सभागृहात 'वंदे मातरम' गीताचे संपूर्ण गायन करण्यात आले.
ध्वजदिन निधी संकलनात नागपूर जिल्ह्याची भरीव कामगिरी
सन 2024 मध्ये नागपूर जिल्ह्याला सशस्त्र सेना ध्वजदिन निधी संकलनासाठी दोन कोटी 15 लाख रुपयांचे उद्दिष्ट मिळाले होते. नागपूर जिल्ह्याने निधी संकलनात राज्यात भरीव कामगिरी करीत तीन कोटी 51 लाख 71 हजार म्हणजेच 164 टक्के निधीचे संकलन केले. 2025 मध्ये जिल्ह्याला दोन कोटी 15 लक्ष रुपयाचे उद्दिष्ट मिळाले आहे.
नागपूर शहरातील फुल विक्रेते आशिष गडीकर व संतोष गडीकर यांनी आपल्या दररोजच्या मिळकतीमधून प्रति महिना 500 रुपये ध्वज दिन निधी संकलनात दिल्याबद्दल मुख्यमंत्री फडणवीस यांच्या हस्ते त्यांचा विशेष सन्मान करण्यात आला. याव्यतिरिक्त 1965 आणि 1971 च्या युद्धातील सैनिक मेजर हेमंत जकाते यांनी 2025 च्या निधी संकलनात 50 हजार आणि श्रीमती गीता कोठे यांनी एक लाख रुपये ध्वजदिन निधी दिल्याबद्दल त्यांना सन्मानित करण्यात आले.
मुख्यमंत्री फडणवीस म्हणाले, शहीद झालेल्या सैनिकाच्या जीवनाचे मोल करता येणे शक्य नाही. मात्र त्यांच्या कुटुंबीयांना आधार देण्यासाठी शासनाच्यावतीने 25 लाख रुपये देण्यात येत होते. यामध्ये ४ पटीने वाढ करण्यात येऊन एक कोटी रुपये करण्यात आले आहे. शासनाकडून शहीद सैनिकांच्या कुटुंबीयांना सर्वतोपरी मदत करण्यात येते. सेनेप्रती भाव असलेले अनेक नागरिक आपल्या रोजच्या मिळकतीमधून ध्वजदिन निधीसाठी पैसे देत असतात. हा निधी सत्कारणी लागतो, या निधीमधून अनेक उपक्रम राबविण्यात येतात.
'ऑपरेशन सिंदूर' मध्ये जगाने भारतीय सेनेचा पराक्रम बघितला आहे. त्यानंतर भारतीय सेनेचा शक्तिशाली देशाच्या सेनेमध्ये समावेश झाला आहे. भविष्यातही कुठलेही आव्हान आल्यास भारतीय सेना ते पेलण्यासाठी सक्षम आहे. सेनेच्या शौर्याने आपण देशाच्या सर्व सीमा सुरक्षित ठेवत आहोत, असे गौरवोद्गार मुख्यमंत्री फडणवीस यांनी यावेळी काढले.
सशस्त्र सेना ध्वजदिन निधी संकलनात नागरिकांनी आपापल्या परीने सहभाग देऊन सेनेप्रती आपला भाव व्यक्त करावा, असे आवाहनही मुख्यमंत्री फडणवीस यांनी केले.
कार्यक्रमादरम्यान सशस्त्र सेना ध्वजदिन निधीचा बॅच लावून निधी संकलनाचा शुभारंभ करण्यात आला. नागपूर जिल्ह्याने सशस्त्र सेना ध्वजदिन निधी संकलनात उद्दिष्टपूर्ती केल्याबद्दल विभागीय आयुक्त, जिल्हाधिकारी तथा अन्य विभाग प्रमुखांचा सन्मान करण्यात आला.
सशस्त्र सेना ध्वजदिन निधीचा सैनिकांच्या कुटुंबांना मोठा आधार
- मुख्यमंत्री देवेंद्र फडणवीस
नागपूर, दि. 8 : सैनिकांनी देशासाठी केलेले समर्पण कुठल्याही मूल्यांमध्ये मोजता येत नाही. सैन्यातील खडतर जीवन जगून देशासाठी त्याग करणाऱ्या सैनिकांच्या कुटुंबांना मदत करण्यासाठी शासनाकडून विविध उपक्रम राबविण्यात येतात. सशस्त्र सेना ध्वजदिन निधी संकलनातूनही सैनिकांच्या कुटुंबियांना मदत देण्यात येते. हा निधी सैनिकांच्या कुटुंबांना मोठा आधार असल्याचे मुख्यमंत्री देवेंद्र फडणवीस यांनी सांगितले.
रामगिरी शासकीय निवासस्थानी सशस्त्र सेना ध्वजदिन निधी संकलनाचा शुभारंभ कार्यक्रम मुख्यमंत्री फडणवीस यांच्या अध्यक्षतेखाली पार पडला. यावेळी व्यासपीठावर माजी सैनिक कल्याण मंत्री शंभूराज देसाई, वित्त व नियोजन राज्यमंत्री ॲड आशिष जयस्वाल, पोलीस महासंचालक रश्मी शुक्ला, सामान्य प्रशासन विभागाचे सचिव पंकज कुमार, माजी सैनिक कल्याण विभागाचे संचालक कर्नल मनोहर ठोंगे, विभागीय आयुक्त विजयालक्ष्मी बिद्री, जिल्हाधिकारी विपिन इटनकर, मुख्य कार्यकारी अधिकारी विनायक महामुनी आदी उपस्थित होते.
