मराठी माणसाला काय येते

 👤 मराठी माणसाला काय येते?

👤 मराठी माणसाला भारतीय राज्यघटना लिहिता येते.

🚂 मराठी माणसाने हिन्दुस्थानात पहिली रेल्वे सुरू केली ते नाना शंकरशेट 

👤 मराठी माणसाला पहिला Indian Idol बनता येते.

👤 मराठी माणसाला पहिला करोडपती बनता येते.

👤 मराठी माणसाला पहिली नच बलिये विनर बनता येते.

👤 मराठी माणसाला 🏤स्वराज्य उभं करता येते.

👤 मराठी माणसाला भारतीय चित्रपटसृष्टीची मुहूर्तमेढ रोवता येते.

👤 मराठी माणसाला क्रिकेटचा शहेनशहा होता येतं.

👤 मराठी माणसाला महासंगणक बनविता येतो.

👤 मराठी माणसाला पार्श्वगायनात सम्राज्ञी बनता येतं.

👤 मराठी माणसाला संपूर्ण भारतात पहिली मुलींची शाळा काढता येते.

👤 मराठी माणसाला पहिली महिला शिक्षिका बनता येतं.

👤 मराठी माणसाला पहिली महिला डॉक्टर बनता येतं.

👤 मराठी माणसाला पहिली महिला राष्ट्रपती बनता येतं.

 लाभले अम्हांस भाग्य बोलतो मराठी. 

अभिमान बाळगा 'मराठी' असल्याचा.

🚩 🚩 🚩

😎 😎 😎

का 'मी मराठी' ?

- मी 'मराठी' आहे कारण...

- घरी येताना पिझ्झा खाल्ला तरी,

वरण-भात, साजूक तुपाशिवाय माझं पोट भरत नाही.

- मी 'मराठी' आहे कारण...

- ख्रिसमस, NEW YEARच्या जरी पार्ट्या मित्रांसोबत केल्या तरी,

घरात 'पाडवा'साजरा करतोच.

- *मी 'मराठी' आहे कारण...*

- जाम, सॉस कितीही आवडत असले तरी,

चटणी-लोणच्याचे ५-७ प्रकार तरी घरात सापडतील.

- मी 'मराठी' आहे कारण...

- रागाच्या भरात/चेष्टेत मित्रांना कितीही इंग्लिशमध्ये शिव्या दिल्या तरी,

*ठेच लागल्यावर 'आई गं' हेच शब्द तोंडात येतात*.

- मी 'मराठी' आहे कारण...

- हॉटेलमध्ये पैसे द्यायला जरी मागे रहात असलो तरी,

मित्रास त्रास देणा-याच्या ४-५ थोबाडात लावण्यास कमी पडणार नाही.

- मी 'मराठी' आहे कारण...

- 'छत्रपती शिवाजी महाराज की'

हे ऐकल्यानंतर माझ्या तोंडून आपसूक 'जय' आल्याशिवाय राहत नाही.

- मी 'मराठी' आहे कारण...

- कितीही 'HIGH LIVING' असलो तरी,

हात जोडून 'नमस्कार' बोलल्याशिवाय माझी 'ओळख' होत नाही.

- मी 'मराठी' आहे कारण...

- कितीही 'BRANDED PERFUMES' वापरले तरी,

'उटण्या'शिवाय माझी 'दिवाळी' साजरी होत नाही.

- मी 'मराठी' आहे कारण...

- गाडीतून जाताना 'मंदिर' दिसलं

कि,

आपोआप 'हात' जोडल्याशिवाय मी राहत नाही.

माझ्यातले 'मराठी'पण जोपासण्याची मला गरज नाही.

ते *माझ्या 'रक्तात' भिनलंय*.

आणि...

या 'मराठी'पणाचा मला खूप खूप 'गर्वच'' आहे.

🚩जय हिंद ! जय महाराष्ट्र !!!🚩

मराठी एक गंमत जंमत

 *━═━═━═━═━═━═━═━═━═━═━═━*

         *꧁ मराठी एक गंमत ꧂*

          *❀ शब्द एक, अर्थ अनेक ❀*

*━═━═━═━═━═━═━═━═━═━═━═━*

*_संकलन : मिलिंद पंडित, कल्याण_*

मध्यंतरी माझ्याकडे एक तामिळ मुलगी मराठी शिकायला येत असे. असेल आठवी नववीत. पण चेन्नईहून थेट पुण्याला. मग मराठीचा गंध कसा असणार? थोडं शिकवल्यावर मी तिला काही छोटी पुस्तकं वाचायला दिली होती. एकदा तिने काही अडलेले शब्द लिहून आणले. तीन चार शब्दांचे अर्थ सगितले. शेवटचा शब्द होता, लाव/लावणे.

मी तिला म्हटलं, "अगं, वाक्य लिहून आणायचंस, नुसता अर्थ कसा सांगू? एका शब्दाचा अर्थ काहीही असू शकेल?"

तिला कळेना !

"ओके, टेल मी ऑल द मीनिंग्ज" ती म्हणाली.

तिला वाटलं, असतील दोन तीन अर्थ. पण मराठीचा इंगा तिला अजून कळायचा होता. मी मनात म्हटलं, चला, आजचा वेळ या *लावालावी* तच घालवू.

"हे बघ, तू मराठीचा क्लास *लावला* आहेस !"

"ओह्, आय हॅव जॉइंण्ड द क्लास" लगेच वहीत क्लास *लावणे* = जॉइंन असं लिहिलं.

"क्लासला येताना तू आरशा समोर काय तयारी केलीस? पावडर *लावलीस*?"

"ओ येस !"

"आपण पार्टीला, फंक्शनला जाताना लिपस्टिक, कुंकू, टिकली *लावतो* ?"

"येस, आय अंडरस्टँड, टु अप्लाय." तिनं लिहिलं. "पण आपण केसांना पिन्स, हेअरबॅंड ही *लावतो* तिथे तो अर्थ होत नाही".

"ओके, वी पुट ऑन दॅट !"

"आता बघ. मी चहाचा कप तोंडाला *लावला* आणि बेल वाजली. कालच्या तुझ्या पुस्तकात गाईने चाऱ्याला तोंड *लावलं* !"

"आपण बाळाच्या गालाला हात *लावतो*, इथे काय? प्रत्यक्ष स्पर्श करतो. टच् !"

चौथा अर्थ लिहिता लिहिता तिची ट्यूब पेटली. म्हणाली, "हां, तुम्ही पार्क मधला बोर्ड वाचून दाखवला ना त्यादिवशी, फुलांना हात *लावू* नये. आणि त्या छोट्याला त्याची आई म्हणाली ना, पुस्तकाला पाय *लावू* नको. सो टु टच्"

"मॅम, मी आले तेव्हा यू टोल्ड मी दार *लाव*. मीन्स शट् द डोअर"

"हो! दार *लाव* किंवा दार बंद कर म्हणजे तेच".

"मीन्स लाव, बंद कर सेम. पण मग तुम्ही दिवा *लावते* म्हणता, देअर इट इज ऑपोझिट ऑफ दिवा बंद कर."

"बरोबरच आहे. कारण दाराच्या बाबतीत *लाव* = शट् = बंद कर. पण दिवा *लाव* = स्विच ऑन.

म्हणूनच तुला म्हटलं, "वाक्य लिहून आण बाई. संदर्भ नि रेफरन्स शिवाय नुसता *लाव* कसा समजणार?"

"आणखी खूप ठिकाणी *लावणे* हे व्हर्ब आपण वापरतो, पण तुला आत्ताच एवढ्या गोंधळात नाही टाकत."

"नो, नो. प्लीज टेल मी मोअर". म्हणत ती उत्साहानं सरसावून बसली.

"बरं! आता अपण इलेक्ट्रिकचा दिवा, टीव्ही, रेडिओ इ. *लावतो* तेव्हा 'स्विच ऑन' करतो. पण देवा समोर नीरांजन, उदबत्ती, समई लावतो तेव्हा काय करतो? 'लाइट ऑन' पेटवतो, फटाके *लावतो*, आग *लावतो*, गॅस *लावतो* = पेटवतो" ती भराभरा लिहून घेत होती.

तेवढ्यात आतून कुकरची शिट्टी आली. "बघ, मी कुकर *लावलाय*" दोघी हसलो. "आधीचा कुठला अर्थ आहे का यात?"

"खरं तर यात अनेक क्रिया आहेत. सगळ्याला मिळून एक सुटसुटीत शब्द *लावलाय*. आंघोळीचं पाणी *लावलंय* मधे असंच."

"मी रोज सकाळी अलार्म *लावते*" ती अचानक म्हणाली आणि हसत सुटली. "ओह्! एव्हरीथिंग इज सो डिफरंट."

"सो कनक्लूजन? एव्हरी *लाव* इज डिफरंट."

जिगसॉ पझल घेऊन बसलेल्या नातवाला मी हाक मारली. तर तो म्हणाला, "थांब गं आजी ! मी हे *लावतोय* ना!"

"हे, लुक. तो *लावतोय* = ही इज अरेंजिंग द पीसेस, टु अरेंज".

"तो शहाणा आहे. वह्या नि पुस्तकं कपाटात नीट *लावून* ठेवतो. कपाट छान *लावलेलं* असतं त्याचं".

वहीत लिहून घेऊन ती उठली, 'गुड बॉय' असं त्याचं कौतुक करून ती घरी गेली. पण माझं विचारचक्र चालूच राहिलं. आता मनाच्या अदृश्य स्क्रीनवर *लाव, लावते, लावले* हे सगळं बोल्ड मधे यायला लागलं. 

रोजच कोणालातरी आपण फोन *लावतो*.

बडबड, कटकट करणाऱ्यांना आपण म्हणतो, "ए, काय *लावलंय* मगा पासून?"

आजीने कवळी *लावली* = फिक्स केली आणि आजी कवळी *लावते* म्हणजे रोज वापरते. (यूज)

पट्टा *लाव* = बांध. बकल, बटन *लाव* = अडकव.

बिया *लावणे*, झाडे *लावणे* = पेरणे, उगवणे.

इतके इतके मजूर कामाला लावले (एम्प्लॉइड).

वजन ढकलणारा, ओढणारा नेट/जोर *लावतो* (अप्लाइज स्ट्रेंग्थ). आपण वडिलांचं, नवऱ्याचं नाव *लावतो* म्हणजे काय करतो?

सुंदर गोष्ट मनाला वेड *लावते* या शब्दांच्या खेळानंही मला वेड *लावलं*.

इतक्यात आमची बाई आली. आल्या आल्याच म्हणाली, "विचारलं काहो सायबांना?' (मुलाच्या नोकरी बद्दल).

"विचारलं की, पाठव म्हणाले उद्या !"

"हा, मंग देते त्याला *लावून* उद्या" (ओहो! लावून देते = पाठवतो)

आणि *लावालावी* मधे तर कोण, कुठे काय *लावेल* !

अशी आपली ही मायमराठी ! शिकणाऱ्याला अवघड, पण आपल्याला सुंदर !

"आता, हे आर्टिकल ग्लोबल मराठीवर *लाव*" घरच्यांनी सल्ला दिला.

"आणि नाही *लावलं* तर मनाला *लावून* घेऊ नको" अशी चेष्टाही केली.

मराठी भाषा दिवसाच्या हार्दिक शुभेच्छा💐💐💐

मराठी बांधवांना मराठी भाषा दिनाच्या शुभेच्छा 💐

 💐 सर्व मराठी बांधवांना मराठी भाषा दिनाच्या शुभेच्छा 💐

लाभले आम्हास भाग्य बोलतो मराठी

जाहलो खरेच धन्य ऐकतो मराठी

धर्म , पंथ , जात एक जाणतो मराठी

एवढ्या जगात माय मानतो मराठी

आमुच्या मनामनात दंगते मराठी

आमुच्या रगारगात रंगते मराठी

आमुच्या उराराउरात स्पंदते मराठी

आमुच्या नसानसात नाचते मराठी

आमुच्या पिलापिलात जन्मते मराठी

आमुच्या लहानग्यात रांगते मराठी

आमुच्या मुलामुलीत खेळते मराठी

आमुच्या घराघरात वाढते मराठी

आमुच्या कुलाकुलात नांदते मराठी

येथल्या फुलाफुलात हासते मराठी

येथल्या दिशादिशात दाटते मराठी

येथल्या नगानगात गर्जते मराठी

येथल्या दरीदरीत हिंडते मराठी

येथल्या वनावनात गुंजते मराठी

येथल्या तरुलतात साजते मराठी

येथल्या कळीकळीत लाजते मराठी

येथल्या नभामधून वर्षते मराठी

येथल्या पिकांमधून डोलते मराठी

येथल्या नद्यांमधून वाहते मराठी

येथल्या चराचरात राहते मराठी

पाहुणे जरी असंख्य पोसते मराठी

आपुल्या घरात हाल सोसते मराठी

हे असे कितीक खेळ पाहते मराठी

शेवटी मदांध तख्त फोडते मराठी

कवी - सुरेश भट

पद

 

राजभाषा

 Chhotu : मम्मी, तू माझ्याशी खोटं बोललीस.

Mom : I told you na to speak in English.

Chhotu : Ok Mom, you lied to me.

Mom : When my son ?

Chhotu : you said that my younger sister is an angel.

Mom : Yes, she is.

Chhotu : So why didn't she fly when I threw her from our balcony.

Mom : नालायका,तुझं वाटोळं होवो, अरे... कुठ फेकलंस माझ्या पोरीला ...?

Chhotu: Mummy ! Please speak in English.

Mom : अरे कुत्र्या, बोंबलूदे तुझ ते इंग्लिश, माझी पोर कुठं हाय ते अगोदर सांग .......?

Chhotu : मम्मी, ती ठीक आहे ग,आत झोपलेली आहे, मी तर बस तुझी इंग्लिश चेक करत होतो.

Mom: काळतोंड्या,घालू का पेकाटीत लात, चल जा हीतनं...... 

 *Moral* : When situation is serious, no other language will be remembered except *Mother Tongue..🙏*

 *Happy Mother Tongue Day* 

*मराठी राजभाषा दिनाच्या मनःपूर्वक शुभेच्छा!*

😂😂😂😂😂

विधानपरिषदेच्या कामकाजास वंदे मातरम्‌ व राज्यगीताने प्रारंभ

 विधानपरिषदेच्या कामकाजास वंदे मातरम्‌ व राज्यगीताने प्रारंभ

          मुंबई दि.२७ – विधिमंडळाच्या २०२२-२३ च्या अर्थसंकल्पीय अधिवेशनाच्या विधापरिषदेतील कामकाजास वंदे मातरम् आणि जय जय महाराष्ट्र माझा...या राज्य गीताने सुरुवात झाली.

            यावेळी विधानपरिषदेच्या उपसभापती डॉ.नीलम गोऱ्हे, विरोधी पक्ष नेते अंबादास दानवे, मंत्री चंद्रकांत पाटील यांच्यासह सदस्य उपस्थित होते. यावेळी ‘जय जय महाराष्ट्र माझा, गर्जा महाराष्ट्र माझा...’ या राज्यगीताने सभागृह दुमदुमले होते.

            स्वातंत्र्याचे अमृत महोत्सवी वर्ष आणि छत्रपती शिवाजी महाराज यांच्या जयंतीचे औचित्य साधून १९ फेब्रुवारी २०२३ पासून या गीतास राज्य गीत म्हणून मान्यता देण्यात आली आहे. कवी राजा बडे यांनी लिहिलेले ‘जय जय महाराष्ट्र माझा…’ हे गीत सीमा आंदोलनाच्यावेळी मराठी मनाला प्रेरणा देणारे ठरले होते. या गीतामधील दोन चरणांचे गीत महाराष्ट्राचे राज्यगीत म्हणून स्वीकारण्यात आले असून, हे राज्यगीत १.४१ मिनिट अवधीचे आहे.

राज्यपालांना विधानभवन येथे मानवंदना

 राज्यपालांना विधानभवन येथे मानवंदना

            मुंबई दि.२७ : राज्यपाल रमेश बैस यांचे विधानमंडळ येथे आगमनप्रसंगी राज्याचे मुख्यमंत्री एकनाथ शिंदे, विधानसभेचे अध्यक्ष ॲड.राहुल नार्वेकर, विधान परिषदेच्या उपसभापती डॉ नीलम गोऱ्हे, विधानसभा उपाध्यक्ष नरहरी झिरवाळ व संसदीय कामकाज मंत्री चंद्रकांत पाटील यांनी स्वागत केले. त्यानंतर राज्यपालांना पोलीस दलातर्फे मानवंदना देण्यात आली. राज्यपालांच्या अभिभाषणाने राज्याच्या २०२२-२३ च्या अर्थसंकल्पीय अधिवेशनाला सुरुवात झाली.

0000

Maharashtra Governor given a Guard of Honour at Vidhan Bhavan

            Mumbai Dated 27 : Governor Ramesh Bais was welcomed by Maharashtra Chief Minister Eknath Shinde,Speaker of the Maharashtra Legislative Assembly Adv. Rahul Narwekar, Deputy Chairperson of Legislative Council Dr Neelam Gorhe, Deputy Speaker Narhari Zirwal and Minister of Parliamentary Affairs Chandrakant Patil at Vidhan Bhavan. The Governor was also given a ceremonial Guard of Honour .

            The Governor addressed the joint Session of Maharashtra state Legislature on the First day of Budget Session for the year 2022-23.

0000