Aushyaman Bharat card आजच काढा

 आपापल्या गावातील गृपवर टाका.म्हणजे सर्व कुटुंबांना कळेल.व त्यांनी गावातील आशा सेविकांना भेटुन कार्ड विषयी माहिती घ्या.व लवकरात लवकर कार्ड तयार करून घेण्यास सांगा.

रून घेण्य

 शेतमाल प्रक्रिया उद्योग उभारण्याचाप्रस्ताव शासनाच्या विचाराधीन

-  पणन मंत्री अब्दुल सत्तार

 

            मुंबई, दि. ९ : शेती निसर्गावर अवलंबून असल्यामुळे त्यामध्ये अनेक प्रकारची अनिश्चितता असते. डोंगराळ व शेतकरी आत्महत्याग्रस्त भागांमध्ये शेतकरी हितासाठी शेतमाल प्रक्रिया सहकारी संस्थांच्या माध्यमातून प्रक्रिया उद्योग उभारण्याचा प्रस्ताव शासनाच्या विचाराधीन आहे, असे पणन मंत्री अब्दुल सत्तार यांनी सांगितले.

            कृषी प्रक्रिया सहकारी संस्थांना प्रकल्प उभारणीसाठी देण्यात येणारे भाग भांडवल कर्ज व शासकीय भाग भांडवल याबाबत पणन विभागामार्फत राज्यातील संस्थांना विशेष अर्थसहाय्य योजना राबविणे आणि योजनेचे स्वरूप निश्चित करण्याबाबत मंत्रालयात बैठक आयोजित करण्यात आली होती.

            यावेळी वित्त विभागाचे सहसचिव डॉ. माधव वीर, नियोजन विभागाचे उपसचिव श्री. महाजन, पणन विभागाचे उपसचिव सुग्रीव धपाटे, पणन मंडळाचे संजय कदम, पणन मंडळाचे सहसंचालक मधुकांत गरड संबंधित अधिकारी उपस्थित होते.

            मंत्री श्री. सत्तार म्हणाले, शेतकऱ्यांना आर्थिकदृष्ट्या सक्षम करण्यासाठी शेतमालाला चांगला दर मिळाला पाहिजे. शेतमाल प्रक्रिया उद्योग उभे राहिले तर शेतमालाला अधिक दर मिळण्यास मदत होईल. शेतमाल प्रक्रिया उद्योगाला प्रोत्साहन देण्यासाठी शेतमाल प्रक्रिया सहकारी संस्थांच्या माध्यमातून प्रक्रिया उद्योग उभारणीसाठी सर्वंकष प्रस्ताव तयार करावा, अशा सूचना पणन महामंडळाला या बैठकीत  दिल्या.

000

काशीबाई थोरात/विसंअ/

 

 

अमृत महोत्सव सांगतेनिमित्त राज्यपालांची पंचप्रण प्रतिज्ञा

 अमृत महोत्सव सांगतेनिमित्त राज्यपालांची पंचप्रण प्रतिज्ञा

 

            मुंबई, दि. ९ : स्वातंत्र्याच्या अमृत महोत्सव उपक्रमाच्या सांगता सोहळ्यानिमित्त राज्यपाल रमेश बैस यांनी आज राजभवनातील अधिकारी व कर्मचाऱ्यांना  ‘पंचप्रण’ प्रतिज्ञा दिली. 

            सन 2047 पर्यंत देशाला आत्मनिर्भर आणि विकसित राष्ट्र बनविण्याची व गुलामगिरीची मानसिकता दूर करण्याची, देशाच्या समृद्ध वारशाचा अभिमान बाळगण्याची, देशाची एकता मजबूत राखण्याची तसेच नागरिक म्हणून आपले कर्तव्यपालन करण्याची प्रतिज्ञा राज्यपालांनी  यावेळी सर्व उपस्थितांना दिली.

0000

 

Maharashtra Governor gives Panch Pran Pledge to

Raj Bhavan staff, officers

 

 

            Mumbai, 9th Aug : Maharashtra Governor Ramesh Bais gave the 'Panch Pran' Pledge to the officers and staff of Raj Bhavan Mumbai as part of the nation wide “Meri Mati Mera Desh” Campaign today.

            The Governor gave the Panch Pran Pledge wherein all those present resolved to make India a developed nation by 2047, eliminate the mentality of slavery, take pride of India's rich heritage, uphold unity and solidarity, fulfil duties as citizens, and respect those who protect the nation. 

            The Campaign is the concluding event of the 'Azadi ka Amrit Mahotsav,' which began on 12th March , 2021.

0000

 

रायगड जिल्ह्यातील बस स्थानकांमधील विकासकामे सुरू करा

 रायगड जिल्ह्यातील बस स्थानकांमधील विकासकामे सुरू करा

- महिला व बालविकास मंत्री कु. आदिती तटकरे

 

            मुंबई, दि. 9 : “रायगड जिल्ह्यातील तळे, श्रीवर्धन, रोहा, मांडगांव, म्हसाळा आदी बस स्थानकांमध्ये रस्त्यांची, इमारतींची कामे करणे गरजेचे आहे. रायगड जिल्ह्यामधील बस स्थानकांमधील रस्त्यांचे क्राँक्रीटीकरण व इमारतींच्या कामांसंदर्भात तातडीने प्रस्ताव सादर करावा. जेणेकरून  निधीची तरतूद करता येईल,” असे महिला व बालविकास मंत्री कु. आदिती तटकरे यांनी आज सांगितले.

              यासंदर्भात मंत्रालयात आयोजित बैठकीत मंत्री कु. तटकरे बोलत होत्या. बैठकीला राज्य परिवहन महामंडळाच्या नियोजन व पणन विभागाचे महाव्यवस्थापक श्री. बामणे, मध्यवर्ती कार्यालयाचे विभाग नियंत्रक श्री. चवरे, विभाग नियंत्रक दिपक गोडे आदी उपस्थित होते.

             मंत्री कु. तटकरे पुढे म्हणाल्या की, गोवा महामार्गावर पेणजवळ एसटी महामंडळाने प्रवाशांच्या जेवणाच्या व्यवस्थेसाठी जागा दिलेल्या हॉटेल व्यावसायिकांचा व्यवसाय होत नाही. त्यामुळे पेणजवळील अशा हॉटेल्सवर एसटी डेपोनिहाय गाड्यांचे नियोजन करावे. जेणकरून हॉटेल व्यावसायिकांना उत्पन्न मिळून महामंडळालासुद्धा उत्पन्न येईल. त्यानुसार एस टी महामंडळाच्या अधिकाऱ्यांनी संबंधित हॉटेल व्यावसायिकांसोबत बैठक घेऊन मार्ग काढावा, अशाही सूचना त्यांनी दिल्या.  यावेळी संबंधित विभागाचे अधिकारी उपस्थित होते.

मत्स्य व्यवसायात चंद्रपूर जिल्हा आदर्श जिल्हा म्हणून विकसित करणार

 मत्स्य व्यवसायात चंद्रपूर जिल्हा आदर्श जिल्हा म्हणून विकसित करणार

- मत्स्यव्यवसाय मंत्री सुधीर मुनगंटीवार

            मुंबई, दि. ९ : मत्स्यव्यवसाय हा रोजगार व संपन्नता देणारा उत्तम व्यवसाय आहे. चंद्रपूर जिल्ह्यात तलावांची संख्या मोठी आहे. त्यामुळे मत्स्य व्यवसायात चंद्रपूर जिल्हा आदर्श जिल्हा म्हणून विकसित करण्याकरता योग्य ती पावले उचलण्याचे निर्देश मत्स्यव्यवसाय मंत्री व जिल्ह्याचे पालकमंत्री सुधीर मुनगंटीवार यांनी आज आयोजित बैठकीत प्रशासनाला दिले.

            यावेळी जिल्हाधिकारी विनय गौडा, उपसचिव कि.म. जकाते, जिल्हा परिषद मुख्य कार्यकारी अधिकारी विवेक जॉन्सन, पशुसंवर्धन उपायुक्त डॉ. एम.पी.काळे यांच्यासह अन्य वरिष्ठ अधिकारी उपस्थित होते.

            मत्स्यव्यवसायासाठी मच्छिमारांचे चांगले प्रशिक्षण, उत्तम पायाभूत सुविधा, चांगला पतपुरवठा, उत्तम मार्केटिंग सहाय्य यांची जोड मिळाल्यास मत्स्यपालन व मत्स्यव्यवसाय हा एक उत्तम उद्योग म्हणून जिल्ह्यात विकसित होऊ शकतो. यासंदर्भातील सादरीकरण आजच्या बैठकीत मंत्री श्री. मुनगंटीवार यांच्यासमोर करण्यात आले. या क्षेत्रातील तज्ज्ञांची मदत घेऊन जिल्हा मत्स्यव्यवसाय विकास आराखडा वेगाने तयार करण्याचे निर्देश यावेळी त्यांनी दिले.

           याबरोबरच आदिवासी विकास योजना आणि शहर परिवहन सेवेचा मंत्री श्री. मुनगंटीवार यांनी आढावा घेतला.

आदिवासी बांधवांना दुग्धव्यवसायासाठी म्हशी देणार

            आदिवासी बांधवांना दुग्धव्यवसाय करता यावा म्हणून जिल्ह्यातील आदिवासी बहुल क्षेत्रात म्हशी व गायी वाटप योजनेची अंमलबजावणी करणार असल्याचे मंत्री श्री. मुनगंटीवार यांनी सांगितले.

            दुग्ध व्यवसायाबाबत तज्ज्ञांकडून आदिवासी बांधवांना प्रशिक्षण देण्याबाबतचे नियोजन प्रशासनाने करावे. त्याचबरोबर जिल्ह्यातील चारा उपलब्धता, दुधाळ जनावरांच्या आरोग्याची काळजी घेण्याकरता पशू चिकित्सा यंत्रणा अधिक सक्षम करणे, पशू चिकित्सा यंत्रणेतील पदे भरणे, शेण आणि गोमूत्रापासून सहउत्पादने घेणाऱ्या संस्था व कंपन्यांसोबत बोलणी करून आदिवासींना उत्पन्नाचे अधिकचे स्त्रोत उपलब्ध करुन देणे, पतपुरवठ्याकरता बँकासोबत बैठका घेणे, याबाबत वेळेवर कार्यवाही करण्याच्या सूचना मंत्री श्री. मुनगंटीवार यांनी प्रशासनाला दिल्या.

चंद्रपूरात लवकरच शहर परिवहन बससेवा

            चंद्रपूर येथे अत्याधुनिक विद्युत बसेसच्या माध्यमातून लवकरच शहर परिवहन बससेवा सुरू करणार येणार असल्याची माहिती मंत्री श्री. मुनगंटीवार यांनी दिली. या शहर बससेवेमुळे चंद्रपूर शहरातील सामान्य नागरिकांची मोठी सोय होणार आहे. शहरातील प्रदूषण आणि वाहतूक कोंडीवर सार्वजनिक वाहतूक हाच उत्तम तोडगा आहे. राज्यातील सर्वोत्तम शहर परिवहन बससेवा चंद्रपूरात निर्माण करण्याच्या अनुषंगाने प्रशासनाने कार्यवाही कररावी, असे निर्देश त्यांनी प्रशासनाला ‍दिले.

             शहर बस सेवेसंदर्भातील सादरीकरण यावेळी त्यांच्यासमोर करण्यात आले.

सांस्कृतिक कार्य मंत्री सुधीर मुनगंटीवार यांच्या कार्यालयाससलग दुसऱ्यांदा आयएसओ मानांकन

 सांस्कृतिक कार्य मंत्री सुधीर मुनगंटीवार यांच्या कार्यालयाससलग दुसऱ्यांदा आयएसओ मानांकन

 

            मुंबई, दि. 9 : नावीन्यपूर्ण संकल्पना, विविध उपक्रमांची यशस्वी अंमलबजावणी, भेटायला येणाऱ्या नागरिकांच्या अडचणींचे निरसन व्हावे, यासाठीची सुयोग्य यंत्रणा आणि कार्यपद्धती यांस अनुसरून राज्याचे वने, सांस्कृतिक कार्य व मत्स्यव्यवसाय मंत्री सुधीर मुनगंटीवार आणि त्यांचे कार्यालय काम करीत आहे. सर्वसामान्य नागरिक आणि प्रशासन यांच्यातील दुवा होऊन काम करणारे अर्थात मंत्री कार्यालय सलग दुसऱ्यांदा आयएसओ प्रमाणपत्राचे मानकरी ठरले आहे. ‘मेरी मिट्टी मेरा देश’ अर्थात ‘माझी माती माझा देश’ अभियानाच्या कार्यक्रमात आज मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, आयएसओचे अधिकारी व्ही. बालकृष्णन यांच्या हस्ते मंत्री श्री. मुनगंटीवार यांनी हे प्रमाणपत्र स्वीकारले.

            गेल्या पाच वर्षांत मंत्री म्हणून श्री. मुनगंटीवार यांच्या कार्यालयाला मिळालेला हा दुसरा बहुमान आहे. मंत्रालयात कामासाठी येणाऱ्या नागरिकांच्या तक्रारींचे निरसन व्हावे, त्यांना विनाकारण ये-जा करावी लागू नये, यासाठी त्यांच्या तक्रारींची, निवेदनाची दखल घेत त्यांच्या कामासंदर्भात पाठपुरावा करण्याची कार्यपद्धती या कार्यालयात अवलंबली जात आहे. मंत्री कार्यालयातील वरिष्ठ अधिकारी ते अगदी लिपिकापर्यंत कामाची कार्यपद्धती ठरवून देण्यात आली असून त्याची अंमलबजावणी व्यवस्थित होत असल्याबाबत स्वत: मंत्री श्री. मुनगंटीवार सातत्याने आग्रही असतात आणि त्यासंदर्भात पाठपुरावाही करतात. त्यांच्या याच कार्यपद्धतीची दखल आयएसओ प्रमाणपत्राद्वारे सलग दुसऱ्यांदा घेण्यात आली आहे.

            या कार्यक्रमास गृहनिर्माण मंत्री अतुल सावे, मुख्य सचिव मनोज सौनिक, मुख्यमंत्र्यांचे प्रधान सचिव व सांस्कृतिक कार्य विभागाचे सचिव विकास खारगे यांच्यासह विविध मान्यवर उपस्थित होते.

            आयएसओ प्रमाणपत्र मिळाल्यानंतर मंत्री श्री. मुनगंटीवार यांनी आपल्या कार्यालयातील सर्व सहकाऱ्यांचे अभिनंदन करुन कौतुक केले.

००००

आदिवासी पारंपरिक नृत्य आणि वाद्यांच्या गजरात

 आदिवासी पारंपरिक नृत्य आणि वाद्यांच्या गजरात

विधानभवनात साजरा झाला जागतिक आदिवासी दिन

 

            मुंबई, दि. 9  : जागतिक आदिवासी दिनानिमित्त आदिवासी पारंपरिक नृत्य आणि वाद्यांच्या गजराने विधानभवनाचा परिसर दुमदुमून गेला. दिंडोरी, पेठ, सुरगाणा या तालुक्यांतून आलेल्या आदिवासी बांधवांसमवेत विधानसभेचे उपाध्यक्ष नरहरी झिरवाळ यांनी पारंपरिक नृत्यांवर ठेका धरला आणि गायनात सहभागी होऊन आनंदोत्सव साजरा केला.

            यावेळी विधानसभा अध्यक्ष ॲड. राहुल नार्वेकर, विधानपरिषदेच्या उपसभापती डॉ. नीलम गोऱ्हे, मृद व जलसंधारण मंत्री संजय राठोड, माजी आमदार राजू तोडसाम यांनी सर्व आदिवासी बांधवांना जागतिक आदिवासी दिनाच्या शुभेच्छा दिल्या. यावेळी स्वातंत्र्यसेनानी बिरसा मुंडा, क्रांतिवीर राघोजी भांगरे आणि क्रांतिवीर देवाजी राऊत यांच्या प्रतिमेस सर्वांनी पुष्पहार व गुलाबपुष्प अर्पण करून वंदन केले.

            उपाध्यक्ष श्री. झिरवाळ यांनी सर्व मान्यवरांचे तसेच अधिकारी वर्गाचे पारंपरिक आदिवासी पध्दतीने तसेच क्रांतिवीरांच्या मूर्ती भेट देऊन स्वागत केले. याप्रसंगी महाराष्ट्र विधानमंडळाचे सचिव-१ (कार्यभार) जितेंद्र भोळे, सचिव-२ (कार्यभार) डॉ. विलास आठवले यांच्यासह महाराष्ट्र विधानमंडळातील अधिकारी व कर्मचारी मोठ्या संख्येने उपस्थित होते.

००००