नागरिकांना महसूल विषयक सेवा जलद, पारदर्शक व सुलभ पद्धतीने उपलब्ध

 मुख्यमंत्री देवेंद्र फडणवीस, महसूल मंत्री चंद्रशेखर बावनकुळे यांच्या मार्गदर्शनात महाराष्ट्रामध्ये "छत्रपती शिवाजी महाराज महाराजस्व समाधान शिबीर अभियान" राबविण्यात येत आहे. या अभियानाचा मुख्य उद्देश नागरिकांना महसूल विषयक सेवा जलद, पारदर्शक व सुलभ पद्धतीने उपलब्ध करून देणे हा आहे. या अभियानांतर्गत मुंबई उपनगर जिल्ह्यातील सर्व तहसील कार्यालयांमार्फत विशेष मोहिम राबविण्यात येत असून प्रलंबित महसूल प्रकरणांचा तातडीने निपटारा करण्यात येत आहे. तसेच नागरिकांच्या महसूल विषयक अडचणींचे निराकरण करण्यासाठी संबंधित अधिकारी व कर्मचारी गावपातळीवर तसेच कार्यालयीन स्तरावर विशेष प्रयत्न करत आहेत.