मालवणी परिसराच्या पुनर्विकासासाठी 'क्लस्टर मॉडेल' विकसित करा
- मुख्यमंत्री देवेंद्र फडणवीस
मालवणी परिसर पुनर्विकास प्रकल्प आढावा बैठक
नागपूर, दि. 13 : मालवणी परिसरातील झोपडपट्ट्यांचा पुनर्विकास करताना ' क्लस्टर मॉडेल ' विकसित करावे, असे निर्देश मुख्यमंत्री देवेंद्र फडणवीस यांनी देत या परिसरातील अंबुजवाडी, दादासाहेब गायकवाड नगर व राजीव गांधी नगर येथील झोपड्यांचे सर्वेक्षण पूर्ण करण्याच्या सूचनाही त्यांनी दिल्या.
बैठकीस गृहनिर्माण राज्यमंत्री डॉ. पंकज भोयर, आमदार असलम शेख उपस्थित होते.
मुख्यमंत्री फडणवीस म्हणाले, मालवणी परिसरातील झोपड्यांचे राहिलेले सर्वेक्षण पूर्ण करावे. म्हाडा व झोपडपट्टी पुनर्विकास प्राधिकरण यांच्याकडे असलेल्या क्षेत्रानुसार त्यांनी सर्वे करावा. मालवणी परिसरातील संपूर्ण झोपड्यांचा सर्वे झाल्यानंतर यंत्रणांनी एकत्रितरित्या अहवाल द्यावा. कायदेशीर अडचणी असलेल्या क्षेत्राविषयी स्वतंत्रपणे कार्यवाही करावी. ज्या ठिकाणी विकासाची कामे असतील, ती क्षेत्रे पुनर्विकासासाठी प्राधान्याने घ्यावीत.
No comments:
Post a Comment