महाराष्ट्र राज्य तंत्र शिक्षण मंडळ आणि मुंबई विद्यापीठ यांच्यात
जर्मन व जपानी भाषा प्रशिक्षणासाठी सामंजस्य करार
मुंबई, दि.5 : अभियांत्रिकी पदविका अभ्यासक्रमात शिक्षण घेणाऱ्या विद्यार्थ्यांना परदेशातील रोजगाराच्या संधी उपलब्ध करून देण्यासाठी तसेच जर्मनी व जपान येथील भाषाचे ज्ञान मिळावे या उद्देशाने महाराष्ट्र राज्य तंत्र शिक्षण मंडळ आणि मुंबई विद्यापीठ यांच्यात जर्मन व जपानी भाषा प्रशिक्षणासंदर्भात सामंजस्य करार करण्यात आला.
उच्च व तंत्र शिक्षण मंत्री चंद्रकांतदादा पाटील यांच्या उपस्थितीत सामंजस्य करार करण्यात आला. मुंबई विद्यापीठाचे कुलसचिव डॉ. प्रसाद कारंडे आणि महाराष्ट्र राज्य तंत्र शिक्षण मंडळाचे संचालक डॉ. प्रमोद नाईक यांनी सामंजस्य करारावर स्वाक्षऱ्या केल्या. यावेळी विभागाचे अपर मुख्य सचिव वेणूगोपोल रेड्डी, तंत्रशिक्षण विभागाचे संचालक डॉ. विनोद मोहितकर तसेच संबंधित विद्यापीठांचे कुलगुरू सचिव डॉ. मारुती जाधव, डॉ. भामरे उपस्थित होते.
उच्च व तंत्र शिक्षण मंत्री पाटील यांच्या पुढाकाराने हा सामंजस्य करार करण्यात आला आहे. या उपक्रमाच्या माध्यमातून अभियांत्रिकी पदविका अभ्यासक्रमातील विद्यार्थ्यांना जर्मन आणि जपानी भाषांचे प्रशिक्षण देऊन त्यांना परदेशातील रोजगाराच्या संधी उपलब्ध करून देण्याचा प्रयत्न केला जाणार आहे.
No comments:
Post a Comment