विधानसभा तालिका अध्यक्षांची नियुक्ती
मुंबई, दि. 27 : विधिमंडळाच्या अर्थसंकल्पीय अधिवेशनासाठी विधानसभा अध्यक्ष ॲड. राहुल नार्वेकर यांनी विधानसभेच्या तालिका अध्यक्षांची घोषणा केली.
सर्वश्री सदस्य योगेश सागर, संजय शिरसाट, सुनिल भुसारा,सुभाष धोटे यांची तालिका अध्यक्ष म्हणून नियुक्ती करण्यात आली.
मराठीला अभिजात भाषेचा दर्जा देण्यासंदर्भातराज्याचे शिष्टमंडळ प्रधानमंत्र्यांना भेटणार
मुख्यमंत्री एकनाथ शिंदे यांची विधानसभेत ग्वाही
मुंबई, दि. 27 : मराठी भाषेला अभिजात भाषेचा दर्जा देण्यासंदर्भात राज्याचे शिष्टमंडळ प्रधानमंत्री नरेंद्र मोदी यांची भेट घेऊन त्यांना त्याबाबत विनंती करेल, अशी ग्वाही मुख्यमंत्री एकनाथ शिंदे यांनी आज विधानसभेत दिली.
सदस्य छगन भुजबळ यांनी मराठी राजभाषा गौरव दिनानिमित्त मराठीला अभिजात भाषेचा दर्जा देण्यासंदर्भात मुद्दा उपस्थित केला होता. त्यावर निवेदन करताना मुख्यमंत्री श्री. शिंदे म्हणाले की, सभागृहातील सर्व सदस्यांच्या भावना लक्षात घेऊन लवकरच मुख्यमंत्री, उपमुख्यमंत्री आणि राज्यातील शिष्टमंडळासह प्रधानमंत्र्यांची भेट घेण्यात येईल आणि त्यांना मराठी भाषेला अभिजात भाषेचा दर्जा देण्याबाबत कार्यवाही लवकरात लवकर करावी अशी विनंती करण्यात येईल.
००००
👆श्री. अक्कलकोट स्वामी समर्थ, दादर मठ नूतनीकरण करण्यात आल्यानंतर असा आहे, नम्र विनंती एकदा येऊन जरूर दर्शन घ्यावे 💐🌹🌸🙏
