हिवाळी अधिवेशनात 20 विधेयके मांडण्यात येणार महाराष्ट्रात आजपासून गतिशील कारभार सुरू

 हिवाळी अधिवेशनात 20 विधेयके मांडण्यात येणार

महाराष्ट्रात आजपासून गतिशील कारभार सुरू

- मुख्यमंत्री देवेंद्र फडणवीस

 

नागपूर, दि. 15 (शिबिर कार्यालय) : राज्य मंत्रिमंडळाचा विस्तार करण्यात आला असून यामध्ये एकूण 39 मंत्र्यांनी शपथ घेतलेली आहे. महाराष्ट्रात आजपासून गतिशील कारभार सुरू झाला आहे. हिवाळी अधिवेशनात विरोधी पक्षाने विविध संसदीय आयुधांचा वापर करून उपस्थित केलेल्या सर्व प्रश्नांवर चर्चा करून राज्याच्या व जनतेच्या हितासाठी निर्णय घेण्यात येतील, असे मुख्यमंत्री देवेंद्र फडणवीस यांनी सांगितले. हिवाळी अधिवेशनात एकूण 20 विधेयके मांडण्यात येणार असल्याचेही त्यांनी यावेळी सांगितले.

नागपूर हिवाळी अधिवेशनाच्या पूर्वसंध्येला रामगिरी या शासकीय निवासस्थानी आयोजित मंत्रिपरिषद बैठकीनंतर मुख्यमंत्री देवेंद्र फडणवीस यांची पत्रकार परिषद झाली. यावेळी उपमुख्यमंत्री एकनाथ शिंदे, उपमुख्यमंत्री अजित पवार, मंत्री चंद्रशेखर बावनकुळे, मंत्री चंद्रकांत पाटील, गिरीश महाजन आदी उपस्थित होते.

मुख्यमंत्री श्री. फडणवीस म्हणाले की, हिवाळी अधिवेशन आहे आणि थंडी देखील आहे. त्यामुळे या अधिवेशनामध्ये आम्ही महाराष्ट्राच्या जनतेला ऊब मिळेल आणि ऊर्जा मिळेल, अशा प्रकारचा कारभार करण्याचा प्रयत्न निश्चितपणे करू. महाराष्ट्रामध्ये सामान्य माणसाला आणि विशेषतः विदर्भात अधिवेशन चालू असल्यामुळे विदर्भाच्या जनतेला देखील दिलासा देण्याचा प्रयत्न करण्यात येईल. या अधिवेशनामध्ये राज्यपालांच्या अभिभाषणावर चर्चा, पुरवणी मागण्यांवर चर्चा, सत्तारूढ पक्ष व विरोधी पक्षाच्या प्रस्तावावर चर्चा असे कामकाज होणार असून त्यासोबत जवळपास वीस विधयेके मांडण्यात येणार आहेत.

महाराष्ट्रातल्या प्रत्येक व्यक्तीने महाराष्ट्राकरिता मतदान केले आहे, म्हणून आमचे सरकार हे ‘ईव्हीएम’ सरकार आहे, पण त्या ईव्हीएमचा अर्थ ‘एव्हरी वोट फॉर मॅग्नेटिक महाराष्ट्र’ असा आहे. आम्ही मॅग्नेटिक महाराष्ट्र घडविण्याकरिता या पुढच्या काळामध्ये निश्चितपणे कामकाज करणार आहोत, असेही त्यांनी यावेळी सांगितले. 

सोयाबीनच्या खरेदीमध्ये यावर्षी आपण गेल्या पंधरा वर्षाचे रेकॉर्ड तोडले आहे. यंदाही मोठ्या प्रमाणात खरेदी सुरू आहे. मागच्या वर्षी सोयाबीन आणि कापसासाठी भावांतर योजना राबवून बाजारभाव व हमीभाव यातील फरकाची रक्कम शेतकऱ्यांच्या खात्यात जमा केली. तसेच धानाच्या शेतकऱ्याला हेक्टरी 20 हजार रुपये दिले. हे शासन शेतकऱ्यांच्या पाठीशी ताकदीने उभे राहणारे शासन आहे, असेही त्यांनी सांगितले.

परभणीमधील घटना ही एका मनोरुग्णामुळे घडली असून मनोरुग्णाच्या कृत्यावर कोणतेही असंविधानिक उद्रेक करणे योग्य नाही. हे शासन संविधानाचा सर्वोच्च सन्मान करणारे आहे. संविधानाच्या बाहेर तसूभरही वेगळे काम करणार नाही. आमचे सरकार संविधानाचा गौरव करणारे आहे. बीड जिल्ह्यातील घटनेची विशेष एसआयटीमार्फत चौकशी करण्यात येणार असून आरोपी कोणीही असले तरी त्यांना सोडले जाणार नाही. अशा घटना महाराष्ट्रात गांभीर्यानेच घेतल्या जातात व यापुढेही घेतल्या जातील, असेही त्यांनी सांगितले.

‘मिशन समृद्ध महाराष्ट्र’साठी काम करणार – उपमुख्यमंत्री एकनाथ शिंदे

मुख्यमंत्री देवेंद्र फडणवीस यांचे अभिनंदन करून उपमुख्यमंत्री श्री. शिंदे म्हणाले की, आम्ही मागील अडीच वर्षे टीम म्हणून काम केले आहे. आता आमची जबाबदारी वाढलेली आहे. जनतेच्या प्रति आम्ही उत्तरदायी आहोत. ‘मिशन समृद्ध महाराष्ट्र’ हे उद्दिष्ट ठेवून काम करणार आहोत. शेतकऱ्यांच्या, जनतेच्या हिताचे प्रकल्प सुरू करून त्यांना चालना दिली. एकीकडे विकास आणि दुसरीकडे लोककल्याणकारी योजना यांची सांगड घातली. लोकाभिमुख आणि गतिमान शासन आणून यापुढेही गतिमानतेने निर्णय घेऊ. या पुढील काळात सर्वसामान्य जनतेसाठी व राज्याच्या विकासासाठी काम करणार आहोत. देशाची अर्थव्यवस्था पाच ट्रिलियन डॉलर करण्यास महाराष्ट्र शासन हातभार लावणार आहे.

जनतेच्या विश्वासाला पात्र राहून सर्वांगिण विकासासाठी प्रयत्न करणार - अजित पवार

उपमुख्यमंत्री श्री. पवार म्हणाले की, जनतेने जो विश्वास आमच्यावर टाकला आहे, त्याला पात्र राहून महाराष्ट्राच्या सर्वांगिण विकासासाठी आम्ही सगळेजण प्रयत्न करणार आहोत. महाराष्ट्राच्या दृष्टिकोनातून महत्त्वाचे प्रश्न चर्चेला आले तर त्यावर निश्चितपणे उत्तर दिले जाईल. विरोधकांचा योग्य सन्मान ठेवला जाईल.

मंत्रीमंडळ बैठकीपूर्वी झालेल्या चहापान कार्यक्रमास मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार यांच्यासह नवनियुक्त मंत्री, विधीमंडळ सदस्य उपस्थित होते.

 

हिवाळी अधिवेशनात मांडण्यात येणार 20 विधेयके

राज्य विधानमंडळाच्या सन 2024 च्या चौथ्या अधिवेशनात 14 अध्यादेश सभागृहाच्या पटलावर ठेवून त्याचे विधेयकामध्ये रुपांतर करण्यात येणार आहे. तसेच 6 नवीन विधेयके मांडण्यात येणार आहेत. एकूण 20 विधेयकांवर विचार करण्यात येणार आहे.

विधेयकात रूपांतरित होणारे अध्यादेश:-

(१) सन २०२४ चे वि.स.वि.क्र... महाराष्ट्र नगरपरिषदा, नगर पंचायती व औद्योगिक नगरी (सुधारणा) विधेयक, २०२४ (नगर विकास विभाग) (सन २०२४ महा. अध्या. क्र. ५ चे रुपांतरीत विधेयक) अप्रत्यक्षपणे निवडलेल्या नगर पंचायतीच्या अध्यक्ष व उपाध्यक्षांचा पदावधी पाच वर्षे करणे,

(२) सन २०२४ चे वि.स.वि.क्र. महाराष्ट्र शासकीय कर्मचाऱ्यांच्या बदल्यांचे विनियमन आणि शासकीय कर्तव्ये पार पाडताना होणाऱ्या विलंबास प्रतिबंध (सुधारणा) विधेयक, २०२४ (सामान्य प्रशासन विभाग) (सन २०२४ महा. अध्या. क्र. ६ चे रुपांतरीत विधेयक) (सर्वसाधारण बदलीसाठीच्या कालावधी ३१ ऑगस्टपर्यंत वाढवण्याची तरतूद)

(३) सन २०२४ चे वि.स.वि.क्र. महाराष्ट्र झाडे तोडण्याबाबत (नियमन) (सुधारणा, विधेयक, २०२४. (महसूल व वन विभाग) (सन २०२४ महा. अध्या. क्र. ७ चे रुपांतरीत विधेयक) (दंडाच्या कमाल मर्यादेत वाढ)

(४) सन २०२४ चे वि.स.वि.क्र. हैद्राबाद इनामे व रोख अनुदाने रदद् करण्याबाबत (सुधारणा) विधेयक, २०२४ (महसूल व वन विभाग) (सन २०२४ महा. अध्या. क्र. ८ चे रुपांतरीत विधेयक) (अनधिकृत हस्तांतरण नियमित करणेबाबत)

(५) सन २०२४ चे वि.स.वि.क्र. महाराष्ट्र वस्तू व सेवा कर (सुधारणा) अध्यादेश, २०२४ (वित्त विभाग) (सन २०२४ महा. अध्या. क्र. ९ चे रुपांतरीत विधेयक) (केंद्रीय अधिनियमाच्या अनुषंगाने सुसंगत सुधारणा करणे)

(६) सन २०२४ चे वि.स.वि.क्र. ... महाराष्ट्र प्राचीन स्मारके व पुराणवस्तुशास्त्रविषयक स्थळे व अवशेष (सुधारणा) विधेयक, २०२४ (पर्यटन व सांस्कृतिक कार्य विभाग) (सन २०२४ महा. अध्या. क्र. १० चे रुपांतरीत विधेयक) (अपराधांच्या शिक्षेत वाढ अधिनियमाच्या तरतुदीच्या उल्लंघनाबद्दल कडक शिक्षा व दंड वाढविण्याबाबत)

(७) सन २०२४ चे वि.स.वि.क्र. महाराष्ट्र जिल्हा परिषद व पंचायत समिती राज्य विधानसभेच्या आगामी सार्वत्रिक निवडणुकांमुळे विवक्षित जिल्हा परिषदांचे अध्यक्ष, उपाध्यक्ष व त्यांच्या विषय समित्यांचे सभापती आणि विवक्षित पंचायत समित्यांचे सभापती व उप सभापती पदांच्या निवडणुका तात्पुरत्या ढकलणे विधेयक, २०२४ (ग्रामविकास विभाग) (सन २०२४ महा. अध्या. क्र. ११ चे रुपांतरीत वि (जिल्हा परिषदांचे अध्यक्ष, उपाध्यक्ष व विषय समित्यांच्या सभापती इत्यादी पदांच्या निवडणूका पुढे ढकलणे

(८) सन २०२४ चे वि.स.वि.क्र. महाराष्ट्र मुद्रांक (सुधारणा) विधेयक, २०२४ (महसूल व वनविभाग) (सन २०२४ महा. अध्या. क्र. १२ चे रुपांतरीत विधेयक) (शासनाचा महसूल वाढविण्याच्या दृष्टीने अनुसूची एकच्या अनुच्छेदामध्ये सुधारणा करणेबाबत)

(९) सन २०२४ चे वि.प.वि.क्र... महाराष्ट्र सार्वजनिक ग्रंथालये (सुधारणा) विधेयक, २०२४ (उच्च व तंत्र शिक्षण विभाग) (सन २०२४ महा. अध्या. क्र. १३ चे रुपांतरीत विधेयक) (वाचन संस्कृतीचा व ग्रंथालय चळवळीचा विकास करण्यासाठी अधिनियमाच्या विवक्षीत कलमांमध्ये सुधारणा करणेबाबत)

(१०) सन २०२४ चे वि.स.वि.क्र... महाराष्ट्र धारण जमिनीचे तुकडे पाडण्यास प्रतिबंध करण्याबाबत व त्यांचे एकत्रीकरण करण्याबाबत (सुधारणा) विधेयक, २०२४ (महसूल व वन विभाग) (सन २०२४ महा. अध्या. क्र. १४ चे रुपांतरीत विधेयक) (जमिनीचे हस्तांतरण किंवा विभाजनाचे नियमाधीकरण करण्यास परवानगी देणे आणि नियमाधीकरण अधिमुल्य कमी करुन बाजारमुल्याच्या ५ टक्के इतके निश्चित करणे)

(११) सन २०२४ चे वि.स.वि.क्र. .. श्रीसिध्दिविनायक गणपती मंदिर विश्वस्तव्यवस्था (प्रभादेवी,

(सुधारणा) विधेयक, २०२४ (विधि व न्याय विभाग) (सन २०२४ महा. अध्या. क्र. १५ चे रुपांतरीत विधेयक) (विश्वस्थ समितीचा कार्यकाळ आणि समिती सदस्यांची संख्या वाढविणे)

(१२) सन २०२४ चे वि.प.वि.क्र... महाराष्ट्र सार्वजनिक विद्यापीठ (सुधारणा) विधेयक, २०२४ (उच्च व तंत्र शिक्षण विभाग) (सन २०२४ महा. अध्या. क्र. १६ चे रुपांतरीत विधेयक) (समुह विद्यापीठ घटित करणेच्या तरतुदीमध्ये सुधारणा)

(१३) सन २०२४ चे वि.स.वि.क्र. महाराष्ट्र सार्वजनिक विद्यापीठ दुसरी सुधारणा, विधेयक, २०२४( उच्च व तंत्र शिक्षण विभाग) (सन २०२४ महा. अध्या. क्र. १७ चे रुपांतरीत विधेयक) (नविन महाविद्यालय उघडण्यासाठी इरादापत्र मागविण्यासाठी कालावधी वाढवून देणेबाबत)

(१४) सन २०२४ चे वि.प.वि.क्र. .. महाराष्ट्र राज्य कौशल्य विद्यापीठ दुसरी सुधारणा, विधेयक, २०२४ (कौशल्य, रोजगार, उद्योजकता व नाविन्यता विभाग) (सन २०२४ महा. अध्या. क्र. १८ चे रुपांतरीत विधेयक)

 

प्रस्तावित विधेयके:-

 

(१) सन २०२४ चे वि.प.वि.क्र... महाराष्ट्र खाजगी विद्यापीठं दुसरी सुधारणा, विधेयक, २०२४ (उच्च व तंत्र शिक्षण विभाग)

(२) सन २०२४ चे वि.स.वि.क्र... महाराष्ट्र कारागृह व सुधारसेवा विधेयक, २०२४ (गृह विभाग)

(३) सन २०२४ चे वि.स.वि.क्र. (महसूल विभाग) महाराष्ट्र जमिन महसूल संहिता (सुधारणा) विधेयक, २०२४

(४) सन २०२४ चे वि.स.वि.क्र. हैदराबाद अतियात चौकशी (सुधारणा) विधेयक, २०२४ (महसूल विभाग)

(५) सन २०२४ चे वि.स.वि.क्र. विधेयक, २०२४ (महसूल विभाग) महाराष्ट्र शेतजमीन (जमिन धारणेची कमाल मर्यादा) (सुधारणा)

(६) सन २०२४ चे वि.स.वि.क्र. महाराष्ट्र (तृतीय पुरवणी) विनियोजन विधेयक, २०२४ (वित्त विभाग)

0000

विधीमंडळाच्या हिवाळी अधिवेशनाच्या पूर्वसंध्येला मंत्री परिषदेची बैठक

 मुख्यमंत्री सचिवालय (जनसंपर्क कक्ष)

 

विधीमंडळाच्या हिवाळी अधिवेशनाच्या पूर्वसंध्येला

मंत्री परिषदेची बैठक

 

नागपूर, दि. 15 :- महाराष्ट्र विधिमंडळाच्या हिवाळी अधिवेशनाच्या पूर्वसंध्येला मुख्यमंत्री देवेंद्र फडणवीस यांच्या अध्यक्षतेखाली रामगिरी या शासकीय निवासस्थानी राज्य मंत्री परिषदेची बैठक झाली.

या बैठकीस उपमुख्यमंत्री एकनाथ शिंदे, उपमुख्यमंत्री अजित पवार यांच्यासह मंत्रीमंडळात नवनियुक्त सदस्य मंत्री, राज्यमंत्री उपस्थित होते.

बैठकीच्या प्रारंभी राज्याचे माजी राज्यपाल एस. एम. कृष्णा यांना श्रद्धांजली अर्पण करण्यात आली. तसा शोक प्रस्ताव मंत्रिपरिषदेने मंजूर केला.

000

राज्यपाल सी.पी.राधाकृष्णन यांनी 33 मंत्री व 6 राज्यमंत्र्यांना दिली पद व गोपनियतेची शपथ Ø ऐतिहासिक राजभवनाच्या हिरवळीवर शपथविधी सोहळा Ø मुख्यमंत्री देवेंद्र फडणवीस व उपमुख्यमंत्र्यांची उपस्थिती

 राज्यपाल सी.पी.राधाकृष्णन यांनी 33 मंत्री व

6 राज्यमंत्र्यांना दिली पद व गोपनियतेची शपथ

Ø ऐतिहासिक राजभवनाच्या हिरवळीवर शपथविधी सोहळा

Ø मुख्यमंत्री देवेंद्र फडणवीस व उपमुख्यमंत्र्यांची उपस्थिती

नागपूर, दि. 15 : राज्यपाल सी.पी.राधाकृष्णन यांनी 33 मंत्री व 6 राज्यमंत्र्यांना पद व गोपनियतेची शपथ दिली. ऐतिहासिक राजभवनाच्या हिरवळीवर शपथविधीचा सोहळा झाला. समारंभास मुख्यमंत्री देवेंद्र फडणवीस, उपमुख्यमंत्री एकनाथ शिंदे व अजित पवार यांची उपस्थिती होती. 

समारंभास केंद्रीय रस्ते वाहतूक मंत्री नितीन गडकरी यांची विशेष उपस्थिती होती. यावेळी कॅबिनेट मंत्री म्हणून शपथ घेतलेल्यांमध्ये चंद्रशेखर बावनकुळे, राधाकृष्ण विखे- पाटील, हसन मुश्रीफ, चंद्रकांत पाटील, गिरीश महाजन, गुलाबराव पाटील, गणेश नाईक, दादाजी भुसे, संजय राठोड, धनंजय मुंडे, मंगलप्रभात लोढा, उदय सामंत, जयकुमार रावल, पंकजा मुंडे, अतुल सावे, अशोक ऊईके, शंभुराज देसाई, अॅड.आशिष शेलार, दत्तात्रय भरणे, आदिती तटकरे, शिवेंद्रसिंह भोसले, अॅड.माणिकराव कोकाटे, जयकुमार गोरे, नरहरी झिरवाळ, संजय सावकारे, संजय सिरसाट, प्रताप सरनाईक, भरत गोगावले, मकरंद जाधव पाटील, नितेश राणे, आकाश फुंडकर, बाबासाहेब पाटील, प्रकाश आबीटकर यांचा समावेश आहे.

सोबतच 6 सदस्यांना राज्यपालांनी राज्यमंत्री म्हणून पद व गोपनियतेची शपथ दिली. त्यात माधुरी मिसाळ, आशिष जयस्वाल, पंकज भोयर, मेघना बोर्डीकर - साकोरे, इंद्रनील नाईक, योगेश कदम यांचा समावेश आहे. शपथविधी सोहळ्याचे संचलन राज्याच्या मुख्य सचिव सुजाता सौनिक यांनी केले. सोहळ्याची सुरुवात राष्ट्रगीत व राज्यगीताने झाली. सोहळ्यास खासदार, आमदार, वरिष्ठ प्रशासकीय अधिकारी तसेच विविध क्षेत्रातील निमंत्रित मान्यवर उपस्थित होते.

००००

33  Cabinet  and 6 Minister of State inducted in first Cabinet Expansion in Maharashtra

In the first major expansion of Maharashtra state cabinet, 39 ministers and ministers of state were given the oath of office and secrecy by Maharashtra Governor C.P. Radhakrishnan at a Swearing in Ceremony held at Raj Bhavan, Nagpur.

Chief Minister Devendra Fadnavis, Deputy Chief Minister Eknath Shinde, Deputy Chief Minister Ajit Pawar were among those present.

Those given oath by the Governor included Chandrashekhar Bawankule, Radhakrishna Vikhe Patil, Hasan Mushrif, Chandrakant Patil, Girish Mahajan, Gulabrao Patil, Ganesh Naik, Dadaji Bhuse, Sanjay Rathod, Dhananjay Munde, Mangal Prabhat Lodha, Uday Samant, Jayakumar Rawal, Pankaja Munde, Narhari Zirwal etc.

0000

जीवन गाणे

 

⚜️⚜️⚜️⚜️⚜️ *श्री गुरुदेव दत्त जन्मोत्सवाची*

 🚩⚜🚩🔆🕉🔆🚩⚜🚩

     🌻 *-li.आनंदी°पहाट.il-* 🌻

            ⚜️⚜️⚜️⚜️⚜️

     *श्री गुरुदेव दत्त जन्मोत्सवाची*

            ⚜️⚜️⚜️⚜️⚜️

           *🔱श्रीक्षेत्र माहुर🔱*

⚜🌹⚜🌹🙏🌹⚜🌹⚜

 

        *कलियुगी तारक ।*

        *स्वामी दत्तराज एक ॥*

        *त्याचें नाम नित्य गावें ।*

        *भवसिंधुसि तरावें ॥*

        *दत्तमूर्ति हृदयीं ध्यातां ।* 

        *पावे मोक्ष सायुज्यता ॥*

        *दत्त वसे जया मनीं ।*

        *तया दत्त जनीं वनीं ॥*

        *एका जनार्दनीं दत्त ।*

        *सबाह्म स्वानंदभरित ॥* 

        *श्रीक्षेत्र माहुर. श्री दत्तगुरुंचे हे जन्म स्थान आणि विश्रांती स्थान. भारतीय संस्कृतीत प्रत्येक परमेश्वर अवताराचा उद्देश आणि उद्दिष्ट आहे.. वैशिष्ट्य आहे. रज.. सत्व.. तम हे तिन्ही गुण गरजेचेच, पण यापैकी कोणत्याही गुणाचा अतिरेक नको.. तारतम्य हवे.. अहंकार तर अजिबात नको हे शिकवणारा हा श्री गुरुदेव दत्त अवतार.*

        *श्री दत्तगुरुंनी एकात्मता शिकवली. वैष्णव.. शैव.. शाक्त, महानुभवीपंथीय, नाथ, अवधूत परिवार, दत्त संप्रदायी.. समर्थ रामदास स्वामी संप्रदाय या सर्वांचेच श्री दत्त हे गुरु. त्यांनी सगळ्यांना जोडले. सर्व जाती.. पंथ.. धर्म यांनाही एकत्र केले. ज्ञानेश्वरांचे गुरु निवृत्तीनाथ हे नाथ संप्रदायाचे. या नाथ संप्रदायाचे नवनाथ असो वा ८४ सिद्ध हे सारे श्री दत्तगुरुंना योग गुरु मानतात. हा नाथ संप्रदाय विदेशातही आहे. कलियुगात या गुरुंचे महत्त्व सर्वाधिक आहे.*              

        *सर्वाना एकत्र करणारा श्री दत्त संप्रदाय सगुणोपासक असला तरीही त्यांना मूर्तीपेक्षाही पादुकांचे जास्त महत्त्व आहे. ईश्वरी मूळ रुप हे निर्गुण निराकार आहे. विविध दत्त तीर्थ क्षेत्री श्री दत्ताचे पूजन अशा पादुकांच्या रुपांत दत्त भक्त करतात. पादुका कुठे चल तर कुठे अचल आहेत. श्रीदत्त पादुका-गिरनार, श्री विमल पादुका-औंदुंबर, श्री मनोहर पादुका-नृसिंहवाडी, श्री निर्गुण पादुका-कारंजा, गाणगापूर, लातुरला, श्रीपाद श्रीवल्लभ पादुका-पीठापूर आणि कुरवपूर, श्री करुणा पादुका-कडगंची, श्रीस्वामी समर्थ पादुका-अक्कलकोट, श्रीशेषदत्त पादुका-बसवकल्याण, अवधूत पादुका-बाळेकुंद्री, प्रसाद पादुका-वासुदेव निवास पुणे तसेच श्री माणिकप्रभू.. श्री टेंब्ये स्वामी, श्री शंकर महाराज इ. स्थळी सर्वच दत्त मंदिरात पादुकांचे भावभक्तीने दर्शन घेत पूजन केले जाते.*

        *श्री दत्तगुरुंचा श्री गुरुचरित्र पारायण सोहळा म्हणजे सातदिवस भक्तीचा जागर. आजचा जन्मोत्सव सोहळा म्हणजे भक्ती आनंदाचा परमोच्च क्षण.*

        *निष्पाप.. पापभीरु अशा लहान गोंडस बालकामध्ये परमेश्वरच वास करतो. बाललीला अनुभवणे हा पृथ्वीवरचा सर्वात मोठा आनंद. जेव्हा रज.. सत्व.. तम गुणांचे अधिकारी ब्रह्मा.. विष्णू.. महेश हे बालक म्हणून अत्री ऋषींच्या पर्णकुटीत प्रकटले तेव्हाचा ब्रह्मानंद काय वर्णावा.. राजमहालापेक्षा ही पर्णकुटी भाग्यवान ठरली.*

        *सत्वगुणांचाही कुणाला हेवा.. मत्सर वाटतो. त्यामुळे अहंकार दुखावतो हे बघून धडा शिकवायला दत्तगुरुंना प्रगट व्हावे लागले हे निमित्त. पण कलियुगातील मानवाला भक्तीची दिशा देण्यासाठी हा अवतार. आज देशभर याचे प्रत्यंतर येत आहे. करोडो भक्त या सप्ताह काळात भक्तीत रममाण होत आत्यंतिक आनंद.. उर्जा.. चैतन्य अनुभवत आहेत.*

        *जेव्हा प्रत्यक्ष ब्रम्हा, विष्णू, महेश हे सृष्टीकर्ते.. चालक चक्क बालरुपात अत्री ऋषींच्या आश्रमात रांगत होते, तिघांनाही अनसूया माता घास भरवत होती हे दृश्य बघणारे ऋषीगण भाग्यवानच.* 

        *या त्रिमूर्तीच्या बाललीलांनी अत्री ऋषींच्या आश्रमात चैतन्य निर्माण झाले होते. आज पुन्हा तेच दृश्य घरोघरी.. मंदिरात अनुभवले जाणार. चराचरही या जन्मोत्सवाने हर्षभरीत होणार.*   

        *श्री दत्ताचे सुंदर रुप बघताच अंतरंगात भक्तीभाव उचंबळतो. सोबतचे चारही श्वान जे वेदांचे प्रतीक आहेत, ते सुद्धा कृतज्ञतेने नतमस्तक झाले आहेत. तर जगन्माता गाय ही कौतुकाने त्यांना बघतेय.*

        *दत्तगुरुंची शुंभकर पाऊले या घराला लागताच घराचे मंदिर झालेय. आनंदाला पारावर नाही. हे हृदयपाखरु स्वानंदात घरभर फिरले. ही सारी देवा तुमचीच किमया आहे. सभोवती तुम्हीच विहारासाठी आनंद तरंग निर्माण केलेत.*          

        *श्री गुरुदेव दत्तांचा कृपा आशीर्वाद आपणास लाभो.*   

           

🌸🛕🚩🔱🙏🔱🚩🛕🌸

  1️⃣

  *ब्रह्मा, विष्णू आणि महेश्वर*

  *सामोरी बसले*

  *मला हे दत्तगुरू दिसले*

  *माय उभी ही गाय हो‍उनी,*

  *पुढे वासरू पाहे वळुनी*

  *कृतज्ञतेचे श्वान बिचारे*

  *पायावर झुकले*

  *चरण शुभंकर फिरता तुमचे,* 

  *मंदिर बनले उभ्या घराचे*

  *घुमटामधुनी हृदयपाखरू*

  *स्वानंदे फिरले*

  *तुम्हीच केली सारी किमया,* 

  *कृतार्थ झाली माझी काया*

  *तुमच्या हाती माझ्या भवती*

  *औदुंबर वसले*

  *गीत : जगदीश खेबुडकर*  ✍

  *संगीत : सुधीर फडके*

  *स्वर : आशा भोसले*

  *चित्रपट : आम्ही जातो आमुच्या गावा (१९६८)*

🌹⚜️🌸🔆🚩🔆🌸⚜️🌹

  2️⃣

            *गुरु ब्रह्मा गुरु विष्णु*

            *गुरु देवो महेश्वरः*

            *गुरु साक्षात परब्रह्म*

            *तस्मै श्री गुरवे नमः*

  *अनुसया अत्री सुकुमारा ।*

  *दत्त दयाघन दयावरा ॥*

  *पद्म कमंडलू गधा धरा ।*

  *त्रिशूल हे शोभे करा ॥*

  *षढवीत आयुढ परी करा ।*

  *पूर्णानंदा अवतारा ॥*

  *सुभस्मा रुद्राक्षा भरणा ।*

  *भव भय दु:ख निवारणा ॥*

  *काश्यायांबर वसन धरा ।*

  *श्री मेघ श्याम सुंदरा ॥*

  *अवधूता हे गिरीवरा ।* 

  *ओझे तेजो द्वीतीधरा ॥*

  *षडभूज मूर्ती वीरा जीता ।* 

  *विश्वरूप हे विश्वंभरा ॥*

  *भक्त प्रिय वज्रपंजरा ।* 

  *दिनांचा उद्धार करा ॥*

  *दत्तात्रेय अवतारा ।* 

  *श्रीपाद नरसिंहवरा ॥*

  *नित्य निरंजन ओमकारा ।* 

  *कलयुगी ऐशी आकारा ॥*

  *जन्म घेशी तु पिठापुरा ।*

  *सचित धन तु शुभम करा ॥*

  *शाश्वत पावन तपोवरा ।* 

  *शब्द दाविसी ओमकारा ॥*

  *कृष्ण संगमी दरूवरा ।* 

  *नित्य वसे औदुंबरा ॥*

  *विप्ररूप वैराग्य वरा ।* 

  *प्रियजन हे परमेश्वरा ॥*

  *हे मुनिजन मानसचंद्रा ।*

  *तु गुरु धैर्य समुद्रा*

  *जगधीशा जगत उद्धारा ।*

  *उद्धरी मज गुरुवरा ॥*

  *करुणानिधी करुणाकारा ।*

  *निर्गुण हे निर्विकारा ॥*

  *गुरुराया कल्याण करा ।* 

  *निजा नंदी द्रुड करा ॥*

  *चिन्मय चीतघन चिदंबरा ।* 

  *अंतर योगी अगोचरा ॥*

  *ब्रम्हा विष्णू महेश्वरा ।*   

  *स्वामी समर्था कृपा करा ॥*

            *दिगंबरा दिगंबरा* 

            *श्रीपाद वल्लभ दिगंबरा*

  *रचना : पारंपारिक दत्तात्रेय धून*

  *स्वर : सागर लेले*

  🎼🎶🎼🎶🎼   🎧

  

  *!! अवधूत चिंतन श्री गुरुदेव दत्त !!*

    *🌹🙏सुमंगल प्रभात🙏🌹*

               *-१४.१२.२०२४-*

🌻🍃🥀🔆🌸🔆🥀🍃🌻

पूजा घाला...* (मनोगते)

 *पूजा घाला...* (मनोगते)

*चांगलं झालं तरी...पूजा घाला.*

*वाईट झालं तर...पूजा घाला.*

*साडेसाती लागली...पूजा घाला.* 

*अॅडमिशन मिळाली... पुजा घाला.*

*नाही मिळाली...तरीही पुजा घाला.*

*पास झालात...पुजा घाला.*

*नापास झालात...पुजा घाला.*

*नोकरी मिळाली...पुजा घाला.*

*नाही मिळली...पुजा घाला.*

*प्रमोशन मिळाले...पुजा घाला.*

*नाही मिळाले...पुजा घाला.*

*घर घेतलेत...पुजा घाला.*

*घर घेता येत नाही...पुजा घाला.*

*लग्न जमले...पुजा घाला.*

*लग्न नाही जमले...पुजा घाला.*

*लग्न झाले...पुजा घाला.*

*मुल झाले...पुजा घाला.*

*मूल होत नाही होत...पुजा घाला.*

*मुलगीच झाली...पुजा घाला.*

*मुलगाच पाहिजे...पुजा घाला.*

*गाडी घेतलीत...पुजा घाला.*

*गाडी ठोकलीत...पुजा घाला.*

*आजारी पडलात...पुजा घाला.*

*बरे झालात...पुजा घाला.*

*जिवंत माणसांसाठी पुजा घाला.*

*मेलेल्या लोकांसाठीही पुजाच घाला.*

*आता जरा विचार करा.*

*याच्यात फायदा कुणाचा झाला?*

*पटत असेल तर डोक्यात घाला.*

*आणि पटत नसेल तर..* 

*तुम्ही आपलीच पूजा घाला.*

*काय पण पंडा-बाम्हण, भट-पुरोहितांनी डोकं लावलंय.* 

*माणसं जगली काय की मेली काय?*

*यांची रोजगार हमी योजना सुरू आहे.* 

*इकडून आणि तिकडूनही.*😃

*(माणसांच्या दुःख निर्मितित आणि दुःख निवारण करण्यात देवाची कोणतीच भूमिका नाही.चांगले झाले की देवाने केले आणि वाईट झाले की देव कोपला असे काहीच नसते. माणसांचे दुःख, समस्या, ते निवारण करण्याचे मार्ग हे त्यांच्या बुद्धि, कृती, भावना, व्यवहारावर अवलंबून असते. )*

 *(आपल्या देवी-देवाची पुज्या अर्चना स्वतःच करा मध्यस्थी ठेवाची गरज नाही..)*

परभणीतील संविधान विटंबनेनंतर उसळलेल्या दंगलीबाबत वस्तुनिष्ठ अहवाल सादर करा

 परभणीतील संविधान विटंबनेनंतर उसळलेल्या दंगलीबाबत वस्तुनिष्ठ अहवाल सादर करा

- उपाध्यक्ष ॲड धर्मपाल मेश्राम

 

नागपूर, दि.13 : परभणी येथील भारतरत्न डॉ. बाबासाहेब आंबेडकर यांच्या पुतळ्याजवळील संविधानाच्या प्रतिकृतीला बाधा पोहचविल्याच्या घटनेबाबत महाराष्ट्र अनुसूचित जाती जमाती आयोगाचे उपाध्यक्ष अॅड. धर्मपाल मेश्राम यांनी तीव्र भावना व्यक्त केल्या आहेत. घटनेची सखोल चौकशी करुन वस्तुनिष्ठ तपशीलवार अहवाल आयोगाकडे तत्काळ सादर करण्याचे निर्देश अॅड. मेश्राम यांनी पत्राव्दारे जिल्हाधिकारी व पोलीस अधीक्षकांना दिले आहेत.

परभणी येथे 10 डिसेंबर रोजी घडलेल्या घटनेबाबत वृत्तपत्रात जे वृत्तांकन आले व घटनेनंतरच्या उसळलेल्या दंगलीसंदर्भात तपशीलवार माहिती सादर करण्याचे लेखी पत्र निर्गमित करण्यात आले आहे. ॲड. मेश्राम हे परभणी जिल्हा दौरा लवकरच करणार आहेत.

परभणीच्या सामाजिक न्याय विभागाच्या सहाय्यक आयुक्तांनी या घटनेबाबत स्वतंत्र अहवाल तत्काळ सादर करावा असे देखील निर्देश आयोगाचे उपाध्यक्ष धर्मपाल मेश्राम यांनी दिले.