पोलीस पाटलांच्या मागण्यांबाबत सकारात्मक

 पोलीस पाटलांच्या मागण्यांबाबत सकारात्मक

- विधानसभा उपाध्यक्ष अण्णा बनसोडे

 

मुंबई, दि. ११ : राज्यातील पोलीस पाटलांच्या विविध मागण्यांचा सकारात्मक विचार करून त्यासंदर्भात निर्णय घेण्यात येतील, असे विधानसभेचे उपाध्यक्ष अण्णा बनसोडे यांनी सांगितले.

विधानभवन येथे गावकामगार पोलीस पाटील संघटनेच्या प्रश्नांसंदर्भात बैठक झाली. या बैठकीस संबंधित विभागाचे अधिकारी, संघटनेचे पदाधिकारी यांच्यासह प्रतिनिधी उपस्थित होते.

पोलीस पाटलांची सेवानिवृत्ती वयोमर्यादा ६० वरून ६५ करणे, पोलीस पाटलांसंदर्भातील तक्रारीची चौकशी उपविभागीय अधिकारी स्तरावर करणे, रिक्त पदाची भरती व अन्य मागण्यांबाबत सविस्तर चर्चा झाली.

उपाध्यक्ष अण्णा बनसोडे म्हणाले, ग्रामीण भागातील कायदा व सुव्यवस्था सुरळीत राखण्यात पोलीस पाटलांचा मोलाचा वाटा असल्याने त्यांच्या प्रश्नांकडे गांभीर्याने व सकारात्मकपणे पाहिले जाईल.

००००

कोल्हापूर पद्धतीच्या बंधाऱ्याचे बॅरेज बंधाऱ्यात रूपांतरण

 कोल्हापूर पद्धतीच्या बंधाऱ्याचे बॅरेज बंधाऱ्यात रूपांतरण करण्यासाठीचा प्रस्ताव तातडीने सादर करण्यात यावा. प्रस्तावित कामांची माहिती, सर्वेक्षण, अन्वेषण याबाबतचे सूक्ष्म नियोजन करण्यात यावे.

महानगरपालिका, नगरपालिका, ग्रामपंचायत यांच्याकडील पाणीपट्टी वसुलीबाबत संबधित विभागाच्या अधिकाऱ्यांची बैठक घेण्यात यावी. यासंदर्भात प्रत्येक कार्यकारी अभियंता स्तरावर टास्क फोर्स स्थापन केला जावा, असे निर्देशही श्री. विखे-पाटील यांनी दिले.

कृष्णा पूर नियंत्रण प्रकल्प, बांधकाम, व्यवस्थापन, यांत्रिकी, विद्युत, गुणनियंत्रण इत्यादी सर्व शाखांचे एकत्रिकरण करुन शासनाच्या इतर विभागांप्रमाणे आस्थापनेची पुर्नरचना करणे तसेच कालवा निरीक्षक, मोजणीदार, दप्तर कारकून (वर्ग-३) पदांच्या प्रलंबित मागणीसंदर्भातही यावेळी आढावा

नाबार्ड’ अंतर्गत सिंचन प्रकल्पांची कामे कालमर्यादेत पूर्ण करावी

 नाबार्ड’ अंतर्गत सिंचन प्रकल्पांची कामे कालमर्यादेत पूर्ण करावी

- जलसंपदा मंत्री राधाकृष्ण विखे-पाटील

 

मुंबई, दि. ११ :- ‘नाबार्ड’ अंतर्गत होणाऱ्या सिंचन प्रकल्पांचे नियोजन, मंजुरी आणि कामे जलद गतीने करून या प्रकल्पांची कामे कालमर्यादेत पूर्ण करण्याचे निर्देश जलसंपदा (गोदावरी व कृष्णा खोरे विकास महामंडळ) मंत्री राधाकृष्ण विखे-पाटील यांनी दिले.

नाबार्ड अंतर्गत (low hanging fruit project) प्रस्तावाच्या सद्यस्थितीचा आढावा जलसंपदा मंत्री राधाकृष्ण विखे-पाटील यांनी मंत्रालयात आयोजित बैठकीत घेतला. बैठकीस जलसंपदा विभागाचे सचिव संजय बेलसरे, कृष्णा खोरे विकास महामंडळाचे कार्यकारी संचालक श्री. गुणाले, गोदावरी खोरे विकास महामंडळाचे कार्यकारी संचालक संतोष तिरमनवार, मुख्य अभियंता तथा सह सचिव प्रसाद नार्वेकर, संजीव टाटू, अधीक्षक अभियंता प्रवीण कोल्हे आदी उपस्थित होते.

जलसंपदा मंत्री राधाकृष्ण विखे-पाटील म्हणाले, ज्या प्रकल्पांची कामे अंतिम टप्यात आहेत त्या प्रकल्पाच्या कामांना प्राधान्य द्यावे. यासाठी आवश्यक निधी उपलब्ध करून दिला जाईल. तसेच २०२५-२६ व २०२६-२७ मध्ये पूर्ण होणाऱ्या प्रकल्पांचे कामे गतीने करून हे प्रकल्प एक वर्षात पूर्ण करण्याबाबत नियोजन  होणे आवश्यक आहे. एका वर्षात पूर्ण होणाऱ्या प्रकल्पांची वेगळी सूची करून त्यानुसार त्या प्रकल्पांच्या कामांना गती द्यावी. या प्रकल्पांच्या पूर्ततेमुळे सिंचन क्षेत्रात वाढ होणार असल्याने या कामांना गती द्यावी. प्रकल्पांच्या कामांसाठी उपलब्ध निधीचा प्रभावी वापर करावा, तसेच आवश्यक निधीही उपलब्ध करून दिला जाईल.

ऊर्जा क्षेत्रातील कामगिरीत महाराष्ट्र अव्वल पश्चिम विभागीय राज्यांमध्ये पटकावली ‘अ’ श्रेणी

 ऊर्जा क्षेत्रातील कामगिरीत महाराष्ट्र अव्वल

पश्चिम विभागीय राज्यांमध्ये पटकावली ‘अ’ श्रेणी

मुख्यमंत्री देवेंद्र फडणवीस यांच्याकडून ऊर्जा क्षेत्रातील यंत्रणांचे अभिनंदन

 

मुंबई, दि. ११ :- वीज पुरवठा आणि एकूणच ऊर्जा क्षेत्रातील कामगिरीत महाराष्ट्राने बाजी मारली आहे. देशात पश्चिम विभागातील राज्यांमध्ये महाराष्ट्राने याबाबतीत अव्वल स्थान पटकावले आहे. यासाठी मुख्यमंत्री देवेंद्र फडणवीस यांनी राज्याचा ऊर्जा विभाग, या क्षेत्रात कार्यरत कंपन्या, विविध यंत्रणाचे तसेच राज्यातील वीज ग्राहकांचे अभिनंदन केले आहे. या मानांकनामुळे महाराष्ट्राची ऊर्जा क्षेत्राची वाटचाल योग्य दिशेने आणि दमदारपणे सुरु आहे, यावर देखील शिक्कामोर्तब झाले आहे, असे कौतुकोद्गारही त्यांनी काढले आहेत.

भारत सरकारची ‘आरईसी’ महारत्न कंपनी आणि पॉवर फाउंडेशन ऑफ इंडिया यांनी विविध निकषांवर आधारित मानांकन जाहीर केले आहे. यात महाराष्ट्राने ९३ गुण मिळवून, ‘अ’ श्रेणी पटकावली आहे.

ठाणे जिल्ह्यातील अंबरनाथ येथे ' ग्रीन इंटिग्रेटेड डेटा सेंटर

 ठाणे जिल्ह्यातील अंबरनाथ येथे ' ग्रीन इंटिग्रेटेड डेटा सेंटर पार्क' उभारणीसाठी लोढा डेव्हलपर्स लिमिटेडकडून तीस हजार कोटी रुपये गुंतवणूक करण्यात येत असून या डेटा सेंटर पार्कमुळे 6 हजार युवकांना रोजगार उपलब्ध होणार आहे. नागपूर जिल्ह्यातील कळमेश्वर तालुक्यातील लिंगा या ठिकाणी एकात्मिक कोळसा सरफेस वायूकरण डाउनस्ट्रीम डेरिव्हेटिव्ह्ज प्रकल्प उभारणीसाठी अदानी एंटरप्रायझेस लिमिटेड कडून सत्तर हजार कोटी रुपये गुंतवणूक करण्यात येत असून तीस हजार व्यक्तींना यातून रोजगार उपलब्ध होईल. नंदुरबार येथे पॉलिमेरिक उत्पादनांच्या प्रकल्पासाठी पॉलीप्लेक्स कार्पोरेशन लिमिटेड यांच्याकडून 2 हजार 86 कोटी रुपये गुंतवणूक करण्यात येत असून यातून सहाशे व्यक्तींना रोजगार उपलब्ध होईल.

काटोल, नागपूर येथे रिलायन्स कंझ्युमर प्रॉडक्ट्स लिमिटेड यांच्याकडून खाद्यपेये आणि अन्न उत्पादनांच्या निर्मितीसाठी एकात्मिक सुविधांसाठी प्रकल्प निर्मितीसाठी १ हजार ५१३ कोटी रुपये गुंतवणूक करण्यात येत असून याद्वारे पाचशे जणांना रोजगार उपलब्ध होणार आहे

राज्याच्या आर्थिक प्रगतीत उद्योग क्षेत्राचा वाटा मोठा

 राज्याच्या आर्थिक प्रगतीत उद्योग क्षेत्राचा वाटा मोठा

– मुख्यमंत्री देवेंद्र फडणवीस

·         एक लाख आठ हजार पाचशे कोटी रुपयांच्या गुंतवणुकीचे सामंजस्य करार

·         विविध क्षेत्रातील गुंतवणुकीतून 47 हजार थेट रोजगार निर्मिती

 

मुंबई, दि. 11 : राज्याच्या आर्थिक प्रगतीमध्ये गुंतवणूकदार आणि उद्योग क्षेत्राचा मोठा वाटा आहे. उद्योग क्षेत्राच्या व गुंतवणूकदारांच्या अपेक्षा पूर्ण करण्यासाठी राज्यशासन नेहमीच प्रयत्नशील असून उद्योजकांना महाराष्ट्रात गुंतवणुकीचा सकारात्मक अनुभव मिळावा यासाठी शासन कसोशीने प्रयत्न करत असल्याचे प्रतिपादन मुख्यमंत्री देवेंद्र फडणवीस यांनी केले.

             सह्याद्री अतिथीगृह येथे मुख्यमंत्री फडणवीस यांच्या प्रमुख उपस्थितीत राज्यातील विविध ठिकाणी उद्योग, माहिती तंत्रज्ञान, अन्नप्रक्रिया उद्योग, गोदामे, डेटा सेंटर आणि लॉजिस्टिक हब प्रकल्प उभारणीसाठी ₹1,08,599 कोटी गुंतवणुकीचे सामंजस्य करार करण्यात आले. याद्वारे सत्तेचाळीस हजार रोजगार उपलब्ध होणार आहे. यावेळी मुख्य सचिव राजेश कुमार, उद्योग विभागाचे सचिव पी. अन्बलगन, महाराष्ट्र औद्योगिक विकास महामंडळाचे मुख्य कार्यकारी अधिकारी तसेच उद्योग विभागातील वरिष्ठ अधिकारी, विविध उद्योग समूहांचे प्रमुख व प्रतिनिधी उपस्थित होते.

            यावेळी एमजीएसए रिअ‍ॅलिटी अध्यक्ष अमरप्रकाश अग्रवाल, इंटिग्रेटेड डेटा सेंटर पार्क' उभारणीसाठी लोढा डेव्हलपर्स लिमिटेड चे व्यवस्थापकीय संचालक अभिषेक लोढा, रिलायन्स कंझ्युमर प्रॉडक्ट्स लिमिटेडचे कार्यकारी संचालक केतन मोदी, अदानी एंटरप्रायझेस लिमिटेडचे अध्यक्ष अजित बरोदिया आणि पॉलीप्लेक्स कार्पोरेशन लिमिटेडचे मुख्य कार्य अधिकारी प्रणय कोठारी यांच्यासमवेत राज्य शासनाच्या वतीने उद्योग विभागाचे सचिव पी. अन्बलगन यांनी सामंजस्य करारांचे आदान प्रदान केले.

हाफकिन बायो-फार्मा कामगारांच्या प्रश्नांवर व्यवस्थापनाने तात्काळ उपायोजना करावी

 हाफकिन बायो-फार्मा कामगारांच्या प्रश्नांवर

व्यवस्थापनाने तात्काळ उपायोजना करावी

विधानसभा उपाध्यक्ष अण्णा बनसोडे यांचे निर्देश

 

मुंबई, दि. ११ : पिंपरी चिंचवड येथील हाफकिन बायो-फार्मामधील कामगारांच्या प्रश्नांसंदर्भात व्यवस्थापनाने तात्काळ उपायोजना करावी, असे निर्देश विधानसभा उपाध्यक्ष अण्णा बनसोडे यांनी दिले.

हाफकिन बायो-फार्मास्युटिकल कॉर्पोरेशन लि. या कंपनीमधील कामगारांच्या विविध समस्यांसंदर्भात उपाध्यक्ष अण्णा बनसोडे यांच्या अध्यक्षतेखाली विधानभवनात बैठक झाली. या बैठकीस ‘हाफकिन’चे व्यवस्थापकीय संचालक सुनील महेंद्रकर, कामगार प्रतिनिधी तसेच संबंधित अधिकारी उपस्थित होते.

वेतनाव्यतिरिक्त थकीत देयके, निवासस्थान नूतनीकरण, सातव्या वेतन आयोगाची थकबाकी, पदोन्नती अशा विविध मुद्द्यांवर सविस्तर चर्चा झाली. कामगारांची थकीत देणी, निवासस्थान नुतनीकरण टेंडर प्रक्रिया, यासंदर्भात व्यवस्थापनाने माहिती त्वरित सादर करावी. कामगारांच्या निवासस्थानाच्या देखभाल दुरुस्तीची कामे प्राधान्याने करण्याचे निर्देश उपाध्यक्ष बनसोडे यांनी दिले.