गोरेगाव मल्टीस्पेशालिटी पशुवैद्यकीय रुग्णालयाच्या पुनर्बांधणीस मान्यता पालकमंत्री ॲड. अशिष शेलार यांच्या पाठपुराव्याला यश

 गोरेगाव मल्टीस्पेशालिटी पशुवैद्यकीय रुग्णालयाच्या पुनर्बांधणीस मान्यता

पालकमंत्री ॲड. अशिष शेलार यांच्या पाठपुराव्याला यश

           

मुंबई, दि. १० : गोरेगाव येथील मुंबई पशुवैद्यकीय महाविद्यालयाच्या संकुलात आधुनिक मल्टीस्पेशालिटी पशुवैद्यकीय रुग्णालयाची पुनर्बांधणी करण्याचा निर्णय घेण्यात आला आहे. या उपक्रमास  ५८.२२ कोटींच्या प्रारंभिक अंदाजपत्रकास कृषी व पशुसंवर्धन विभागामार्फत प्रशासकीय मान्यता आजच देण्यात आली आहे. उपनगर पालकमंत्री ॲड. आशिष शेलार यांनी यासंदर्भात सातत्याने पाठपुरावा केला होता. त्यास मुख्यमंत्री देवेंद्र फडणवीस यांनी सकारात्मक प्रतिसाद देत या पशु वैद्यकीय रुग्णालयाच्या पुनर्बांधणीस प्रशासकीय मान्यता दिली. उपनगरातील पाळीव आणि मुक्त पशुंसाठी उत्कृष्ट उपचार व सेवांची सुविधा उभारली जाईल, असे मुंबई उपनगरचे पालकमंत्री ॲड.अशिष शेलार यांनी सांगितले.

 

नव्या इमारतीत तळमजला व तीन मजले असा आराखडा असून १०,२१० चौ. मीटरच्या या रुग्णालयात लहान-मोठ्या प्राण्यांसाठी अत्याधुनिक व बहुविध सेवांचा समावेश आहे. उपनगरातील व मुंबईतील विविध भागातील प्राण्यांच्या उपचारासाठी येणाऱ्या नागरिकांना ही सुविधा मोलाची ठरणार आहे. या प्रकल्पात वास्तुविशारदांची मान्यता, सौरऊर्जा प्रणालीची उभारणी व पर्यावरणपूरक बाबींचा समावेश करण्यात आला आहे.

 

या निर्णयामुळे पशुप्रेमी, शेतकरी, रहिवासी व मुंबई महानगरातील अनेकांची जुनी मागणी पूर्ण होत आहे. नव्या मल्टीस्पेशालिटी पशुवैद्यकीय रुग्णालयामुळे प्राण्यांच्या आरोग्यसेवेचा दर्जा आणि उपलब्धता वाढणार असून, पालकमंत्री ॲड. शेलार यांनी हा महत्त्वाकांक्षी उपक्रम लवकरात लवकर पूर्णत्वास नेण्याचा संकल्प केला आहे.

0000

'मेरा साया साथ होगा' कार्यक्रमाचे सावरकर स्मारक येथे आयोजन

 'मेरा साया साथ होगा' कार्यक्रमाचे सावरकर स्मारक येथे आयोजन

·         लतादिदींच्या अजरामर गाण्यांची मैफल अनुभवता येणार

 

मुंबई, दि. १० : सांस्कृतिक कार्य संचालनालयाच्या वतीने गानसम्राज्ञी लता मंगेशकर यांच्या अजरामर गाण्यांचा स्वरसोहळा "मेरा साया साथ होगा" या संगीतमय सांस्कृतिक कार्यक्रमाचे शनिवार ११ ऑक्टोबर २०२५ रोजी सायंकाळी ७ वा. स्वा. सावरकर सभागृह, शिवाजी पार्क येथे आयोजन करण्यात आले आहे.

 

या कार्यक्रमाची संकल्पना सांस्कृतिक कार्य व माहिती तंत्रज्ञान मंत्री ॲड.आशिष शेलार यांची असून सांस्कृतिक कार्य विभागाचे सचिव डॉ. किरण कुलकर्णी यांच्या मार्गदर्शनाखाली या सांस्कृतिक कार्यक्रमाचे आयोजन करण्यात आलेले आहे.

    

या सांस्कृतिक कार्यक्रमात गानसम्राज्ञी लता मंगेशकर यांच्या अजरामर गीतांद्वारे त्यांना मानवंदना देण्यात येणार आहे. या कार्यक्रमात शैलजा सुब्रमण्यम, आनंदी जोशी, निहिरा जोशी, जय आजगांवकर या कलाकारांचा सहभाग आहे. कार्यक्रमाचे निवेदन अंबरीश मिश्र हेतर करणार असून संगीत संयोजन प्रणव हरिदास यांचे आहे. या कार्यक्रमात १६ वादकांचा सहभाग आहे.

 

"मेरा साया साथ होगा" कार्यक्रम रसिक प्रेक्षकांसाठी विनामूल्य असून प्रवेशिका स्वा. सावरकर नाट्यगृह, शिवाजी पार्क, दादर येथे उपलब्ध आहेत.

 

या कार्यक्रमाचा जास्तीत जास्त रसिक प्रेक्षकांनी लाभ घ्यावा, असे आवाहन सांस्कृतिक कार्य संचालनालयाचे संचालक विभीषण चवरे यांनी केले आहे.

महिला खेळाडूंसाठी चेंजिंग रूमची सुविधाक्रीडा संकुल, स्पोर्ट्स क्लब, जिमखाना, स्टेडियम व क्रीडांगणांवर सुविधा

 महिला खेळाडूंसाठी चेंजिंग रूमची सुविधा

-         क्रीडा युवक कल्याण मंत्री ॲड. माणिकराव कोकाटे

क्रीडा संकुल, स्पोर्ट्स क्लब, जिमखाना, स्टेडियम व क्रीडांगणांवर सुविधा

 

मुंबई, दि. १० : राज्यातील महिला खेळाडूंसाठी शासनाने अत्यंत महत्त्वाचा आणि ऐतिहासिक निर्णय घेतला आहे. राज्यातील सर्व क्रीडा संकुल, स्पोर्ट्स क्लब, जिमखाना, स्टेडियम तसेच स्थानिक क्रीडांगणांवर स्वतंत्र, स्वच्छ आणि सुरक्षा-सुसज्ज चेंजिंग रूमची सुविधा महिला खेळाडूंसाठी उपलब्ध करून देण्यात येणार असल्याची माहिती क्रीडा व युवक कल्याण मंत्री ॲड. माणिकराव कोकाटे यांनी प्रसिद्धी पत्रकाद्वारे दिली आहे.

भारतरत्न सचिन तेंडुलकर यांनी काही दिवसांपूर्वी दादर जिमखानाच्या नूतनीकरण उदघाटनप्रसंगी महिलांना क्रीडांगणावर सुरक्षित व आदरयुक्त वातावरण मिळालेच पाहिजे, त्यासाठी देशभरातील क्रीडा संकुलात महिलांना चेंजिंग रुमची सुविधा उपलब्ध करून देण्याबद्दल आवाहन केले होते.

या आवाहनाला तत्काळ व सकारात्मक प्रतिसाद देणारे क्रीडा व युवक कल्याण मंत्री अॅड. माणिकराव कोकाटे हे देशातील पहिले मंत्री ठरले आहेत.

क्रीडा मंत्री ॲड.कोकाटे यांनी सांगितले की, राज्यभरातील महिला खेळाडूंना सुरक्षित आणि सन्मानजनक सुविधा उपलब्ध करून देण्यासाठी ही योजना तातडीने राबवली जाणार आहे. प्रत्येक जिल्हा, तालुका आणि स्थानिक क्रीडांगणावर या सुविधा प्राधान्याने उभारल्या जातील.

चेंजिंग रूममध्ये स्वच्छतागृह, आरोग्य सुविधा आणि आवश्यक सुरक्षिततेसाठी मर्यादित क्षेत्रात सीसीटीव्ही देखरेख ठेवली जाणार आहे. तसेच प्रत्येक ठिकाणी महिला सुरक्षा कर्मचारी नियुक्त करण्याचे निर्देश देण्यात आले आहेत. जुनी इमारती दुरुस्त करणे अथवा नवीन चेंजिंग रूम बांधण्यासाठी तात्काळ प्रस्ताव सादर करण्याचे निर्देश क्रीडा मंत्री श्री. कोकाटे यांनी दिले आहेत. या निर्णयामुळे केवळ सुविधा उपलब्ध होणार नाहीत, तर महिलांचा सहभाग आणि विश्वास क्रीडा क्षेत्रात वाढीस लागेल.

क्रीडा मंत्री ॲड.कोकाटे म्हणाले की, क्रीडा क्षेत्रातील प्रत्येक मुलगी आता अभिमानाने मैदानात उतरेल. तिच्या प्रत्येक यशामागे सुरक्षित आणि सन्मानित वातावरणाचा मजबूत पाया असेल. या निर्णयामुळे राज्यातील महिला खेळाडूंसाठी एक नवा अध्याय सुरू होणार असून, महाराष्ट्र महिला सक्षमीकरणाच्या दिशेने आणखी एक पुढचा टप्पा पार करत आहे.

000

ओला-उबर, रॅपिडोसह सर्व ॲप आधारित सेवांसाठी नवे मानक ठरवले जाणार! Pl share

 ओला-उबर, रॅपिडोसह सर्व ॲप आधारित सेवांसाठी नवे मानक ठरवले जाणार!

- परिवहन मंत्री प्रताप सरनाईक

महाराष्ट्र सरकारचे “मोटर वाहन ॲग्रीगेटर नियम, २०२५” जाहीर

 

मुंबई, दि. १० : राज्यातील ॲप-आधारित प्रवासी वाहतूक सेवांमध्ये (उदा. ओला, उबर, रॅपिडो) अधिक शिस्तबद्धता, पारदर्शकता आणि प्रवासी सुरक्षेसाठी महाराष्ट्र शासनाने “महाराष्ट्र मोटर वाहन ॲग्रीगेटर नियम, २०२५” या मसुदा नियमांची घोषणा केली. हे नियम मोटर वाहन कायदा, १९८८ च्या कलम ७३, ७४ आणि ९३ अंतर्गत प्रस्तावित असून, १७ ऑक्टोबर २०२५ पर्यंत या हरकती व सूचना मागविण्या आल्या असून त्यानंतर  लागू होईल . अशी माहिती परिवहन मंत्री प्रताप सरनाईक यांनी दिली आहे.

या नव्या नियमांमुळे ॲग्रीगेटर कंपन्या, चालक आणि प्रवासी यांच्यातील संबंध अधिक पारदर्शक होतील तसेच भाडे, सेवा गुणवत्ता, चालकांचे हक्क आणि प्रवासी सुरक्षेच्या दृष्टीने महत्त्वपूर्ण बदल होणार आहेत.

नियम यांना लागू होणार

हे नियम ई-रिक्षासह सर्व प्रवासी मोटार वाहनांच्या ॲग्रीगेटरना लागू होतील. म्हणजेच, ओला-उबरसारख्या कॅब सेवांसोबत ई-रिक्षा सेवा देखील या चौकटीत येतील.

तसेच, बाईक-टॅक्सी सेवांसाठी स्वतंत्र "महाराष्ट्र बाईक-टॅक्सी नियम, २०२५" लागू राहतील आणि त्यासाठी वेगळा परवाना घ्यावा लागेल.

 परवाना शुल्क आणि सुरक्षा ठेव

राज्य परिवहन प्राधिकरण (प्रति जिल्हा)

परवाना देणे       ₹१०,००,०००, परवाना नूतनीकरण          ₹२५,०००        

प्रादेशिक परिवहन प्राधिकरण (प्रति जिल्हा)

परवाना देणे       ₹२,००,०००, परवाना नूतनीकरण ₹५,०००

 

याशिवाय ॲग्रीगेटरला वाहनसंख्येप्रमाणे सुरक्षा ठेव द्यावी लागेल.

वाहनांची संख्या १०० बस किंवा १००० वाहनांपर्यंत- सुरक्षा ठेव - १० लाख

वाहनांची संख्या १००० बस किंवा १०,००० वाहनांपर्यंत - सुरक्षा ठेव - २५ लाख

वाहनांची संख्या १००० हून अधिक बस किंवा १०,००० हून अधिक वाहनं सुरक्षा ठेव - ५० लाख

भाड्याचे नियमन

सर्ज प्राइसिंग :

मागणी वाढल्यास ॲप भाडे वाढवू शकेल, परंतु ते प्रादेशिक परिवहन प्राधिकरणाने ठरवलेल्या मूळ भाड्याच्या दिड पटापेक्षा जास्त नसावे.

मागणी कमी झाल्यासही भाडे मूळ दराच्या २५ टक्के पेक्षा कमी ठेवता येणार नाही.

सुविधा शुल्क :

राइडरकडून आकारले जाणारे सुविधा शुल्क मूळ भाड्याच्या ५ टक्के पेक्षा जास्त नसावे, आणि एकूण कपात मूळ भाड्याच्या १० टक्के पेक्षा अधिक नसावी.

 

 

चालक आणि वाहनांवरील अटी

कामाचे तास:

चालक एका दिवशी जास्तीत जास्त १२ तास ॲपवर लॉग-इन राहू शकतो. त्यानंतर किमान १० तासांची विश्रांती घ्यावी लागेल.

 

प्रशिक्षण:

ॲग्रीगेटरकडे जोडण्यापूर्वी चालकांना ३० तासांचा प्रेरणा प्रशिक्षण कार्यक्रम पूर्ण करावा लागेल.

 

रेटिंग व्यवस्था:

चालकाचे सरासरी रेटिंग पाचपैकी दोन स्टार्सपेक्षा कमी असल्यास त्याला सुधारात्मक प्रशिक्षण घ्यावे लागेल आणि तोपर्यंत ॲपवरून काढण्यात येईल.

 

विमा:

प्रवाशांना ५ लाख रुपयांपर्यंतचा प्रवास विमा घेण्याचा पर्याय ॲपमध्ये अनिवार्यपणे उपलब्ध असावा.

 

वाहनाचे वय:

 

ऑटोरिक्षा व मोटारकॅब — नोंदणीपासून ९ वर्षांपेक्षा जास्त जुन्या नसाव्यात.

बस — ८ वर्षांपेक्षा जुनी नसावी.

 

 ५. ॲप आणि वेबसाइटच्या अटी

ॲप मराठी, हिंदी आणि इंग्रजी भाषांमध्ये उपलब्ध असावे.

चालकाला राइड स्वीकारण्यापूर्वी प्रवाशाचे गंतव्यस्थान दिसणार नाही, असे ॲप डिझाइन असावे.

प्रवाशाला लाइव्ह लोकेशन शेअरिंग व प्रवास स्थिती पाहण्याची सुविधा ॲपवर असावी.

दिव्यांग प्रवाशांसाठी विशेष सुविधा अनिवार्य असतील.

स्वदेशीचा आग्रह आणि आर्थिक स्वावलंबनाचा संदेश

 स्वदेशीचा आग्रह आणि आर्थिक स्वावलंबनाचा संदेश

वस्तू व सेवा करामधील बदलानंतर झालेल्या नवरात्रीतील विक्रमी खरेदीचा उल्लेख करून प्रधानमंत्री नरेंद्र मोदी म्हणाले की, देशात टीव्ही, बाईक, रेफ्रिजरेटरची विक्रमी विक्री होत आहे. देशातील बाजारपेठ बळकट होत आहे. आपण सर्वांनी ‘स्वदेशी’चा स्वीकार करणे गरजेचे आहे. देशाच्या पैशाचा उपयोग देशातील कामगारांना, उद्योगांना आणि तरुणांना लाभदायक ठरेल. त्यामुळे देशवासियांनी स्वदेशीचा अंगीकार करून भारताच्या विकास प्रवासात सहभागी होण्याचे आवाहन प्रधानमंत्री नरेंद्र मोदी यांनी यावेळी केले.

देशाच्या विकासाला गती देण्यास महाराष्ट्र नेहमीच अग्रेसर राहिला आहे. महाराष्ट्राने विकासात आघाडी घेतली आहे. महाराष्ट्रातील प्रत्येक गाव, शहर आणि तरुण अधिक सक्षम बनवण्याचे उद्दिष्ट आहे, असेही नरेंद्र मोदी यांनी यावेळी सांगितले.

संपूर्ण देश विकसित भारताच्या संकल्पनेला जोडला जात आहे. लोकहित सर्वोपरी हे लक्षात ठेवून सर्व शासकीय योजना नागरिकांपर्यंत पोहोचविण्यात येत आहेत. देशाच्या कानाकोपऱ्यात विकासाचा वेग वाढत असून देशाची प्रगती लक्षात येत असल्याचेही त्यांनी यावेळी सांगितले.

भारत–ब्रिटेन साझेदारी का नया अध्याय: मानव संबंधों के सेतु को और मजबूत करने की प्रतिबद्धता

 भारत–ब्रिटेन साझेदारी का नया अध्याय: मानव संबंधों के सेतु को और मजबूत करने की प्रतिबद्धता

– ब्रिटेन के प्रधानमंत्री कीर स्टार्मर

 भारत और ब्रिटेन के बीच मानव संबंध ही इस रिश्ते की सच्ची पहचान हैं, जैसा प्रधानमंत्री मोदी ने कहा, यह देशों, लोगों और दिलों को जोड़ने वाला जीवंत पुल है। ब्रिटेन के प्रधानमंत्री कीर स्टार्मर ने मुंबई में आयोजित द्विपक्षीय बैठक के बाद जारी संयुक्त बयान के दौरान कहा।

स्टार्मर ने कहा कि भारत और ब्रिटेन मिलकर एक आधुनिक और भविष्य उन्मुख साझेदारी बना रहे हैं, जिससे दोनों देशों के नागरिकों के लिए नई संभावनाएँ उत्पन्न होंगी। भारत–ब्रिटेन व्यापक आर्थिक और व्यापार समझौते (CETA) को पूरा करना एक ऐतिहासिक उपलब्धि होगी, जिससे आयात शुल्क में कमी आएगी, बाजारों तक पहुँच बढ़ेगी, रोजगार सृजित होंगे और जीवन स्तर में सुधार होगा। आर्थिक लाभों से परे, इस प्रक्रिया से उत्पन्न आपसी विश्वास और सहयोग की भावना भारत–ब्रिटेन संबंधों को और मजबूत कर रही है।

उन्होंने कहा कि इस बैठक का भारत की आर्थिक राजधानी मुंबई में होना प्रतीकात्मक है। भारत की आर्थिक प्रगति असाधारण है। मैं प्रधानमंत्री मोदी को 2028 तक भारत को विश्व की तीसरी सबसे बड़ी अर्थव्यवस्था बनाने के लक्ष्य और ‘विकसित भारत 2047’ दृष्टिकोण के लिए बधाई देता हूँ। हम इस यात्रा में भारत के साझेदार बनना चाह

भारत और ब्रिटेन के बीच रक्षा सहयोग और सुदृढ़

 भारत और ब्रिटेन के बीच रक्षा सहयोग और सुदृढ़

प्रधानमंत्री मोदी ने आगे कहा, भारत और ब्रिटेन के बीच रक्षा सहयोग लगातार मजबूत हो रहा है और दोनों देश संयुक्त उत्पादन की दिशा में आगे बढ़ रहे हैं। इसके अतिरिक्त, दोनों देशों की सेनाओं के बीच सैन्य प्रशिक्षण सहयोग समझौता भी हुआ है, जिसके तहत भारतीय वायुसेना के प्रशिक्षक अब ब्रिटेन की रॉयल एयरफोर्स में प्रशिक्षक के रूप में कार्य करेंगे। मुंबई में बैठक के दौरान ही दोनों देशों की नौसेनाए ‘कोंकण 2025’ नामसे संयुक्त अभ्यास कर रही हैं, जो हमारी मजबूत सामरिक साझेदारी का प्रतीक है।

प्रधानमंत्री मोदी ने कहा कि ब्रिटेन में रहने वाले 18 लाख भारतीय मूल के लोग दोनों देशों के बीच मित्रता का जीवंत उदाहरण हैं। उन्होंने ब्रिटिश समाज और अर्थव्यवस्था में जो योगदान दिया है, उसने दोनों देशों के बीच मित्रता और विकास के पुल को और सशक्त बनाया है।

 

भारत की गतिशीलता और ब्रिटेन की विशेषज्ञता मिलकर एक अद्वितीय सामंजस्य उत्पन्न करती है। हमारी साझेदारी प्रतिभा, तकनीक और विश्वास पर आधारित है। हम मिलकर दोनों देशों के लोगों के लिए उज्ज्वल भविष्य का निर्माण करेंगे, ऐसी आशा प्रधानमंत्री मोदी ने व्यक्त की।