श्री क्षेत्र चोंडी विकास आराखडा परिपूर्ण असावा
- महाराष्ट्र विधानपरिषदेचे सभापती प्रा.राम शिंदे
· पर्यावरणस्नेही पर्यटनच्या दृष्टीने देखील विचार व्हावा
मुंबई, दि. ५ :श्री क्षेत्र चोंडी विकास आराखडा हा सर्व दृष्टीने परिपूर्ण असावा. त्याचप्रमाणे पर्यावरणस्नेही पर्यटन (इको टूरिझम) यादृष्टीने देखील त्यामध्ये सुधारणा आणि विस्तार करण्यात यावा. पुण्यश्लोक अहिल्यादेवी होळकर यांचे हे जन्मस्थान असल्याने एकावेळी किमान 50 ते 70 हजार भाविकांची यात्रेनिमित्त सोय होऊ शकेल यादृष्टीने नियोजन असावे, अशा सूचना महाराष्ट्र विधानपरिषदेचे सभापती प्रा.राम शिंदे यांनी दिल्या. महाराष्ट्र विधानपरिषदेचे सभापती प्रा.राम शिंदे अध्यक्षतेखाली सार्वजनिक बांधकाम विभाग आणि वनविभाग यांच्या वरिष्ठ अधिकाऱ्यांची बैठक आयोजित करण्यात आली, त्याप्रसंगी ते बोलत होते.
No comments:
Post a Comment