आयआयएचटी बरगढ / वेंकटगिरी येथे प्रथम सत्राकरिता प्रवेश सूचना

 आयआयएचटी बरगढ / वेंकटगिरी येथे प्रथम सत्राकरिता प्रवेश सूचना

 

मुंबई, दि. 14 : केंद्र शासनाच्या भारतीय तंत्रविज्ञान संस्थेतील २०२६-२७ या शैक्षणिक सत्राकरिता तीन वर्षीय (सहा सत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम सत्राकरिता महाराष्ट्र राज्यातून बरगढ (ओडीशा) करीता १३+१ (या व्यतीरीक्त वेंकटगिरी करिता २ जागा कॉन्सुलिंगच्या घेणेबाबत नमूद आहे.) च्या प्रवेशासाठी पात्र उमेदवारांची निवड करण्याकरीता प्रादेशिक उपआयुक्त वस्त्रोद्योग, नागपूर /सोलापूर/मुंबई/छत्रपती संभाजीनगर यांचे मार्फत विहीत नमुन्यात प्रवेश अर्ज १० जून २०२६ पर्यंत कार्यालयीन वेळेत मागविण्यांत येत आहेत.

 

त्याअनुषंगाने इच्छुक उमेदवारांनी परिपूर्ण अर्ज दि. १०/०६/२०२६ पर्यंत संबंधीत प्रादेशिक उपआयुक्त वस्त्रोद्योग आयुक्तालयाकडे सादर करावे. प्रवेश अर्जाचा नमुना व इतर अनुषंगिक माहिती वस्त्रोद्योग आयुक्तालयाचे http.www.dirtexmah.gov.in या वेबसाईटवर उपलब्ध आहे. तसेच अर्जाचा नमुना सर्व प्रादेशिक उपआयुक्त वस्त्रोद्योग यांचे कार्यालयात देखील उपलब्ध आहे. असे वस्त्रोद्योग आयुक्त संजय दैने यांनी कळविले आहे.

0000