प्राचीन बौद्ध धर्माशी संबंधित सांस्कृतिक आणि ऐतिहासिक नाते

 पर्यटन विभागाचे प्रधान सचिव डॉ. अतुल पाटणे म्हणाले, भारत आणि कोरिया यांच्यात प्राचीन बौद्ध धर्माशी संबंधित सांस्कृतिक आणि ऐतिहासिक नाते आहे. आगामी काळात भारत आणि दक्षिण कोरिया यांच्यातील सांस्कृतिक, पर्यटन आणि व्यावसायिक सहकार्य अधिक दृढ करण्याचा संकल्प करण्यात आला आहे. दोन्ही देश एकत्र येऊन बौद्ध सर्किटच्या पर्यटनाला प्रोत्साहन देतील. महाराष्ट्रातील अजिंठा-वेरूळ, कार्ला-भाजा लेणी तसेच ग्लोबल विपश्यना पॅगोडा आणि कोरियातील जोसा, गिलसंगसा, बोंगयुन्सा ही मंदिरे एकत्र जोडली जातील. संगीत, नृत्य, खाद्यसंस्कृती, हस्तकलेच्या माध्यमातून सांस्कृतिक देवाणघेवाण वाढवली जाईल. विद्यार्थ्यांसाठी व कलाकारांसाठी विनिमय कार्यक्रम सुरू करून दोन्ही देशांच्या तरुणाईला आणि संस्थांना जोडले जाईल. कोरियन कंपन्यांना मुंबई व महाराष्ट्र येथे परिषद व प्रदर्शने आयोजित करण्यासाठी प्रोत्साहन दिले जाईल. तसेच पर्यटन क्षेत्रातील डेटा शेअरिंगद्वारे दोन्ही देशांतील पर्यटकांच्या गरजा अधिक चांगल्या प्रकारे समजून घेण्याचा प्रयत्न केला जाईल.”