मंत्री आबिटकर म्हणाले की, राज्य शासनाने ११ जुलै २०२३ रोजी घेतलेल्या निर्णयानुसार राज्यभरात ७०० “आपला दवाखाना” सुरू करण्यास मान्यता देण्यात आली. यामागचा उद्देश शहरी भागातील गोरगरीब आणि सर्वसामान्य नागरिकांना त्यांच्या परिसरातच मोफत प्राथमिक आरोग्य सेवा उपलब्ध करून देणे हा आहे. या योजनेअंतर्गत ४७५ दवाखाने शासन संस्थांमार्फत तर २२५ दवाखाने बाह्य संस्थांमार्फत चालविण्यात येत आहेत.
सध्या ४४९ दवाखाने ‘इन-हाऊस’ पद्धतीने तर २२५ दवाखाने बाह्य संस्थांमार्फत कार्यान्वित असून एकूण ६७४ दवाखान्यांमधून नागरिकांना सेवा दिली जात आहे. पुणे महानगरपालिका क्षेत्रातील २१ आणि छत्रपती संभाजीनगर महानगरपालिका क्षेत्रातील ५ दवाखाने लवकरच सुरू करण्यात येणार आहेत.
या दवाखान्यांमधून नागरिकांना मोफत बाह्यरुग्ण तपासणी, १०५ प्रकारची मोफत औषधे, ३० प्रकारच्या प्रयोगशाळा चाचण्या, गरोदर मातांची तपासणी, मानसिक आरोग्य समुपदेशन, आवश्यकतेनुसार संदर्भ सेवा तसेच मोफत लसीकरण सुविधा उपलब्ध करून दिल्या जात आहेत.
No comments:
Post a Comment