कसबा पेठ आणि चिंचवड विधानसभा मतदारसंघ पोटनिवडणूक

 कसबा पेठ आणि चिंचवड विधानसभा मतदारसंघ पोटनिवडणूक

सुधारित कार्यक्रमानुसार 26 फेब्रुवारी रोजी मतदान.

            मुंबई, दि. 25 : भारत निवडणूक आयोगाने 215- कसबा पेठ व 205 - चिंचवड (जि. पुणे) येथील पोटनिवडणुकीचा कार्यक्रम 18 जानेवारी, 2023 रोजी प्रसिद्ध केला होता. यासंदर्भात आता सुधारित प्रसिद्धीपत्रक जाहीर केले असून, या निवडणूकीसाठी मतदान, रविवार, दिनांक 26 फेब्रुवारी रोजी होणार असल्याची माहिती सामान्य प्रशासन विभागाने दिली आहे.

            सुधारित कार्यक्रमानुसार मंगळवारी, 31 जानेवारी 2023 रोजी अधिसूचना प्रसिद्ध होईल. मंगळवार 7 फेब्रुवारी 2023 उमेदवारी अर्ज दाखल करण्याचा अंतिम दिवस असेल. प्राप्त उमेदवारी अर्जांची बुधवार 8 फेब्रुवारी 2023 रोजी छाननी होईल. शुक्रवार 10 फेब्रुवारी 2023 उमेदवारी अर्ज मागे घेण्याचा शेवटचा दिवस असेल. त्यानंतर रविवार, 26 फेब्रुवारी 2023 रोजी मतदान होईल. गुरुवार, 2 मार्च 2023 रोजी मतमोजणी होईल. शनिवारी, 4 मार्च 2023 रोजी निवडणूकीची प्रक्रिया पूर्ण होईल.    

०००

महाराष्ट्रातील 4 जवानांना होमगार्ड आणि नागरी संरक्षण राष्ट्रपती पदक जाहीर.

 महाराष्ट्रातील 4 जवानांना होमगार्ड आणि नागरी संरक्षण राष्ट्रपती पदक जाहीर.

            नवी दिल्ली, 25 : होमगार्ड (एचजी) आणि नागरी संरक्षण (सीडी) सेवेमध्ये गुणवत्तापूर्ण सेवेसाठी महाराष्ट्रातील 4 जवानांना "राष्ट्रपती पदक" आज जाहीर झाले आहेत.

            दरवर्षी प्रजासत्ताक दिनाच्या पूर्व संध्येला होमगार्ड आणि नागरी संरक्षणामध्ये उल्लेखनीय कार्य करणाऱ्या जवानांना राष्ट्रपती यांच्या मंजूरीनंतर केंद्रीय गृहमंत्रालयाकडून "राष्ट्रपती पदक" जाहीर केले जातात. यात राज्यातील 4 जवानांचा समावेश आहे.

होमगार्ड आणि नागरी संरक्षण पदक विजेत्यांची यादी पुढील प्रमाणे :

· श्री काशिनाथ रडका कुरकुटे, सहायक उपनियंत्रक (सीडी)

· श्री. एकनाथ जगन्नाथ सुतार, प्लाटून कमांडर (एचजी)

· श्री. परमेश्वर केरबा जवादे, ऑफिसर कमांडिंग

· श्रीमती मोनिका अशोक शिंपी, होमगार्ड

महाराष्ट्राला 74 ‘पोलीस पदक’ जाहीर

 महाराष्ट्राला 74 ‘पोलीस पदक’ जाहीर

            नवी दिल्ली, दि. 25 :पोलीस पदकांची घोषणा झाली असून, यात महाराष्ट्रातील एकूण 74 पोलिसांना पुरस्कार जाहीर झाला. यातील चार पोलीस अधिका-यांना प्रतिष्ठित सेवेकरिता ‘राष्ट्रपती पोलीस पदक’ (पीपीएम) 31 ‘पोलीस शौर्य पदक’ (पीएमजी) तर प्रशंसनीय सेवेकरिता 39 ‘पोलीस पदक’ (पीएम) जाहीर झाली आहेत.

            प्रजासत्ताक दिनाचे औचित्य साधून केंद्रीय गृह मंत्रालय दरवर्षी देशातील पोलिसांच्या शौर्यासाठी ‘पोलीस पदक’ जाहीर करते. यावर्षी एकूण 901 ‘पोलीस पदक’ जाहीर झाली असून 93 पोलिसांना ‘राष्ट्रपती पोलीस पदक' (पीपीएम), 140 पोलिसांना ‘पोलीस शौर्य पदक’(पीएमजी) आणि 668 पोलिसांना उत्कृष्ट सेवेसाठी ‘पोलीस पदक’ (पीएम) जाहीर झाले असून यात महाराष्ट्राला एकूण 74 पदके जाहीर झाली आहेत. 

          देशातील 93 पोलीस अधिकारी- कर्मचा-यांना उत्कृष्ट सेवेकरिता ‘राष्ट्रपती विशिष्ट सेवा पदक’ जाहीर झाली असून यात महाराष्ट्राच्या चार अधिकारी –कर्मचाऱ्यांचा समावेश आहे. त्यांची नावे पुढील प्रमाणे.      

चार ‘राष्ट्रपती पोलीस पदक’ (पीपीएम)

 1. श्री.देवेन त्रिपुरारी भारती, अतिरिक्त पोलिस महासंचालक, राज्य सुरक्षा कोऑपरेशन, मुंबई

2. श्री.अनुप कुमार सिंह, अतिरिक्त पोलिस महासंचालक, मुंबई,

3. श्री. संभाजी नारायण देशमुख, वरिष्ठ गुप्तचर अधिकारी (पोलिस उपनिरीक्षक), मुंबई,

4. श्री.दीपक धनाजी जाधव, पोलिस उपनिरिक्षक, ठाणे

राज्यातील एकूण 31 पोलिसांना ‘पोलीस शौर्य पदक’ (पीएमजी)

1. मनीष कलवानिया, आयपीएस, अतिरिक्त पोलीस अधीक्षक (1st BAR To PMG)

2. संदिप पुंजा मंडलिक, सहाय्यक पोलीस निरीक्षक (2nd BAR To PMG)

3. राहूल बाळासो नामाडे, सहाय्यक पोलीस निरीक्षक

4. सुनिल विश्वास बागल, पोलीस उपनिरीक्षक

5. देवेंद्र पुरूषोत्तम आत्राम, नाईक-पोलीस हवालदार

6. गणेश शंकर दोहे, पोलीस हवालदार

7. एकनाथ बारीकराव सिडाम, पोलीस हवालदार

8. प्रकाश श्रीरंग नरोटे, पोलीस हवालदार

9. दिनेश पांडुरंग गावडे, पोलीस हवालदार

10. शंकर दसरू पुंगटी, पोलीस हवालदार

11. योगीराज रामदास जाधव, सहाय्यक पोलीस निरीक्षक

12. अमोल नानासाहेब फडतरे, सहाय्यक पोलीस निरीक्षक

13. सदाशिव नामदेव देशमुख, पोलीस उपनिरीक्षक

14. प्रेमकुमार लहु दांडेकर, पोलीस उपनिरीक्षक

15. राहूल विठ्ठल आव्हाड, पोलीस उपनिरीक्षक

16. देवाजी कोटूजी कोवासे, सहाय्यक पोलीस उपनिरीक्षक

17. राजेंद्र अंतराम मडावी, मुख्य हवालदार

18. नांगसू पंजामी उसेंडी, नाईक पोलीस हवालदार(1st BAR To PMG)

19. देवेंद्र पुरूषोत्तम आत्राम, नाईक पोलीस हवालदार (1st BAR To PMG)

20. प्रदिप विनायक भासरकर, नाईक पोलीस हवालदार

21. सुधाकर मानु कोवाची, पोलीस हवालदार

22. नंदेश्वर सोमा मडावी, पोलीस हवालदार

23. सुभाष भजनराव पाडा, पोलीस हवालदार

24. भाऊजी रघू मडावी, पोलीस हवालदार

25. शिवाजी मोडु उसेंडी, पोलीस हवालदार

26. गंगाधर केरबा कऱ्हाड, पोलीस हवालदार

27. रामा मैनु कोवाची, पोलीस हवालदार

28. महेश पोचम मदेशी, पोलीस हवालदार

29. स्वप्नील केसरी पाडा, पोलीस हवालदार

30. तानाजी दिगंबर सावंत, पोलीस निरीक्षक

31. नामदेव महिपती यादव, पोलीस हवालदार

राज्यातील 39 पोलीसांना उत्कृष्ट सेवेसाठी ‘पोलिस पदक’ (PM)

 1. श्री जयकुमार सुसाईराज, विशेष पोलीस महानिरीक्षक,कुलाबा, मुंबई

2. श्री लखमी कृष्ण गौतम, पोलिस अधिक्षक,विशेष पोलीस महानिरीक्षक कार्यालय,कुलाबा, मुंबई

3. श्री निशीथ वीरेंद्र मिश्र, विशेष पोलीस महानिरीक्षक, नागपाडा, मुंबई

4. श्री संतोष गणपतराव गायके, पोलीस उपअधिक्षक, गोरेगाव ,मुंबई

5. श्री चंद्रकांत विठ्ठल मकर, सहाय्यक पोलीस आयुक्त, दादर (पूर्व),मुंबई

6. श्री दिपक राजाराम चव्हाण, पोलीस निरीक्षक, मांटुगा (पूर्व) ,मुंबई

7. श्री. रमेश विठ्ठलराव कठार, पी.डब्ल्यु.आय (इजिनिंअर) औरंगाबाद परीक्षेत्र

8. श्री. देविदास काशीनाथ घेवारे, अतिरिक्त पोलीस अधिक्षक, लाचलुचपत प्रतिबंधक विभाग, अमरावती

9. श्री. सुधाकर पंडितराव काटे, अतिरिक्त पोलीस अधिक्षक, गुन्हे अन्वेषण विभाग, पुणे

10. श्री. शैलेश दिगांबर पासलवाड, सहाय्यक पोलीस आयुक्त, नवी मुंबई

11. श्री. मनोज श्रीकांत नेर्लेकर,पोलीस उपअधिक्षक, वरळी , मुंबई

12. श्री. शाम खंडेराव शिंदे , पोलीस निरीक्षक, नवी मुंबई

13. श्रीमती अलका सदाशिव देशमुख, पोलीस निरीक्षक, ठाणे शहर

14.श्री. दत्तात्रय भंगवतराव पाबळे, पोलीस निरीक्षक, डी.एन. रोड, मुंबई

15. श्री. बापू तुळशीराम ओवे, पोलीस निरीक्षक, गोरेगांव (पूर्व), मुंबई

16. श्री. प्रसाद दशरथ पांढरे, पोलीस निरीक्षक

प्राचीन मंदिरे सकारात्मक ऊर्जेचा स्रोत

 प्राचीन मंदिरे सकारात्मक ऊर्जेचा स्रोत

- मुख्यमंत्री एकनाथ शिंदे

राजस्थानमधील भीनमालच्या श्री नीलकंठ महादेव मंदिर जीर्णोद्धार सोहळ्यास उपस्थिती.

            जालोर, दि. 25 :- राजस्थानमधील जालोर-भीनमाल येथील श्री नीलकंठ महादेव मंदिराच्या जीर्णोद्धार तथा प्राणप्रतिष्ठा सोहळ्यास उपस्थित राहून मुख्यमंत्री एकनाथ शिंदे यांनी श्री शिवशंकराचे मनोभावे दर्शन घेतले. 

            याप्रसंगी मंदिराचे विश्वस्त राव मुफतसिंह ओबावत, मंदिर समितीचे पदाधिकारी आदी तसेच भक्तगण मोठ्या संख्येने उपस्थित होते.

            यावेळी मुख्यमंत्री श्री. शिंदे यांनी उपस्थितांशी संवादही साधला. हे प्राचीन मंदिर आपल्या सर्वांसाठी सकारात्मक ऊर्जेचा स्रोत आहे. अशा श्रद्धास्थानांचे जतन, संवर्धन हे आपले कर्तव्य आहे. तरच पुढच्या पिढीला आपली प्राचीन संस्कृती आणि तिचा वारसा समजून घेता येईल, असेही मुख्यमंत्र्यांनी नमूद केले. 

            जालोर - भीनमाल येथील हे निलकंठ महादेव मंदिर पंधराशे वर्षे जुने आहे. या मंदिराचा जीर्णोद्धार आणि प्रांगणाचा कायापालट करण्यात आला आहे. या सोहळ्यासाठी मुख्यमंत्री श्री. शिंदे यांना मंदिर समितीने विशेष निमंत्रण दिले होते.

महाराष्ट्राला 12 पद्म पुरस्कारझाकीर हुसेन यांना पद्मविभूषण,

 महाराष्ट्राला 12 पद्म पुरस्कारझाकीर हुसेन यांना पद्मविभूषण,

कुमार मंगलम् बिर्ला, दीपक धर व सुमन कल्याणपूर यांना पद्मभूषण.

            नवी दिल्ली 25: देशातील सर्वोच्च नागरी पद्म पुरस्कारांची घोषणा आज करण्यात आली. प्रसिद्ध तबला वादक झाकीर हुसेन यांना पद्मविभूषण तर उद्योगपती कुमार मंगलम् बिर्ला, सुप्रसिद्ध भारतीय सैद्धांतिक भौतिक शास्त्रज्ञ दीपक धर व प्रख्यात गायिका सुमन कल्याणपूर यांना पद्मभूषण तसेच महाराष्ट्रातील अन्य आठ मान्यवरांना पद्मश्री पुरस्कार जाहीर झाले आहेत.

             केंद्रीय गृहमंत्रालयाच्यावतीने दरवर्षी प्रजासत्ताक दिनाच्या पूर्वसंध्येला देशातील सर्वोच्च नागरी पुरस्कार म्हणून ओळखल्या जाणाऱ्या पद्म पुरस्कारांची घोषणा करण्यात येते. गृह मंत्रालयाकडून आज या मानाच्या पद्म पुरस्कारांची घोषणा करण्यात आली. महाराष्ट्रातून प्रसिद्ध तबला वादक झाकीर हुसेन यांना संगीत क्षेत्रातील उल्लेखनीय कार्यासाठी पद्मविभूषण पुरस्कार जाहीर झाला आहे. कला क्षेत्रातील उल्लेखनीय कार्यासाठी प्रसिद्ध गायिका सुमन कल्याणपूर, प्रसिद्ध उद्योगपती कुमार मंगलम् बिर्ला व विज्ञान व तंत्रज्ञान क्षेत्रात अमूल्य योगदान देणारे दीपक धर यांना पद्मभूषण पुरस्कार जाहीर झाला आहे. तसेच समाजसेवा क्षेत्रात अतुलनीय कार्यासाठी भिकू रामजी इदाते व गजानन माने, व्यापार व उद्योग क्षेत्रासाठी शेअर बाजारातील बिग बुल राकेश झुनझुनवाला (मरणोपरांत), कला क्षेत्रात गडचिरोलीतील सुप्रसिद्ध झाडीपट्टी रंगकर्मी परशुराम खुणे, प्रसिद्ध सिने अभिनेत्री रवीना टंडन व कुमी वाडिया, साहित्य व शिक्षण क्षेत्रात महत्त्वपूर्ण योगदानासाठी साहित्यिक व शिक्षणतज्ज्ञ प्रभाकर मांडे व रमेश पतंगे यांना पद्मश्री पुरस्कार जाहीर झाले आहेत.

             या वर्षी देशातील एकूण 106 मान्यवरांना पद्म पुरस्कार जाहीर झाले. यामध्ये 6 पद्मविभूषण, 9 पद्मभूषण आणि 91 पद्मश्री पुरस्कार सामील आहेत. यासह 19 महिला तर 2 हे परदेशी नागरिक आहेत. 7 मान्यवरांना मरणोत्तर पद्म पुरस्कार जाहीर झाले आहेत.

०००

 

अजब गजब कलाकारी.

 

सविधान उद्येशिका