राज्यपालांच्या उपस्थितीत कारगिल विजय दिवस रजत जयंती समारोह साजरा

 राज्यपालांच्या उपस्थितीत कारगिल विजय दिवस रजत जयंती समारोह साजरा

          मुंबई, ‍‍दि. 26 : कारगिल विजय दिवसाच्या रौप्य जयंती दिनानिमित्त राज्यपाल रमेश बैस यांनी आज कुलाबा येथील शहीद स्मारक येथे पुष्पचक्र अर्पण करून हुतात्म्यांना श्रद्धांजली वाहिली. यावेळी शोक शस्त्र धून वाजविण्यात आली व हुतात्म्यांना सलामी देण्यात आली .

          कार्यक्रमाला महाराष्ट्र, गुजरात व गोवा विभागाचे जनरल ऑफिसर कमांडिंग ले. जन. पवन चड्ढा, पश्चिम  मुख्यालयाचे मुख्य ध्वज अधिकारी व्हाईस ऍडमिरल संजय जे. सिंह, मे. जन बिक्रम दीपसिंह, माजी जीओसी ले. जन. एच. एस. केहालों तसेच सैन्य दलातील आजी व माजी वरिष्ठ अधिकारी उपस्थित होते.

          राज्यपालांच्या हस्ते यावेळी देशासाठी लढताना युद्धभूमीवर हौतात्म्य प्राप्त झालेल्या जवानांच्या कुटुंबातील ११ वीर नारींचा सत्कार करण्यात आला. भारतीय सैन्याने कारगिल युद्धात आपल्या अतुलनीय शौर्याचा परिचय देत देशाच्या इतिहासात आपले नाव सुवर्णाक्षरांनी लिहिले, असे राज्यपालांनी यावेळी संबोधित करताना सांगितले.

          कारगिल येथील विजयाची परंपरा पुढेही कायम ठेवण्यासाठी युवकांनी सैन्य दलात प्रवेश घ्यावा व देशसेवा करावी असे आवाहन राज्यपाल श्री. बैस यांनी केले. युद्धात हौतात्म्य प्राप्त झालेल्या जवान व अधिकाऱ्यांच्या कुटुंबांची काळजी घेणे नागरिकांचे कर्तव्य आहे, असे सांगून कुटुंबीयांच्या पुनर्वसनासाठी सर्वांनी सशस्त्र सेना ध्वज निधीला योगदान द्यावे, असे आवाहन राज्यपालांनी केले.  या कार्यक्रमानंतर राज्यपालांनी कारगिल विजय दिवस मोटरसायकल रॅलीला झेंडा दाखवून रवाना केले. या रॅलीत आसाम रेजिमेंटचे जवान सहभागी होत असून ते  ४ ऑगस्ट रोजी कारगिल येथे जाऊन १५ ऑगस्ट रोजी पुणे येथे परतणार असल्याचे यावेळी सांगण्यात आले. 

0000

Maharashtra Governor pays tributes to Martyrs on Silver Jubilee of Kargil Vijay Diwas; honours Veer Naris

      Maharashtra Governor Ramesh Bais placed a wreath at the Colaba War Memorial and offered his homage to the martyrs on the occasion of the Silver Jubilee of the Kargil Vijay Diwas in Mumbai on Fri (26 July).

      At a programme organised by the General Officer Commanding, Maharashtra, Gujarat and Goa Area, the Governor felicitated 11 Veer Naris and addressed the officers of the armed forces.

      Complimenting the officers and jawans of the Armed Forces for the victory at the Kargil War, the Governor appealed to the youths to join the armed forces and maintain the winning streak.  The Governor later flagged off the Kargil Vijay Diwas Motorcycle Expedition involving the jawans of 15 Battalion of the Assam Regiment. The Rally will reach Kargil on 4th August and reach at Pune on 15th August.

            GOC in Chief Lt Gen Pawan Chadha, FOC in C Western Naval Command Vice Admiral Sanjay J Singh,  Maj Gen Bikram Deep Singh, former GOC Lt Gen H S Kehlon and other serving and retired officers of the armed forces were present.

0000