उच्च व तंत्र शिक्षण मंत्री पाटील यांच्या पुढाकाराने हा सामंजस्य करार करण्यात आला आहे. या उपक्रमाच्या माध्यमातून अभियांत्रिकी पदविका अभ्यासक्रमातील विद्यार्थ्यांना जर्मन आणि जपानी भाषांचे प्रशिक्षण देऊन त्यांना परदेशातील रोजगाराच्या संधी उपलब्ध करून देण्याचा प्रयत्न केला जाणार आहे.
मंत्री पाटील म्हणाले, या करारानुसार महाराष्ट्र राज्य तंत्र शिक्षण मंडळाशी संलग्न तसेच स्वायत्त संस्थांमधील विद्यार्थ्यांना मुंबई विद्यापीठामार्फत जर्मन व जपानी भाषांचे प्रशिक्षण दिले जाणार आहे. हे प्रशिक्षण प्रत्यक्ष तसेच ऑनलाईन या दोन्ही माध्यमांतून आयोजित केले जाणार असून संबंधित भाषांची परीक्षा घेणे आणि श्रेयांक प्रदान करण्याची प्रक्रिया मुंबई विद्यापीठामार्फत राबविण्यात येणार आहे.
No comments:
Post a Comment