रूग्णालयातील अध्यापकांना ‘एम्स’च्या धर्तीवर भत्ता देण्याबाबत विचार

- वैद्यकीय शिक्षण मंत्री अमित देशमुख

            मुंबई, दि. 11 : राज्यातील सर्व शासकीय वैद्यकीय महाविद्यालय व रूग्णालयातील अध्यापकांना अखिल भारतीय आयुर्विज्ञान संस्थेतील अध्यापकांप्रमाणे वैद्यकीय भत्ता व पदव्युत्तर भत्ता देण्याबाबतचा प्रस्ताव अंतिम टप्प्यात असून हा प्रस्ताव मंत्रिमंडळासमोर ठेवण्यात येईल, अशी माहिती वैद्यकीय शिक्षण मंत्री अमित देशमुख यांनी विधान परिषदेत प्रश्नोत्तराच्या तासात दिली.

            यासंदर्भातील प्रश्न विधान परिषद सदस्य विजय उर्फ भाऊ गिरकर यांनी उपस्थित केला होता.

000