एम्स मधील नॅट केंद्राचा मुख्यमंत्री फडणवीस यांच्या हस्ते शुभारंभ

 एम्स मधील नॅट केंद्राचा मुख्यमंत्री फडणवीस यांच्या हस्ते शुभारंभ

 

नागपूर, दि. ६ : अखिल भारतीय आयुर्विज्ञान संस्था (एम्स) नागपूर येथील न्युक्लिक ॲसिड टेस्टिंग (एनएटी) सेंटरचा शुभारंभ मुख्यमंत्री देवेंद्र फडणवीस यांच्या हस्ते झाला. अशा प्रकारची सुविधा असणारी एम्स ही मध्य भारतातील पहिलीच सरकारी आरोग्य संस्था आहे. याचवेळी गॅमा ब्लड इरॅडिएटर या उपकरणाचेही उद्घाटन मुख्यमंत्री देवेंद्र फडणवीस यांच्या हस्ते झाले. एम्सच्या रक्त संक्रमण विभागातर्फे या कार्यक्रमाचे आयोजन करण्यात आले होते.

 

               एनएटी ही रक्त, लाळ किंवा इतर नमुन्यातून रोगजंतू त्वरेने शोधणारी चाचणी आहे. या चाचणी द्वारे एचआयव्ही, हेपेटायटिस बी, हेपेटायटिस सी या सारख्या गंभीर आजारांचे निदान प्राथमिक अवस्थेतच होऊन संबंधित रुग्णावर तातडीने उपचार सुरू होऊ शकतात. अचूक निदान हे या चाचणीचे आणखी एक वैशिष्ट्य आहे. हे उपकरण रक्तपेढ्यांमध्ये लावल्यास गरजू रुग्णांना दूषित रक्त देण्याचा धोका जवळपास संपतो. गॅमा ब्लड इरॅडिएटरद्वारे अतिशय शुद्ध रक्त गरजू रुग्णांना मिळू शकते. रक्त संक्रमणातून होणारे आजार या उपकरणामुळे रोखले जातात.

 

              मुख्यमंत्री फडणवीस यांनी या दोन्ही उपकरणांची प्रशंसा करतानाच समाजातील गरजूंना त्याचा अधिकाधिक लाभ मिळावा, अशी अपेक्षा यावेळी व्यक्त केली. प्रारंभी एम्सचे कार्यकारी संचालक डॉ. प्रशांत जोशी यांनी मुख्यमंत्र्यांचे यावेळी स्वागत केले. अधिष्ठाता डॉ. मृणाल पाठक, महाराष्ट्र मेडिकल कौन्सिलचे प्रशासक डॉ. विंकी रुघवाणी, एम्स मधील रक्त संक्रमण विभाग प्रमुख डॉ. सौम्या दास, डॉ. पराग फुलझेले, डॉ. रौनक दुबे यांच्यासह अन्य मान्यवर यावेळी उपस्थित 

मुख्यमंत्री देवेंद्र फडणवीस यांनी ऐकली जनतेची गाऱ्हाणी

 मुख्यमंत्री देवेंद्र फडणवीस यांनी ऐकली जनतेची गाऱ्हाणी

 

नागपूर, दि. 6 : रामगिरी येथे मुख्यमंत्री देवेंद्र फडणवीस यांनी नागरिकांना भेटून त्यांचे निवेदन स्वीकारून त्यांची गाऱ्हाणी ऐकली तसेच त्यांच्या अडचणी सोडविण्यासंदर्भात आश्वस्त केले.

 

रामगिरी येथे मुख्यमंत्र्यांना भेटण्यासाठी मोठ्या प्रमाणात नागरिक उपस्थित होते. यामध्ये महिला, दिव्यांग, जेष्ठ नागरिक यांचा समावेश होता. मुख्यमंत्री देवेंद्र फडणवीस यांनी प्रत्येक नागरिकांला भेटून त्यांची निवेदन स्वीकारली. यावेळी नागरिकांनी त्यांच्या वैयक्तिक अडचणी तसेच आरोग्यासंदर्भात येणाऱ्या अडचणी, विविध शासकीय व निमशासकीय कार्यालयांकडे असलेले प्रलंबित प्रश्न, मुख्यमंत्री वैद्यकीय सहाय्यता निधी कक्ष, अनुकंपा नोकरी आदी प्रश्नाबाबत निवेदन सादर केली. प्रत्येक नागरिकाला त्यांच्या तक्रारीसंदर्भात मुख्यमंत्री फडणवीस यांनी समाधान केले. 

 

राज्यात निर्माण झालेल्या अतिवृष्टी व पूरामुळे बाधित शेतकऱ्यांना सहाय्य व्हावे यासाठी मुख्यमंत्री सहायता निधीसाठी मुख्यमंत्र्यांना नागरिकांनी यावेळी धनादेश दिला. निवेदन सादर करणाऱ्यांमध्ये विविध संस्था व लोकप्रतिनिधींचा समावेश होता. 

जेईई व नीटसाठी निवड झालेल्या उमेदवारांनी प्रशिक्षण केंद्र निवडावेhttps://cpetp.barti.in/

 जेईई व नीटसाठी निवड झालेल्या उमेदवारांनी प्रशिक्षण केंद्र निवडावे

-         व्यवस्थापकीय संचालक सुनील वारे

 

मुंबई, दि. ६ : मांतग व तत्सम जातींच्या विद्यार्थ्यांना वैद्यकीय व अभियांत्रिकी क्षेत्रात करिअर करण्यासाठी अण्णाभाऊ साठे संशोधन व प्रशिक्षण (आर्टी) संस्था मार्फत राज्यातील पुणे, मुंबई, नाशिक छत्रपती संभाजीनगर, लातूर, अमरावती व नागपूर या ठिकाणी जेईई (JEE) व नीट (NEET) परीक्षेचे पूर्व प्रशिक्षण देण्यात येत आहे. त्यासाठी निवड झालेल्या उमेदवारांनी प्रशिक्षण केंद्राची निवड करावी, असे आवाहन आर्टीचे व्यवस्थापकीय संचालक सुनील वारे यांनी केले आहे.

 

जेईई व नीट प्रशिक्षण देणाऱ्या विद्यार्थ्यांची तात्पुरती निवड यादी व प्रतीक्षा यादी आर्टीने प्रसिद्ध केली होती. त्यानुसार विद्यार्थ्यांची कागदपत्र पडताळणी करण्यात आली. कागदपत्र पडताळणी पुर्ण केलेल्या उमेदवारांची प्रशिक्षणासाठी अंतिम निवड करण्यात आली असून अशा विद्यार्थ्यांची यादी आर्टीच्या संकेतस्थळावर लावण्यात आली आहे. निवड झालेल्या विद्यार्थ्यांनी https://cpetp.barti.in/ या संकेतस्थळावर जाऊन १० नोव्हेंबर २०२५ पर्यंत प्रशिक्षण केंद्राची निवड करावी. जेईई व नीटसाठी निवड झालेल्या विद्यार्थ्यांना नि:शुल्क प्रशिक्षण, दरमहा ६ हजार रुपये विद्यावेतन, त्याचबरोबर पुस्तकांसाठी वर्षातून एकवेळ पाच हजार रुपये आणि प्रशिक्षण केंद्रांना त्यांचे शुल्क आर्टीच्या वतीने देण्यात येणार असल्याचे व्यवस्थापकीय संचालक सुनिल वारे यांनी सांगितले.

आचारसंहितेसंदर्भातील प्रस्तावांसाठी मुख्य सचिवांच्या अध्यक्षतेखाली समिती

 आचारसंहितेसंदर्भातील प्रस्तावांसाठी

मुख्य सचिवांच्या अध्यक्षतेखाली समिती

 

 

मुंबई, दि. 06 : स्थानिक स्वराज्य संस्थांच्या सार्वत्रिक निवडणुकांच्या कालावधीत आचारसंहितेतून सूट देण्यासाठी प्राप्त प्रस्तावांची छाननी करण्याकरिता लोकसभा व विधानसभा निवडणुकांच्या वेळी स्थापन करण्यात येणाऱ्या समितीच्या धर्तीवर मुख्य सचिवांच्या अध्यक्षतेखाली समिती स्थापन करण्यात यावी, असे निर्देश राज्य निवडणूक आयोगाने दिले आहेत.

राज्य निवडणूक आयुक्त दिनेश वाघमारे यांच्या अध्यक्षतेखाली 16 ऑक्टोबर 2025 रोजी आयोगाच्या कार्यालयात मुख्य सचिव आणि शासनातील विविध विभागांच्या वरिष्ठ अधिकाऱ्यांची बैठक झाली होती. त्यावेळी अशा स्वरुपाची समिती स्थापन करण्याची गरज व्यक्त करण्यात आली होती. त्यानुसार हे निर्देश देण्यात आले आहेत. स्थानिक स्वराज्य संस्थांच्या निवडणुकांच्या आचारसंहितेतून सूट मिळण्यासाठी येणाऱ्या प्रस्तावांची ही समिती छाननी करेल व आचारसंहितेत सूट देण्यासंदर्भात राज्य निवडणूक आयोगास शिफारस करेल. त्यामुळे शासनातील सर्व विभागांनी अशा प्रकारचे प्रस्ताव या समितीमार्फतच राज्य निवडणूक आयोगाकडे पाठविणे आवश्यक आहे.

सर्वोच्च न्यायालयाच्या आदेशानुसार 31  जानेवारी 2026 पर्यंत सर्व प्रलंबित स्थानिक स्वराज्य संस्थांच्या निवडणुकांची प्रक्रिया पूर्ण करणे आवश्यक आहे. त्यानुसार सुरुवातीला नगरपरिषदा आणि नगरपंचायतींच्या निवडणुका जाहीर करण्यात आल्या आहेत. त्यासाठी सध्या आचारसंहिता लागू झाली असली तरी ही समिती सर्व स्थानिक स्वराज्य संस्थांच्या निवडणुकांसाठी कार्यरत असेल. 

मुख्यमंत्री देवेंद्र फडणवीस यांनी ऐकली जनतेची गाऱ्हाणी

 मुख्यमंत्री देवेंद्र फडणवीस यांनी ऐकली जनतेची गाऱ्हाणी

 

नागपूर, दि. 6 : रामगिरी येथे मुख्यमंत्री देवेंद्र फडणवीस यांनी नागरिकांना भेटून त्यांचे निवेदन स्वीकारून त्यांची गाऱ्हाणी ऐकली तसेच त्यांच्या अडचणी सोडविण्यासंदर्भात आश्वस्त केले.

 

रामगिरी येथे मुख्यमंत्र्यांना भेटण्यासाठी मोठ्या प्रमाणात नागरिक उपस्थित होते. यामध्ये महिला, दिव्यांग, जेष्ठ नागरिक यांचा समावेश होता. मुख्यमंत्री देवेंद्र फडणवीस यांनी प्रत्येक नागरिकांला भेटून त्यांची निवेदन स्वीकारली. यावेळी नागरिकांनी त्यांच्या वैयक्तिक अडचणी तसेच आरोग्यासंदर्भात येणाऱ्या अडचणी, विविध शासकीय व निमशासकीय कार्यालयांकडे असलेले प्रलंबित प्रश्न, मुख्यमंत्री वैद्यकीय सहाय्यता निधी कक्ष, अनुकंपा नोकरी आदी प्रश्नाबाबत निवेदन सादर केली. प्रत्येक नागरिकाला त्यांच्या तक्रारीसंदर्भात मुख्यमंत्री फडणवीस यांनी समाधान केले. 

 

राज्यात निर्माण झालेल्या अतिवृष्टी व पूरामुळे बाधित शेतकऱ्यांना सहाय्य व्हावे यासाठी मुख्यमंत्री सहायता निधीसाठी मुख्यमंत्र्यांना नागरिकांनी यावेळी धनादेश दिला. निवेदन सादर करणाऱ्यांमध्ये विविध संस्था व लोकप्रतिनिधींचा समावेश होता. 

0000

शिक्षक पात्रता परीक्षेबाबत अधिकृत संकेतस्थळावरील सूचनांचे अवलोकन करावे -

 शिक्षक पात्रता परीक्षेबाबत अधिकृत संकेतस्थळावरील सूचनांचे अवलोकन करावे

-         महाराष्ट्र राज्य परीक्षा परिषदेच्या आयुक्त अनुराधा ओक

 

            मुंबई, दि. 6 : महाराष्ट्र राज्य परीक्षा परिषद, पुणे या कार्यालयामार्फत महाराष्ट्र शिक्षक पात्रता परीक्षा (टीईटी) 2025 परीक्षचे आयोजन रविवार, 23 नोव्हेंबर 2025 रोजी करण्यात आले आहे. याबाबत सर्व संबंधितांनी महाराष्ट्र राज्य परीक्षा परिषदेच्या www.mscepune.in व http://mahatet.in या अधिकृत संकेतस्थळावर वेळोवेळी देण्यात येणाऱ्या सूचना व माहितीचे अवलोकन करावे. परीक्षेसंबंधी कोणत्याही चुकीच्या व दिशाभूल करणाऱ्या अफवांवर विश्वास ठेवू नये, असे आवाहन महाराष्ट्र राज्य परीक्षा परिषदेच्या आयुक्त अनुराधा ओक यांनी केले आहे.

 

महाराष्ट्र शिक्षक पात्रता परीक्षा (टीईटी) 2025 च्या आयोजनाची कार्यवाही सुरू असून, परीक्षेसंबंधित कार्यवाहीबाबत वेळोवेळी महाराष्ट्र राज्य परीक्षा परिषदेच्या संकेतस्थळावर अधिकृत माहिती देण्यात येते. तथापि, परीक्षेसंबंधी यूट्यूब चॅनेल्स, सोशल मीडिया प्लॅटफॉर्मद्वारे व प्रसार माध्यमाद्वारे दिल्या जाणाऱ्या चुकीच्या व दिशाभूल करणाऱ्या बातम्या/ अफवांवर विश्वास न ठेवता महाराष्ट्र राज्य परीक्षा परिषदेच्या अधिकृत संकेतस्थळावर वेळोवेळी देण्यात येणाऱ्या सूचना व माहितीचे अवलोकन करावे. परीक्षेसंबंधी कोणत्याही चुकीच्या व दिशाभूल करणाऱ्या अफवांवर विश्वास ठेवून झालेल्या नुकसानीस उमेदवार/ विद्यार्थी सर्वस्वी जबाबदार असतील, याची गांभीर्याने नोंद घ्यावी, असेही आयुक्तांनी स्पष्ट केले आहे.

०००००

'वंदे मातरम सार्ध शताब्दी महोत्सव” दिनी 'वंदे मातरम्' सामूहिक गायनाचे आयोजन

  

'वंदे मातरम सार्ध शताब्दी महोत्सव” दिनी

'वंदे मातरम्' सामूहिक गायनाचे आयोजन

 

मुंबई,दि.6 : बंकिमचंद्र चटर्जी लिखित ऐतिहासिक वंदेमातरम गीताच्या लिखाणास 150 वर्ष पुर्ण झाल्यानिमित्त   सांस्कृतिक कार्य मंत्री  ॲड. आशिष शेलार व कौशल्य, रोजगार, उद्योजकता व नाविन्यता मंत्री  मंगल प्रभात लोढा यांच्या संकल्पनेतून ‍“वंदे मातरम् सार्ध शताब्दी महोत्सव” कार्यक्रम आयोजित करण्यात आलेला आहे. महाराणा प्रताप औद्योगिक प्रशिक्षण संस्था कुर्ला, मुंबई शहर व उपनगर येथे औद्योगिक प्रशिक्षण संस्थेच्या वतीने दिनांक 7 नोव्हेंबर 2025 रोजी सकाळी 9.45 ते 10.30 या कालावधीत “वंदे मातरम सार्ध शताब्दी महोत्सव” कार्यक्रम आयोजित केलेला आहे.

 

       या कार्यक्रमासाठी खासदार वर्षा गायकवाड, आमदार पराग  शाह  जिल्हाधिकारी, तहसीलदार व अन्य अधिकारी उपस्थित राहणार आहेत. या कार्यक्रमाची सुरुवात लघु नाटिकेच्या सादरीकरणाने होणार आहे. त्यानंतर डॉ.प्रेरणा प्रमोद क्षीरसागर, राष्ट्र सेविका समिती कोकण प्रान्त बौध्दिक प्रमुख यांचे व्याख्यान होणार आहे. यावेळी औद्योगिक प्रशिक्षण संस्थेतील 5000 हून जास्त विद्यार्थी एकाच वेळी उपस्थित राहून वंदे मातरम् गीताचे सामूहिक गायन करणार आहेत.

००००