संत भोजलिंग काका सुतार समाज आर्थिक विकास महामंडळ स्थापनेचेसुतार समाजाच्या विकासासाठी शासन कटीबद्ध

 संत भोजलिंग काका सुतार समाज आर्थिक विकास महामंडळ स्थापनेचे

मुख्यमंत्र्यांचे आश्वासन

सुतार समाजाच्या विकासासाठी शासन कटीबद्ध

-मुख्यमंत्री एकनाथ शिंदे

            मुंबई, दि.15 : राज्यातील सुतार समाजाच्या सर्वांगीण विकासासाठी संत भोजलिंग काका सुतार समाज आर्थिक विकास महामंडळाची स्थापना करण्याचे आश्वासन मुख्यमंत्री एकनाथ शिंदे यांनी समाजाच्या प्रतिनिधींना दिले. शासन सुतार समाजाच्या सर्वांगीण विकासासाठी कटीबध्द असल्याची ग्वाही देखील मुख्यमंत्री श्री. शिंदे यांनी यावेळी दिली.

            श्री क्षेत्र आळंदी येथे 24 डिसेंबर 2023 रोजी झालेल्या सुतार समाज महामेळाव्यात मुख्यमंत्री श्री.शिंदे यांनी संत भोजलिग काका सुतार समाज आर्थिक विकास महामंडळ स्थापनेची मागणी सुतार समाजाने केली होती, समाजाच्या मागणीनंतर मुख्यमंत्र्यांनी त्याबद्दल सकारात्मकता  दर्शवली आहे. 

            याबद्दल मुख्यमंत्री श्री. शिंदे म्हणाले की, राज्यातील सुतार समाज हा ग्रामीण भागातील बारा बलुतेदारांपैकी एक प्रमुख उद्यमशील समाज आहे. राज्याच्या आर्थिक, सामाजिक विकासात सुतार समाजाने सातत्याने योगदान दिले आहे. राज्यातील प्रत्येक समाज घटकाच्या विकास हे राज्य शासनाचे उद्दिष्ट आहे.  या भूमिकेतून आणि भावनेतूनच सुतार समाजासाठी स्वतंत्र महामंडळ निर्मितीचे आश्वासन मुख्यमंत्र्यांनी दिले.

            येत्या काळात महामंडळाच्या माध्यमातून सुतार समाजातील विद्यार्थी, महिलांसाठी आणि तरुण उद्योजकांकरिता विविध योजना राबविता येतील. त्यामुळे समाजाच्या मागणीचा सकारात्मक विचार केला आहे. यातून सुतार समाजासाठी विकासाची दिशा मिळू शकेल, असा विश्वास मुख्यमंत्र्यांनी व्यक्त केला.

0000