अग्निशमन सेवा सप्ताहाचे राज्यपालांच्या हस्ते उद्घाटन
राज्याला सुसज्ज, प्रशिक्षित व आधुनिक अग्निशमन दल असणे आवश्यक
मुंबई, दि. १४ : शहरांची लोकसंख्या वाढत आहे. मुंबई शहर ऊर्ध्व दिशेने वाढत आहे. उद्योगविश्व देखील झपाट्याने वाढत आहे. अशावेळी सर्व प्रकारच्या आगीवर नियंत्रण आणण्यासाठी राज्याला सुसज्ज, पुरेसे मनुष्यबळ असलेले व प्रशिक्षित असे आधुनिक अग्निशमन दल असणे आवश्यक आहे, असे प्रतिपादन राज्यपाल रमेश बैस यांनी आज येथे केले.
महाराष्ट्र अग्निशमन सेवा संचालनालयातर्फे आयोजित अग्निसेवा सप्ताह तसेच अग्निसेवा दिनाचे उद्घाटन राज्यपाल रमेश बैस यांच्या हस्ते शुक्रवारी (दि. 14) राजभवन येथे झाले, त्यावेळी ते बोलत होते.
यावेळी राज्यपालांच्या हस्ते मुंबई फायर ब्रिगेड तसेच राज्य अग्निशमन सेवेतील 13 अधिकाऱ्यांना व जवानांना 'राष्ट्रपती अग्निशमन सेवा पदके' प्रदान करण्यात आली, तसेच अग्निशमन कर्मचारी कल्याण निधी संकलन मोहिमेचा शुभारंभ करण्यात आला.
एकोणीसाव्या शतकाच्या अखेरीस मुंबई अग्निशमन दलाची स्थापना झाली, त्यावेळी शहराची लोकसंख्या केवळ 10-12 लाख होती. आज शहराची लोकसंख्या किमान पंधरा पटीने वाढली आहे. मुंबईची लोकसंख्या आज अनेक देशांपेक्षा अधिक आहे. त्यामुळे शहराला सशक्त व आंतरराष्ट्रीय दर्जाचे अग्निशमन दल असणे आवश्यक आहे, असे राज्यपालांनी सांगितले.
सोसायटी व उद्योगांचे नियमित 'फायर ऑडिट' करण्याची सूचना
मुंबईसारख्या शहरांमध्ये आगीबाबत जागरूकता निर्माण करण्यासाठी शाळांना तसेच गृहनिर्माण संस्थांना सहभागी केले पाहिजे तसेच गृहनिर्माण संस्था व उद्योग संस्थांचे नियमित 'फायर ऑडिट' केले गेले पाहिजेत असेही राज्यपालांनी सांगितले.
अग्निशमन सेवा कर्मचारी कल्याण निधीला योगदान देण्याचे राज्यपालांचे आवाहन
समाजाच्या विकासामध्ये अग्निशमन सेवा दलाची भूमिका महत्त्वाची असल्याचे सांगून राज्यपालांनी राज्यातील नागरिकांना अग्निशमन सेवा कर्मचारी कल्याण निधीला अधिकाधिक योगदान देण्याचे आवाहन केले. या निधीचा उपयोग अग्निशमन सेवा कर्मचारी आणि त्यांच्या कुटुंबियांच्या कल्याणासाठी करण्यात येतो.
राज्यपालांच्या हस्ते यावेळी मुंबई अग्निशमन दलाचे मुख्य अग्निशमन अधिकारी संजय मांजरेकर यांचेसह देवेंद्र पोटफोडे, मुख्य अग्निशमन अधिकारी, पुणे महानगर पालिका, प्रशांत रणपिसे, माजी मुख्य अग्निशमन अधिकारी, पुणे महानगरपालिका, किरण गावडे, माजी मुख्य अग्निशमन अधिकारी, पिंपरी-चिंचवड महानगरपालिका, यशवंत जाधव, उपमुख्य अग्निशमन अधिकारी, मुंबई अग्निशमन दल, कैलास हिवराळे, माजी उपमुख्य अग्निशमन अधिकारी मुंबई अग्निशमन दल, विजयकुमार पाणिग्रही, माजी उपमुख्य अग्निशमन अधिकारी, मुंबई अग्निशमन दल, संजय पवार, प्रभारी मुख्य अग्निशमन अधिकारी, मालेगाव महानगरपालिका, नाशिक, धर्मराज नाकोड,सहायक स्टेशन अधिकारी, नागपूर महानगरपालिका, राजाराम केदारी, लिडिंग फायरमन, पुणे महानगरपालिका, सुरेश पाटील, लिडिंग फायरमन, मुंबई अग्निशमन दल, संजय म्हामुणकर, लिडिंग फायरमन मुंबई फायर ब्रिगेड व चंद्रकांत आनंददास, फायरमन, पुणे महानगरपालिका यांचा 'राष्ट्रपती अग्निशमन सेवा पदक' देऊन सत्कार करण्यात आला.
सुरुवातीला महाराष्ट्र अग्निशमन सेवा संचालक संतोष वारिक यांनी राज्यपालांच्या पोशाखावर अग्निशमन सेवा चिन्ह अंकित केले. त्यानंतर राज्यपालांनी अग्निशमन कर्मचारी कल्याण निधीला आपले योगदान देऊन अग्निशमन सप्ताहाचे औपचारिक उद्घाटन केले. मुंबई अग्निशमन दलाचे मुख्य अग्निशमन अधिकारी संजय मांजरेकर यांनी आभारप्रदर्शन केले.
000
Maharashtra Governor launches Fire Services Week; appeals people to donate to Fire Services Personnel Welfare Fund
The Governor of Maharashtra Ramesh Bais inaugurated the Fire Service Week and launched the Maharashtra Fire Services Personnel Welfare Fund Raising Campaign by making his donation to the Flag Fund at Raj Bhavan Mumbai on Fri (14 April).
The Governor also presented the President's Fire Service Medals and Scrolls to 13 Fire Officers and leading firemen from Mumbai and other parts of the State on the occasion.
Speaking on the occasion the Governor stressed the need to create a modern, well-equipped, well-staffed and modern Fire Fighting Force for Mumbai and the State. The Governor also called for conducting regular fire audits of housing societies and industrial establishments.
The Governor appealed to the citizens to donate generously to the Fire Services Personnel Welfare Fund which is used for the welfare of family members of fire services personnel.
Director of Maharashtra Fire Services Santosh Warick affixed the Fire Service Flag on the apparel of the Governor.
The Governor presented the President's Fire Service Medals to Sanjay Manjrekar, Chief Fire Officer from Mumbai Fire Brigade, Devendra Potphode, Chief Fire Officer from P.M.R.D.A. Pune, Prashant Ranpise, Ex.Chief Fire Officer, Pune Municipal Corporation, Pune, Kiran Gawde, Ex. Deputy Chief Fire Officer, Pimpri-Chinchwad Municipal Corporation, Yeshwant Jadhav,Dy.Chief Fire Officer Mumbai, Kailash Hiwrale, Ex.Dy.Chief Fire Officer Mumbai Fire Brigade, Vijaykumar Panigrahi, Ex.Dy.Chief Fire Officer, Sanjay Pawar, In Charge Chief Fire Officer, Malegaon Municipal Corporation, Dharmaraj Nakod, Assistant Station Officer from Nagpur Municipal Corporation, Rajaram Kedari, Leading Fireman Pune Municipal Corporation, Suresh Patil, Leading Fireman Mumbai Fire Brigade, Sanjay Mhamunkar, Leading Fireman Mumbai Fire Brigade, and Chandrakant Anandas, Fireman, Pune Municipal Corporation. CFO Mumbai Fire Brigade Sanjay Manjarekar proposed vote of thanks.
The Fire Service Day is commemorated on 14th April to remember the fire services personnel who lost their lives in the devastating fire caused by the explosions in the Mumbai Dock Explosion in the year 1944.
000
