जागतिक टपाल दिन*

 🔴

*जागतिक टपाल दिन*

१५ पैशाचं *पोस्ट कार्ड* 

खुशाली *कळवत होतं*

अर्धं लिहिलेलं कार्ड

*रडायला* लावत होतं....

एक रुपया सुट्टा घेऊन

*एसटीडीच्या लाईनमध्ये* 

उभा रहात होतो

फोन लागला की...

*मन भरुन* येत होतं.

whatsapp वर आता

२४ तास संपर्कात राहातोय.

ना कोणाला ती *ओढ* आहे....

ना कोणाला ती *हुरहुर* आहे.

काळ बदलला बदलली साधने

मी अजूनही *जिव्हाळा* शोधतच आहे.

१५ हजाराच्या मोबाईलला

*१५ पैशाची सर नाही...*

नात्याची तर नाहीच नाही,

अजून काय काय बदलेल.. 

पण

ते दिवस.. ती माया...ती आपुलकी 

*पुन्हा कधीच* मिळणार नाही....

पुन्हा कधीच *मिळणार नाही.*

👌👌👌👌👌

*जागतिक टपाल दिनाच्या                                               हार्दिक शुभेच्छा.....*

मेडिक्लेम पॉलिसी घ्यायची कधी?*

 *मेडिक्लेम पॉलिसी घ्यायची कधी?*

*वय--20 वर्षे* - - आता शिक्षण चालू आहे… !! बघु नंतर 

*25 वर्षे* -- नोकरीच्या शोधात आहे… !! बघु नंतर

*30 वर्षे* -- लग्न करायचं आहे.… !! बघु नंतर

*31 ते 35 वर्षे* -- मुल  आजारी होते.दवाखान्यात बरेच पैसे खर्च झाले,पैसे आले की लगेच करु.

*36-40 वर्ष* -- थोडं "सेटल" होऊ द्या.… !! बघु नंतर

*41-45 वर्षे* -- वेळच मिळत नाही हो.… !! बघु नंतर

*46-50 वर्षे* -- मुलगा/मुलगी दहावीला आहे.… !! बघु नंतर

*51-55 वर्ष*-- प्रकृती बरी नसते. मोतीबिंदूचे ऑपरेशन झाले… !! बघु नंतर

*56-60 वर्षे* -- मुलग्याचं/मुलीचं लग्न करायचं आहे,त्यातच बीपी,डायबेटिस सुरू झाला आहे आता मेड़िक्लेम करावाच लागेल, पण थोडं  थांबा.… !!

*62-63 वर्षे* --छातीत चेस्टपेन झाला दोन तीन दिवसात मी आपणास फोन करतो.

*63-64 वर्षे* -- डाॅक्टरांनी  एन्जोग्राफी करायला सांगितले.त्यातच एन्जोप्लास्टी झाली 3 लाख खर्च झाले. 

*65 वर्षे* -- इच्छा तर खूप होती मेड़िक्लेम करून घेण्याची, पण गुडघ्यांचा त्रास खूप वाढला होता.दोन्ही गुडघे कृत्रिम बसवावे लागले (हॉस्पिटल मध्ये ६ लाख ख़र्च झाले)

*66-70 वर्ष*-- मुलगा बाहेर गावी/परदेशी आहे.एकाएकी छातीत पेन/दुखणे वाढले डाॅक्टरांनी बायपास सर्जरी करण्यासाठी सांगितलं आहे सर्व पैसा संपुन गेला.पुढचं आयुष्य जगायचं कसं?  

अरे पैशाअभावी जीव गमवावा लागला !!

अरेच्चा !!! मेडिक्लेम पॉलिसी घ्यायची राहुनच गेले.       

यात आपण थंडी-ताप,डेंग्यू,मलेरिया,चिकनगुनीया,संसंर्गजन्य रोग,टायफाॅइड,काविळ,न्युमोनिया,डायरिया,रस्त्यावर खाल्यामुळे अन्नातुन विषबाधा,छोटे-मोठे  अपघात याचा खर्च किती?

महत्वाचे:-

आधी मेडिक्लेम घेऊन सुरक्षित व्हा.आपली बचत,गोल्ड,स्थावर मालमत्ता वाचवा.

एखाद्या मोठ्या आजारपणासाठी हॉस्पिटल मधील १० दिवसाचा स्टे,मागील २०-२५ वर्षात अत्यंत मेहनतीने कमावलेली आपली बचत साफ करू शकतो.. 

आपणास मदतीचा हात देण्यास आम्ही तयार आहोत. 

 

आरोग्यविमा घेणे काळाची गरज आहे.

*✔संपत्ती निर्मिती जेव्हढी महत्वाची,तेव्हढंच तिचं संरक्षण महत्वाचं.* 

*अत्यंत महत्वाचा मेडिक्लेमचा नियम*

मेडिक्लेम पॉलिसी गरज नसताना घेऊन ठेवा. 

कारण,जेंव्हा खरी गरज लागेल तेंव्हा वेळ निघुन गेलेली असेल.मिळणार नाही !!!

**

आधुनिक तंत्रज्ञानाचा अवलंब करून विद्यार्थ्यांमध्ये आत्मविश्वास वाढविण्यासाठी 'अटल' उपक्रम

 आधुनिक तंत्रज्ञानाचा अवलंब करून विद्यार्थ्यांमध्ये

आत्मविश्वास वाढविण्यासाठी 'अटल' उपक्रम

- उच्च व  तंत्र शिक्षण मंत्री चंद्रकांत दादा पाटील

 

मुंबई, दि. 15 : शिक्षणातील संधी आणि क्षमता ओळ्खण्याबरोबरच विद्यार्थ्यांमधील आत्मविश्वास वाढविण्यासाठी आधुनिक तंत्रज्ञानाचा अवलंब करून  'अटल' उपक्रम सुरू करण्यात आला आहे. विद्यार्थ्यांना राज्य सामाईक प्रवेश कक्षाकडून घेण्यात येणाऱ्या विविध व्यावसायिक अभ्यासक्रमांच्या प्रवेशासाठी  परीक्षांचा  सराव करता  यावा म्हणून हा उपक्रम सुरू करण्यात आला आहे. हा उपक्रम विद्यार्थ्यांमध्ये आत्मविश्वास  वाढविण्यासाठी उपयुक्त ठरेल, असे प्रतिपादन उच्च व तंत्र शिक्षण मंत्री चंद्रकांत दादा पाटील यांनी  केले.

उच्च व तंत्र शिक्षण मंत्री श्री. पाटील यांच्या हस्ते  महाराष्ट्र राज्य  सीईटी सेलकडून सुरू करण्यात आलेल्या ‘अटल’ (ATAL - Assessment, Tests And Learning) ऑनलाइन नोंदणी प्रणालीचे  उदघाटन करण्यात आले. यावेळी राज्य सामाईक परीक्षा कक्षाचे आयुक्त दिलीप सरदेसाई, सीईटी सेलचे घनश्याम केदार व संबंधित अधिकारी उपस्थित होते.

मंत्री श्री. पाटील म्हणाले, या उपक्रमाअंतर्गत मॉक टेस्ट्स आणि सायकोमेट्रिक टेस्टच्या माध्यमातून विद्यार्थ्यांना त्यांच्या क्षमतांचा शोध घेता येणार आहे. या सराव परिक्षांमुळे विद्यार्थ्यांमधील आत्मविश्वास वाढण्यास मदत होणार आहे. त्याचबरोबर त्या विषयातील शैक्षणिक संधी आणि प्रवेश परीक्षांच्या पूर्वतयारीमुळे  विद्यार्थ्यांना परीक्षेला सामोरे जाताना येणारा ताण कमी होईल. शैक्षणिक आयुष्यात पुढे जाण्यास प्रोत्साहन मिळेल. सायकोमेट्रिक टेस्टद्वारे  विद्यार्थ्यांना त्यांच्या आवडीनुसार व त्यांच्या क्षमतांनुसार योग्य शैक्षणिक आणि व्यावसायिक विषयांची निवड करण्यास मदत होईल. हा उपक्रम केवळ परीक्षा तयारीपुरता मर्यादित नसून, विद्यार्थ्यांना शैक्षणिक प्रोत्साहन देणारा आहे.असेही मंत्री श्री. पाटील यांनी यावेळी सांगितले.

माहिती :https://cetcell.mahacet.org यावर उपलब्ध आहे.

युपीएससी’ परीक्षेच्या मुलाखतीसाठी मोफत प्रशिक्षण

 युपीएससी’ परीक्षेच्या मुलाखतीसाठी मोफत प्रशिक्षण

 

मुंबई, दि. 15 : ‘युपीएससी’ तर्फे घेतल्या गेलेल्या नागरी सेवा मुख्य परीक्षा 2024 या परीक्षेचा निकाल जाहीर झाला आहे. मुख्य परीक्षा उत्तीर्ण झालेल्या व मुलाखतीसाठी पात्र ठरलेल्या राज्यातील विद्यार्थ्यांसाठी 4 फेब्रुवारी 2025 पासून राज्य प्रशासकीय व्यवसाय शिक्षण संस्था (SIAC) मुंबई येथे मुलाखत प्रशिक्षण सत्राचे आयोजन करण्यात आल्याची माहिती, राज्य प्रशासकीय व्यवसाय शिक्षण संस्थेच्या संचालक डॉ.भावना पाटोळे यांनी दिली.

            या प्रशिक्षणाचा लाभ घेण्यासाठी राज्यातील विद्यार्थ्यांनी दि. 30 जानेवारी 2025 पूर्वी siac@1915@gmail.com या ई-मेलवर अर्ज करावेत. मुलाखत प्रशिक्षण नोंदणीसाठी www.siac.org.in या संकेतस्थळावरील सूचनांचे अवलोकन करावे. अधिक माहितीसाठी दूरध्वनी क्रमांक 022-22070942 येथे संपर्क साधावा असे संचालक, राज्य प्रशासकीय व्यवसाय शिक्षण संस्था, मुंबई यांनी कळविले आहे.

0000

महाराष्ट्रातील 132 शासकीय औद्योगिक संस्थांना नवी ओळख नामकरणास मान्यता देण्याबाबतचा शासन निर्णय जाहीर

 महाराष्ट्रातील 132 शासकीय औद्योगिक संस्थांना नवी ओळख

नामकरणास मान्यता देण्याबाबतचा शासन निर्णय जाहीर

कौशल्य विकास मंत्री मंगल प्रभात लोढा यांची माहिती

 

 मुंबई, दि. 15 : महाराष्ट्रातील १३२ शासकीय औद्योगिक संस्थांचे नामकरण यशस्वीपणे करण्यात आले आहे. प्रथम १४ शासकीय औद्योगिक संस्थांचे नामकरण करण्याचा निर्णय मंत्रिमंडळाद्वारे घेण्यात आला होता. महाराष्ट्रातील फक्त २ औद्योगिक संस्था सोडल्या तर इतर औद्योगिक संस्थांना या आधी कोणत्याही प्रकारची नावे नव्हती. त्यानंतर कौशल्य विकास विभागाद्वारे महाराष्ट्रातील शासकीय औद्योगिक संस्थांसाठी नागरिकांकडून नावांबाबत सूचना मागवण्यात आल्या होत्या. त्याप्रमाणे राज्यातील १३२ आयटीआयचे नामकरण करण्याचा निर्णय आज जाहीर करण्यात आला. कौशल्य विकास मंत्री मंगल प्रभात लोढा यांनी ही माहिती दिली.

त्यानुसार अकोला, अमरावती, कोल्हापूर, गडचिरोली, गोंदिया, चंद्रपूर, छत्रपती संभाजीनगर, जळगाव, जालना, धाराशिव, धुळे, नंदुरबार, नागपूर, नांदेड, नाशिक, परभणी, बीड, बुलढाणा, भंडारा, मुंबई उपनगर, यवतमाळ, रत्नागिरी, रायगड, लातूर, वर्धा, वाशिम, सांगली, सातारा, सोलापूर आणि हिंगोली जिल्ह्यातील शासकीय औद्योगिक संस्थांना नवीन ओळख मिळाली. याबाबतचा सविस्तर निर्णय शासनाच्या संकेतस्थळावर आजच प्रसिद्ध करण्यात आला आहे.

0000

संध्या गरवारे/विसंअ/

 

वृत्त क्र. 189

 

‘

राज्य कामगार विमा सोसायटीच्या रुग्णालयांमधून दर्जेदार आरोग्य सुविधा द्याव्यात

 राज्य कामगार विमा सोसायटीच्या रुग्णालयांमधून दर्जेदार आरोग्य सुविधा द्याव्यात

- सार्वजनिक आरोग्य मंत्री प्रकाश आबिटकर

महाराष्ट्र राज्य कामगार विमा सोसायटीचा आरोग्यमंत्र्यांनी घेतला आढावा

 

मुंबई, दि. 15 : राज्य कामगार विमा सोसायटी कामगारांसाठी आपल्या १२ रुग्णालयांच्या माध्यमातून आरोग्य सुविधा देत असते.  राज्यात विमाधारक कामगारांची ४८ लाख ७० हजार ४६० कुटुंब आहेत. लाभार्थी संख्या जवळपास दोन कोटी पर्यंत आहे.  विमा सोसायटीने विमाधारक कामगारांसाठी या रुग्णालयांमधून दर्जेदार आरोग्य सुविधा उपलब्ध करून द्याव्यात, असे निर्देश सार्वजनिक आरोग्य व कुटुंब कल्याण मंत्री प्रकाश आबिटकर यांनी आज दिले.

राज्य कामगार विमा सोसायटीने मिळणाऱ्या निधीचा रुग्ण सेवेसाठी पुरेपूर उपयोग करावा.  या निधीतून आरोग्य व्यवस्था बळकट करावी.  तसेच संलग्न केलेल्या 253 रुग्णालयांमधील उपचारांची कामगारांना माहिती होण्यासाठी जनजागृती करावी. रिक्त जागा भरण्यासाठी आवश्यक कार्यवाही पूर्ण करावी,  अशा सूचनाही मंत्री श्री. आबिटकर यांनी दिल्या. 

महाराष्ट्र राज्य कामगार विमा सोसायटीचा आढावा मंत्री श्री. आबिटकर यांनी आरोग्य भवन येथे आयोजित बैठकीत घेतला. बैठकीस आरोग्य सेवा आयुक्त अमगोतू श्री रंगा नायक, राज्य कामगार विमा सोसायटीचे संचालक (वैद्यकीय) शशी कोळनुरकर,  सहसचिव श्री. लहाने, सहसंचालक तुलसीदास सोळंके उपस्थित होते.

आरोग्य मंत्री म्हणाले, राज्य कामगार विमा सोसायटीच्या शिखर समितीची बैठक तातडीने घेण्यात यावी. सोसायटीच्या नव्याने मंजूर 18 रुग्णालयांसाठी भूसंपादन पूर्ण करावे. राज्य कामगार विमा सोसायटीने मागील तीन वर्षातील कार्य अहवाल सादर करावा. सद्यस्थितीत असलेल्या कामगार रुग्णालयांची डागडुजी करून त्यांचा मेक ओव्हर करावा.  सोसायटीच्या रुग्णालयांची जागा अत्यंत वर्दळीच्या ठिकाणी आहे,  अशा ठिकाणी आरोग्य सुविधा उपलब्ध केल्यास कामगारांना महागड्या खाजगी रुग्णालयांमधून उपचार घ्यावे लागणार नाही.  दुर्धर आजाराने ग्रस्त असलेल्या कामगारांसाठी ही रुग्णालये संजीवनी आहेत. सोसायटीच्या कामकाजाचा  दरमहा आढावा घेण्यात यावा. या सोसायटीच्या रुग्णालयांमधून गतिमान वैद्यकीय सेवा उपलब्ध करून द्यावी, अशा सूचनाही मंत्री श्री. आबिटकर यांनी दिल्या.

सोसायटीचे संचालक श्री. कोळनुरकर यांनी यावेळी सादरीकरण केले. बैठकीला संबंधित अधिकारी उपस्थित होते.

धरणातील पाण्याचा पूर्ण क्षमतेने सिंचनासाठी वापर करावा

 धरणातील पाण्याचा पूर्ण क्षमतेने सिंचनासाठी वापर करावा

- जलसंपदा मंत्री गिरीश महाजन

 

मुंबई, दि. 15 :- धरणातील पाण्याचे नियोजन आणि व्यवस्थापन करावे. धरणाची साठवण क्षमता, सध्याची पाणी पातळी याचा नियमित आढावा घ्यावा. पाण्याची उपलब्धता, शेतकऱ्यांची मागणी आणि पिकांच्या प्रकारानुसार विभागणी करून धरणातील पाण्याचा सिंचनासाठी पूर्ण क्षमतेने  वापर करावा अशा सूचना जलसंपदा (विदर्भ, तापी, कोकण पाटबंधारे विकास महामंडळ), आपत्ती व्यवस्थापन मंत्री गिरीश महाजन यांनी दिल्या.

विदर्भ पाटबंधारे विकास महामंडळाच्या नियामक मंडळाची बैठक मंत्री श्री. महाजन यांच्या अध्यक्षतेखाली मंत्रालयातील त्यांच्या दालनात झाली. बैठकीस जलसंपदा विभागाचे अपर मुख्य सचिव दीपक कपूर, लाभक्षेत्र विकास सचिव संजय बेलसरे, विदर्भ पाटबंधारे विकास महामंडळ नागपूरचे संचालक रा.श्री.सोनटक्के, मुख्य अभियंता अभय पाठक  यांच्यासह वित्त व नियोजन विभागाचे आणि  विदर्भ पाटबंधारे विकास महामंडळाचे वरिष्ठ अधिकारी उपस्थित होते.

मंत्री श्री. महाजन म्हणाले,  पाटबंधारे प्रकल्पाची कामे नियोजनबध्द व गतीने पूर्ण करावीत.  सिंचन क्षेत्र वाढून शेतकऱ्यांना सिंचनाच्या पाण्यासाठी अडथळा येऊ नये असे नियोजन जलसंपदा विभागाने करणे आवश्यक आहे. मोठ्या प्रकल्पांच्या सुधारित मान्यतेचे प्रस्ताव मंत्रिमंडळासमोर आणावेत अशा सूचना त्यांनी दिल्या. त्यानुसार पूर्व विदर्भातील गोदावरी खोऱ्यातील वैनगंगा नदीवर बांधकामाधिन व केंद्र शासनाच्या प्रधानमंत्री कृषी सिंचन योजनेंतर्गत (PMKSY) अर्थ सहाय्यीत  महत्त्वाकांक्षी गोसीखुर्द राष्ट्रीय प्रकल्पास चतुर्थ सुधारित प्रशासकीय मान्यता देणे, बुलढाणा पाटबंधारे प्रकल्प मंडळ बुलढाणा अंतर्गत पाणी वापर संस्थेच्या बळकटीकरण अंतर्गत बैठका व प्रशिक्षणाकरिता सहभागृहाचे बांधकाम तसेच लघु पाटबंधारे विभाग बुलढाणा अंतर्गत कार्यालयीन इमारतीच्या दुरुस्ती व विस्तार कामाचा प्रस्ताव मंत्रिमंडळासमोर सादर करण्यासाठी नियामक मंडळाच्या बैठकीत मान्यता देण्यात आली. यासह विदर्भ पाटबंधारे विकास महामंडळाकडील अन्य १३ कामांना नियामक मंडळाच्या बैठकीत मान्यता देण्यात आली.

विदर्भ पाटबंधारे विकास महामंडळाकडील सर्वच पदांचा आकृतीबंध त्वरित तयार करण्यात  येऊन रिक्त पदांचा अनुशेष भरण्याबाबतची कार्यवाही करावी, अशा सूचना मंत्री श्री. महाजन यांनी यावेळी अधिकाऱ्यांना दिल्या.

००००