सिंहस्थ कुंभमेळ्याचे उत्कृष्ट व प्रभावी नियोजन करून नाशिकचा देशभरात लौकिक व्हावा

 सिंहस्थ कुंभमेळ्याचे उत्कृष्ट व प्रभावी नियोजन करून

नाशिकचा देशभरात लौकिक व्हावा

-         कुंभमेळा मंत्री तथा मंत्री समिती प्रमुख गिरीश महाजन

 

मुंबई, दि.२८ : सिंहस्थ कुंभमेळानिमित्त विविध विभागाच्यावतीने राबविण्यात येणाऱ्या विकास प्रकल्पांचा आढावा कुंभमेळा मंत्री तथा नाशिक त्रंबकेश्वर कुंभमेळा मंत्री समिती प्रमुख गिरीश महाजन यांच्या अध्यक्षतेखाली मंत्रालयामध्ये सिंहस्थ कुंभमेळा २०२७ मंत्री समितीच्या बैठकीत घेण्यात आला. नाशिक त्र्यंबकेश्वर सिंहस्थ कुंभमेळ्याचे उत्कृष्ट व प्रभावी नियोजन करून नाशिकचा देशभरात लौकिक होईल असे नियोजन करावे, असे आवाहन श्री. महाजन यांनी यावेळी केले.

यावेळी अन्न नागरी पुरवठा व ग्राहक संरक्षण मंत्री छगन भुजबळ, शालेय शिक्षण मंत्री दादाजी भुसे, उद्योग मंत्री उदय सामंत, पर्यावरण व पशुसंवर्धन मंत्री पंकजा मुंडे, पणन व राजशिष्टाचार मंत्री जयकुमार रावल, सार्वजनिक बांधकाम मंत्री शिवेंद्रसिंह भोसले, क्रीडा व युवक कल्याण मंत्री ॲड. माणिकराव कोकाटे, परिवहन मंत्री प्रताप सरनाईक, सार्वजनिक बांधकाम विभागाच्या अपर मुख्य सचिव मनीषा म्हैसकर, ग्रामविकास विभागाचे प्रधान सचिव एकनाथ डवले, नाशिकचे विभागीय आयुक्त प्रवीण गेडाम, जिल्हाधिकारी आयुष प्रसाद, कुंभमेळा आयुक्त तथा सदस्य सचिव शेखर सिंग, महापालिका आयुक्त मनीषा खत्री, नाशिक महानगर विकास प्राधिकरणाचे जलेज शर्मा, पोलीस विशेष महानिरीक्षक नाशिक परिक्षेत्र दत्तात्रय कराळे, पोलीस आयुक्त संदीप कर्णिक, पोलीस अधीक्षक बाळासाहेब पाटील यांच्यासह विविध विभागांचे वरिष्ठ अधिकारी उपस्थित होते.