कांदिवली पूर्व विधानसभेत लोखंडवाला संकुल येथे पाच एकर जागेत उभारण्यात आलेल्या स्वर्गीय गोपीनाथ मुंडे उद्यानाचे लोकार्पण रविवार, 11 डिसेंबर रोजी सायंकाळी 5 वाजता करण्यात येणार आहे.
कांदिवली पूर्वचे आमदार अतुल भातखळकर त्यांच्या प्रयत्नातून हे उद्यान साकारण्यात आले आहे. पर्यटन मंत्री तथा उपनगरचे पालकमंत्री मंगलप्रभात लोढा, खासदार गोपाळ शेट्टी, आमदार अतुल भातखळकर यांच्या प्रमुख उपस्थितीत लोकार्पण सोहळा संपन्न होणार आहे. या उद्यानात स्केटिंग ट्रॅक, नाना-नानी पार्क, मुलांसाठी मनोरंजन उद्यान, योगा सेंटर या प्रमुख तसेच इतर सेवा सुविधा पुरविण्यात आल्या आहेत. तरी या लोकार्पण सोहळ्यास उपस्थित राहावे असे आवाहन आमदार अतुल भातखळकर यांनी केले आहे.
No comments:
Post a Comment