Monday, 24 March 2025

सातारा जिल्ह्यातील धोम धरण डावा कालव्याच्या अस्तरीकरणासाठी अधिक निधी देण्याबाबत शासन प्रयत्नशील

 सातारा जिल्ह्यातील धोम धरण डावा कालव्याच्या अस्तरीकरणासाठी

अधिक निधी देण्याबाबत शासन प्रयत्नशील

-जलसंपदा मंत्री राधाकृष्ण विखे पाटील

मुंबईदि. 18 : सातारा जिल्ह्यातील धोम धरणाच्या दोन्ही कालव्यांची वहन क्षमता कमी झाली असून महाराष्ट्र सिंचन सुधारणा कार्यक्रमांतर्गत या कालव्यांचे नूतनीकरण हाती घेण्यात आले आहे. या कामासाठी एकूण 500 कोटी रुपयांची आवश्यकता असून सध्या 50 कोटींची तरतूद करण्यात आली आहे. राज्यातील धरण आणि कालव्यांच्या कामांसाठी नाबार्डच्या माध्यमातून 15 हजार कोटी रुपये उपलब्ध करण्यात येत आहेत. नाबार्ड कडे सुधारित प्रस्ताव सादर करून अधिक निधी उपलब्ध होण्यासाठी शासन प्रयत्नशील असल्याचे जलसंपदा गोदावरी व कृष्णा खोरे विकास महामंडळ मंत्री राधाकृष्ण विखे-पाटील यांनी विधान परिषदेत सांगितले. हा निधी उपलब्ध झाल्यास धोम धरण कालव्याच्या अस्तरीकरणासाठी प्राधान्याने निधी उपलब्ध करून दिला जाईलअसेही त्यांनी यावेळी सांगितले.

सदस्य शशिकांत शिंदे यांनी धोम धरण डावा कालव्याच्या अस्तरीकरणाच्या कामाबाबत प्रश्न उपस्थित केला होता. या अनुषंगाने झालेल्या चर्चेत सदस्य सर्वश्री एकनाथ खडसेअरुण लाड यांनी चर्चत सहभाग घेतला.

मंत्री राधाकृष्ण विखे-पाटील म्हणालेधरणांच्या यांत्रिकी विभागाकडील यंत्रणा जुनी झाली असल्याने ती यंत्रणा कार्यक्षम करण्याच्या सूचना देण्यात आल्या आहेत. सध्या महामंडळाची कार्यवाही शासनाच्या निधीवर सुरू आहे. त्याचे स्वरुप बदलण्याचा शासनाचा प्रयत्न असून निधीची स्वतंत्र उपलब्धता निर्माण करून धरणांची तसेच कालव्यांची देखभाल दुरुस्ती करता येईल या अनुषंगाने महामंडळाचे सक्षमीकरण करण्याची शासनाची भूमिका असल्याचे त्यांनी यावेळी स्पष्ट 

No comments:

Post a Comment

Featured post

Lakshvedhi