रिंग रोड प्रकल्पांतर्गत एमएसआरडीसीमार्फत

 रिंग रोड प्रकल्पांतर्गत एमएसआरडीसीमार्फत सुमारे ७१ ते ७८ टक्के काम पूर्ण झाले असून पीएमआरडीए रिंग रोडसाठी जमीन संपादन प्रक्रिया सुरू आहे. तसेच पुणे-नाशिक, पुणे-अहिल्यानगर आणि पुणे-सोलापूर महामार्गांवरील विविध कामे प्रगतीपथावर किंवा निविदा टप्प्यात असल्याचे राज्यमंत्री मिसाळ यांनी नमूद केले. मेट्रो प्रकल्पांबाबत माहिती देताना त्यांनी सांगितले की, पिंपरी-चिंचवड मेट्रो टप्पा २०२७ पर्यंत पूर्ण करण्यात येणार आहे. स्वारगेट-कात्रज मेट्रो २०२९ पर्यंत, तर हिंजवडी-शिवाजीनगर मेट्रो २०२६ मध्ये पूर्ण करण्याचे नियोजन आहे. याशिवाय इतर काही मेट्रो प्रकल्पांसाठी सविस्तर प्रकल्प अहवाल तयार करण्याचे काम सुरू आहे.